عود اني حالف ما أحب بس انتَ جيت بدربي
لزمة حمامة بچف طفل بالگوة لازم گلبي
﹏﹏﹏﹏﹏﹏﹏﹏﹏﹏﹏﹏﹏
الـكـاتبة فـاطـمه علـي🦋
﹏﹏﹏﹏﹏﹏﹏﹏﹏﹏﹏﹏﹏﹏
فرح : بدت الناس تدخل لحد ما دخل هوه يله حسيت بروحي رجعتلي لان مدنكه راسي ما شفته لحد ما كعد بصفي وحجه وياي
سجاد : مو كتلج عمري مراح اتركج
فرح : الناس تهوس وناس تركص وهوه تقرب يم اذني يحجي ...... رفعت عيني وخليتها بعينه....... جنت متاكده من هل شي لان اعرف ختاريت رجال
سجاد : كلش حلوه عليج البدله وشكلج كلش حلو
فرح : شكراً انت هم ما شاء الله عليك عين بارده
سجاد : اشكرج...... شوفي شهد راح تموت نفسها
فرح : هههه خوش بنيه شهوده
سجاد : اليوم امي كل شويه تريد تعاركها تفتر بالبيت كدام عماتي وگرايبنا تكول سجاد ختار بنيه راح تعدل النسل
فرح : هههه والله عدها سوالف اني عبالي نست هل شي
سجاد : يله غطي شعرج راح نطلع
فرح : اجتي شهد يمي حته اجهز نفسي ونطلع ......... طلعت لكيت عمو صادق بالباب وهوه تلكاني
صادق : هلاااا بويه فرح الف مبروك
فرح : الله يبارك بيك عمو ............لبسني عباته خلاها فوك البدله وصعدت بالسيارة وصعد عمو صادق وحيدر يسوق وسجاد يمي
سجاد
من وصلنا ولازم تروح تبات يم بيت عمي سامي ما ادري شصار بيه عبالك بتي واخذوها مني روحي كامت تلوب عليها انوب حته جهازها ناسيته يمي ما طلع يوم روحي طلعت يله خلص وثاني يوم لتهيت بتجهيزات وبين ما رحت للحلاق من رجعت انصدمت بالغرفه شكد حلوه مسوينها لان من عاداتنا ميصير تبات بالغرفه اله بيوم العرس فه قبل يوم ضليت بغرفة ولد خالي
المهم لبست وجهزت نفسي وطلعت الزفه
اني امي احس بيها ما مقتنعه صح تصفگ وتهلهل وباركتلي بس مو من كل گلبها يا يمه شسوي غير گلبي حبها
وصلنا بيت عمي سامي ونزلت كل الزفه وراهم اني دخلت من بعيد من شفتها بدلة العرس شكرت رب العالمين
( ما ضاع دعائي يا طلبتي من ربي بكل فرض )
دمعت عيوني من شفتها دخلت كعدت يمها حجيت وياها من خلت عينها بعيني كتلتني بعيونها واني منا مشتاقلها بگد رحمة الله شويه سولفنه وراها طلعنا ونطلقت الزفه فترينا شويه وراها رحنا ناخذ صور ونوب رجعنا لبيتنا من وصلنا هيه دخلت واني ضليت بره يم الناس الي جايه تبارك ما بين العشه والهوسه كالو خلينا نزفك
كرار : يله بعد اخوك مودع بالله
مرتضى : شنو اسم الله رايح للجبهة
