لايك وتعليق🤍
الحلقة 12
في مشاكل قد ما يحسها البعض تافهه في ناس توجعهم تحز في خاطرهم زي ما نقولو خاصتا لو هالشي انت متخوف منه ان في يوم تبدا اخر اهتمامات شخص انت معطيه كل مساحة حياتك ومقدمله كل ما تملك من اهتمام وقتها لو الاهتمام مردلكش وحسيت نفسك انك محطوط عالرف هتحس بي إحساس بشع الي هو النسيان من قبل شخص مهم جدا عندك❤
زي ما صاير لي شيرين هي أصلا علاقتها مع صفوان منهزه مره تجيبها ريح لقدام ومره توخرها هالشيء مخليها تخاف فقدانه في يوم💔
طلعو من عند المراجعه واطمن عليها كان يسوق وشاد يدها مبعدتهاش لانها كانت مرايفه عليه بس الزعل مزال اقوى🤷♀️
صفوان:في مطعم هنا سمح نتكو نخدو منه غدي؟
شيرين:منروح لي احمد اكيد جاع
صفوان:تمام مش هنطولو شويه
شيرين:صفوان منقدرش نخلي اكثر اكيد هبلهم
صفوان تنهد:تمام
تكه علي صيدليه خدي لوازم لي احمد وليها وبعدين علي غدائيه خدي منها حجات فطور وشوي حجات للغدي وخدي لحم ودجاج وكبده تشوفله وهو يتكي عالمحلات ويطلع بي شكاير بي سعادة داخليه❤
بس من بره تبان مش مهتمه روح بيها وقعد ينزل فالحجات
شيرين:مشلازم انت مخليلي فلوس
صفوان:مرتي اني مسؤول عليها قولي لي حد يرفعهم وكولي دحي ودجاج بيش يرم عضمك(شيرين هزت براسها وجت بتخش شد يدها وقربها منه) نحبك❤
شيرين تشوفله وحولت يدها وخشت وهو تنهد بي زعل علي حالهم وركب للسياره
---------------------------------------------d0aa-abd0
خبرها راجلها ان عزوزها عازمتهم كلهم عالغدي استغربت خاصتا ان موصره الكل يحضر
هنيدا:توحشتنا امك؟
رماح:متشوفش فيكم الا في شهر مره اكيد بتوحشكم
هنيدا ضحكت بسخريه وخدت مفتاحها بتطلع
رماح:علي وين؟
هنيدا:للصالون (لفتتله) غريب قاعدلي هنا تشوف وتسال وين طالعه ووين خاشه ولا سحبو عليك جماعتك😏
رماح فز علي كلمة جماعتك بعدين عقد حواجبه بغضب:قعمزي مفيش طلوع
هنيدا بصدمه ضحكت:شن قلت🤨؟
رماح صبا وقرب منها:مفيش طلوع بتقعمزي هنا ومنلقاك علي طاولة الغدي مع صغارك
هنيدا:ولو مقعمزتش
رماح:شفتي هالصالون وسياره ودنيا الفرحانه بيها تختفي كلها فأهدي وقعمزي زي المرا الفالحه
YOU ARE READING
لسابع ارض🕳
Mystery / Thrillerالدنيا عادله وتعطي لِكل دي حقٍ حقه👌 عشان هك مرات تحس نفسك في سابع سمي تلاحق في السحاب❤ ومرات تحس نفسك في سابع ارض غارق بين الوحل💔
