Ops! Esta imagem não segue nossas diretrizes de conteúdo. Para continuar a publicação, tente removê-la ou carregar outra.
الحلقة 38
السرير معاش سدها حركتها زادت وتوترها زاد فجأه شدت النقال ورنت علي رقم
رن رن رن ومفيش رد اخر شيء جاها صوت ناعس:الو
فردوس عيونها دمعن وقعدت ساكته وهو الي كان راقد شاف للنقال وانصدم بعد ركز فالاسم وقال بلهفه:فردوس فيك شيء؟؟؟
فردوس قعدت تبكي وهو بعد سمعها انخلع:قلبي شنصاير خيرك فيك شيء حد فيكم فيه شيء فهميني (وفردوس مفيش رد) اني جايكم سكري سكري
فردوس بخوف:لاااا
مراد:شنفيك امالا ادوي
فردوس:مراد فاتحتنا غدوه
مراد تنفس براحه:قصدك هدا بيش تعيطي
فردوس:منسالك سؤال
مراد:اسالي الي تبيه غير امسحي هالدموع
فردوس:حق كنت في علاقه مع وحده مزوج
مراد انصدم وفردوس ردت تبكي💔
---------------------------------------------d0aa-abd0
خش يجري لي الحوش وانصدم بعد القاها تبكي ورا امه وزهره مصبيه قدامها
جواد قدم بعصبيه وزهره جت قدامه:للليش اددديري فياااا هككك ليييششش قلبببت عليك الدنيااااا دخت السبع دوخااااات قعدت نجري بين الناس زييي المهبووول؟؟؟؟؟
هو يدوي بعصبيه وريان كاشه في بعضها ورا زهره حط يديه علي راسه بعد ملقاش رد من حد:بتهبلووووني انطقوووو
هنا الزوز فزن وزهره قالت:البنت طلعت ومشافتكش خافت ومشت بروحها الغلط منك
جواد :منني؟؟ تي اني كنت مصبي قداام الباب قداااامه
ريان زادت تبكي وقالت:معاها💔
زهره غمضت عيونها وجواد قال:شنووو؟ مع من؟؟ (بعدين فتح عيونه بتدكر) انتي قصدك عالمراه الي كنت مصبي معاها
ريان زادت تبكي وزهره قالت:منهي الي كنت واقف عليها
جواد:يامي هدي السوريه الي كنت نخدم معاها عرفتيها
زهره:أي أي عرفتها يبنتي راهي مزوجه بصغارها
ريان شافتله وقالت بحرقه:وقفت واجد ومنبهتليش تهدرز معاها وتضحك وحتى عيونك يضحكن معاها💔
VOCÊ ESTÁ LENDO
لسابع ارض🕳
Mistério / Suspenseالدنيا عادله وتعطي لِكل دي حقٍ حقه👌 عشان هك مرات تحس نفسك في سابع سمي تلاحق في السحاب❤ ومرات تحس نفسك في سابع ارض غارق بين الوحل💔
