اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقة 37
من الضحك قريب داخ اما هيا فغطت روحها كلها بالورغان وهوا هدا ضحك شويه وجي احداها حاول يجبد الورغان مقدرش
جواد:ريونتي (ريان مفيش رد) وربي ما قصدي نضحك عليك انتي (وشد روحه بسيف عالضحك) معقوله تسحابيني مننتحر😂
ريان حولت الورغان وقالت بعصبيه:واحد مصبي علي حاشية شباك شن معناها؟؟؟؟؟
جواد:قلنالك في بلاكونه زجاجيه مش باينه
ريان بعصبيه:مننننعععرفش ان في
جواد حاول يحضنها وهي بعداته وناضت وتدوي بتهديد:وربي تقرب مني تشوف امشي ارقد بروحك ليوم
جواد شيع حاجبه وهز راسه بعصبيه وطلع بره الدار وهي قالت:ححي شكله زعل🥺
وقعمزت عالسرير وضميرها بدا يأنب فيها🤦🏻♀️
---------------------------------------------d0aa-abd0
رشيد يشوف لولده ومش فاهمه شن يقول
رشيد:خيرك انت شن تخرف؟
مؤمن:قتلك يبوي مراد رد ودوالي وقنعني الحق والبنت مليهاش الا ولد عمها
رشيد:بس اني منبيش نعطيها البنت
مؤمن:يبوي ليش تسكر فيها ولد خوك رهو
رشيد يشوفله بشك:وانت شن غيرك هك؟
مؤمن:قتلك قنعني يبوي
رشيد:واني قلت البنت مش معطيها
ناض رشيد ومؤمن خبط بيديه علي وجهه بعصبيه
---------------------------------------------d0aa-abd0
سكر باب الحوش وخش عليها فالصاله القاها مقلوبه فوقي لوطي وهي راقده في نصها وصغارها فوقها راقدين واحد علي بطنها والأخرى علي كراعها ابتسم علي منظرها وقدم رفع ولده وحطا في سريره وغطاه بعدين بنته وسكر الباب عليهم وجاها هيا رفعها وركب بيها عالدروج وعت في نص الطريق
شيرين:روحت
صفوان:مزلت فالطريق
شيرين حضناته ورقدت وهو ضحك وقال:الحمدلله❤
---------------------------------------------d0aa-abd0
تأخر الوقت وهو مخشش خافت ومشت طلعت مالدار للصاله (مزالو فالفندق) القاته مقعمز علي نقاله قدمت بشويه قعمزت احداه فاتو عشر دقايق ومحد يدوي
أنت تقرأ
لسابع ارض🕳
Mystery / Thrillerالدنيا عادله وتعطي لِكل دي حقٍ حقه👌 عشان هك مرات تحس نفسك في سابع سمي تلاحق في السحاب❤ ومرات تحس نفسك في سابع ارض غارق بين الوحل💔
