فردوس:عرسان شن بالله عليك انت متعرفاش الدكتور هدا لازم نحضرله اول بأول وحتى انت رسمي عندك شوف امس نزلو جداول
مراد صبا وحول الورغان ومردش عليها وهي استغربت:مزال مراقش تو يدوش ويروق
طلعت بره الدار ومشت تجهز فالفطور وهو كان تحت الشرشاره يدوي مع نفسه:اطلعلها بشويه قوللها الي لابستيه ميمشيش معايا تخشي تلبسي شيء طويل لا تعصب لا تهزب لا تخوفها يمراد
طلع والقاها مقعمزه تراجي فيه اول ما شفاته ابتسمته وهو قربلها وباسها علي راسها وهي حضناته:عرفتك مزلت مصحصت صباح النور❤
مراد:صباح الفل❤
حط المنشف علي رقبته وقعمز وبدا ياكل وهي تشوفله بابتسامه شافلها وكأن بيقول شيء:منقولك
فردوس:نعمين
مراد:احم الي لابستيه غيريه
فردوس:كيف؟؟
مراد:الجاكات وهالشيء خلاص انسيه انتي تو مراه مزوجه خشي البسي شيء طويل ومستور
فردوس:قصدك اني مش مستوره ولا كيف؟
مراد:لا اله الا محمد رسول الله (ناضلها وقعمز أحدا كراعها علي ركبته وشد يدها) مستوره وما فيك شيء بس ميجيش وانتي علي ذمتي تلبسي هاللبس اني راجلك لازم تسمعي كلامي
