Oops! This image does not follow our content guidelines. To continue publishing, please remove it or upload a different image.
الحلقة 33
اتكت علي الشباك وهي تشوف لي أمها كيف راقده بي تعب عيونها صغرو وخدودها نزلت وكأنها كبرت 10 سنين القدام نزلت دمعتها💔
ومسحتها وقت انفتح الباب وخشت الممرضه
الممرضه: فيقي المريضه شوي ويهزوها للكيماوي
هزت راسها وقعدت تنوض في أمها الي ناضت من دون ولا صوت:هي ماما منعدو توا للكيماوي
هنيدا شافتلها:امي وين
ريان:مشت هي وخالي للكافيتيريا تو يجو
هنيدا هزت راسها برفض:لالا منمشيش بلاها
ريان شاده دموعها:ماما اني معاك هي تو تجي
هنيدا فكت روحها من ريان:ناديلي امي
ريان تنهدت بحزن وطلعت ودموعها تنزل نزلت لي خالها لوطه والقاته هو وصالحه يحاول معاها تاكل
ريان وهي تبكي:خالي💔
صالحه فزت:بنتتتتي فيهاااا شيء
كمال:اهدي يا امي بس
ريان:ماما تبيك انتي معاها لما(وغص صوتها) تخش للكيماوي💔
صالحه حطت يدها علي فمها مانعه رجفته:اني نجي معاها بنتي اني
ومشت صالحه وكمال معاها وريان قعمزت علي كرسي ومعاش قدرت تمسك نفسها ودموعها نزلت بقوه:ياااااارب💔
---------------------------------------------d0aa-abd0
قعمزو هنيدا علي كرسي وركبولها الجهاز وأول ما مشي في عروقها طلعت منها اهات وصالحه شاده في يد بنتها بقوه ولاحظت برودة يديها وتحولهن للون الأزرق شدت نفسها بسيف💔
صالحه:اقري المعودات بنتي اقريهن تو يعدي كله
هنيدا شافت لي أمها وقعدت تهز في راسها بنفي:منبيشي منبيشي💔
الممرضه جت شدت يدها:لو سمحتي مدام متتحركيش
صالحه:يبنتي يهديك ربي تعودي مالشيطان هي اني معاك❤
وقعدت تمسح علي يدها بحنيه وتقرا في قرأن وهنيدا دموعها تنزل وخرت راسها وغمضت عيونها وجي في بالها قبل يومين
YOU ARE READING
لسابع ارض🕳
Mystery / Thrillerالدنيا عادله وتعطي لِكل دي حقٍ حقه👌 عشان هك مرات تحس نفسك في سابع سمي تلاحق في السحاب❤ ومرات تحس نفسك في سابع ارض غارق بين الوحل💔
