لسابع ارض🕳

بارت 13

الحلقه 13

(لكل فعل رد فعل مساوي له فالمقدار معاكس له فالاتجاه↔️)

سمعناها واجد كمقوله بس حقيقتا هيا نص فيزيائي لي قانون نيوتن الثالث واحني كبشر نتلقو فعل ونردو عليه بي فعل نفس حدة وجعه او فرحته بس معاكسه ليه كتصرف🤏

تشوف لي الرجاله الي يخشو لي حوشهم وهي مصدومه كيف قدرت تنطقها كيف قدرت تقول لي بوها موافقه كيف قدرت تقدم علي شيء زي هدا ومراد؟ حبها ليه وفائها لي الي دام سنين كيف في لحظه كل شيء انتهي بس كل ما تدكر كيف فرط فيها طول تمسح دموعها وتتظاهر القوه💔🔥

ناهد تمت خطوبتها لي ولد عيله كويسه صلاي ويخاف ربي صح ميحبهاش بس سيرته بين الناس تشهدله بي ان خير زوج لي أي بنت❤

---------------------------------------------d0aa-abd0

خش للحوش موطر لان عنده ورق في دار النوم يبيه ولسوء حظه كانت هي موجوده

اول ما شفاته بخت عطرها علي عبايتها بكل هدوء وهو يشوفلها بي حده وغضب زي ما يقولو تغدى بيه قبل يتعشى بيك خش لدار الملابس وهو يخبط ياخد في الي يبيه طلع القاها مصبيه قدام الباب

هنيدا:تعرف ان درة إحساس بالغيره محسيتهاش درة إحساس ان منبيكش تزوج غيري محستهاش مسلمه فيك معطيتك بكل مافيك بس اني واخده عهد من راجل(وضحكت بي سخريه وهو قدملها) ان متفكرش تزوج وتعلن زواجك ونعيشو زي ما احني هك معطيتك حريتك ومعطيني قدري قدام الناس🔥

رماح: وبما انك مسلمه فيا شن واجعك اني منبيش زوجه ليا بس نبي حتى زوجه قدام الناس تكون واقفتلي في كل شيء وانتي خلاص اني مسلم فيك زي ما مسلمه فيا

هنيدا:تعرف اني كنت مخليتك واخد جوك ومتريح وعايش متفكر في شيء بس صدقني يرماح يوم بس مش هترتاح وجايك مني ظلام اسود زي لون هالعبايه🖤

شاف رماح لعبايتها وشد يدها بقوه:تهددي فيا اني يهنيدا متعرفيش رماح ولا شنو وربي نلوحك عند اهلك وتحلمي بي ظفر واحد من ضناك خليني متحملك ومتحمل وجهك الي يقطع الميه من البير وساكت وزارط اقسم بالله كان ما قعمزتي علي ما عطاك ربي اني نوريك السواد الكاحل الي يعمي عيونك🔥

لوحها علي السرير وطلع وخلاها تشوف بغضب وكل ماله القلب يملى اكثر واكثر🔥

---------------------------------------------d0aa-abd0

بلوك بلوك بلوك

 بلوك انستقرام

بلوك فيس

 بلوك بلوك بلوك

هك قالت رضوى الشربيني وهك طبقت ناهد دارت لي مراد بلوك من كل مكان بس قبل ما تديره بعتت رساله

(مراد اني اليوم تخلصت من كل شيء يربطني بيك وحرقته حرق وياريت حتى انت تتخلص من كل شيء وتنساني اني توا قريب هنولي علي دمه راجل غيرك ومنبيش حتى نفكر نغضب ربي ونخون ثقة اهلي والراجل الي عرف قدري وجي لاهلي ياريت تنساني ومعاش تحاول تتواصل معايا لو مقدرتش تخليني سعيده معاك عالاقل خليني نجرب نعيش السعاده مع غيرك من قلبي ندعيلك ربي يهديك وينور بصيرتك وترجع مراد الي حبيته من سنين وأخيرا سامحني لو في يوم اذيتك لو بحرف وارجوك تمنالي حياه سعيده ومستقره لاني تعبت ونبي نرتاح ...سلام❤)