Oops! This image does not follow our content guidelines. To continue publishing, please remove it or upload a different image.
اسفه عالتأخير الي مش بيدي لهيت في قرايتي🥺
الحلقة 39
هذا عرس المسمي ...يا سامع بيه تعال هني
سلم ولد العم الداني ...ما خلاها للبراني
والدربوكه شايطه وهنيدا تغني من قلبها في رمي خوها والسابات يطلعو قدامهم كسوه كامله لي لفردوس يقولو تحل العين العميه وامه تبكي بحرقة ادكرت ولدها الي توفى قبل تفرح بيه لاكن رغم هك كانت فرحانه وتصفق❤
اما هوا وين فكان في نص النوبة يرقص وبيطير من الفرحه وصفوان الي كان يشوفله حتهو طيف زياد كان محاصرة مراد يعني زياد هوا الي رباه وهوا الي كبره وهوا الي علمه وكان معاه كلهم كانو متجاهلين الي في مراد الا زياد❤
مراد كان يمكن واخدته الفرحه في وقتها ويرقص ويغني ومش مصدق روحه
بس فالليل بعد سكتت الدنيا كان مقعمز في سيارته ويشوف لي صورة خوه ويبكي بحرقه عليه تو بس استوعب ان وصل لي فرحة عمره وهوا مش معاه حتى فردوس الي كلماته بعد فضت مردش عليها وهي انشغلت عليه بس بسرعه ما خدو منها النقال عشان يحنوها❤
وهو فات عليه الليل وهو يبكي مقدرنش دموعه يوقفو واكيد كلكم مريتو بي إحساس مراد فجأه تدكر حد غايب مش هيرجع مش هيكون معاك في فرحتك هتحس بي قلبك يعصر فيك ودمعتك متبيش توقف💔
جي الصبح وبدو ينوضو وهنيدا وشيرين يوتو فالفطور ونجوى تكنس في الخيمه وحست ان في تسكير بيبان استغربت من بيجي من 7 الصبح وكلهم بايتين شوي وانفتح باب الحوش وبانت عليها من الرواق
نجوى لوحت المكنسه:ريوووونه❤
ريان جتها بخطوات سريعه وحضنتها:نجيوووه كيف حاالك؟؟
