لسابع ارض🕳

بارت 24

الحلقة 24

صوت العصافير بعد صلاة الفجر اهدى صوت يمكن تسمعه في حياة الصخب الي نعيشوها صوت يخليك تاخد نفس وتهدى❤

كانت بره مقعمزه بعد صلت الفجر والشروق بدا لافه يديها علي نفسها وتشوف لي شجرة التين الي في حوش خوالها🍃

:صباح الخير

لفتت ريان:صباح النور

شيرين قعمزت عالكرسي احداها:شفتك من فوق بعد رقدت احميده قلت نشوفك مهدرزناش امس فرحانين بيك كلنا (حطت يدها علي كتف ريان) بس انتي مش فرحانه

ريان تنهدت بحزن:قبل نخش في غيبوبه سمعت شيء خلاني ننكسر فوق كسرتي وبعد نضت وتأملت ان في شيء يعوضني رديت انكسرت اكثر💔

شيرين:شن سمعتي

ريان شافت لي السمي:ماما (شافت لي شيرين وابتسمت بسخريه) طلعت خاينه زي راجلها

شيرين انصدمت وحطت يدها علي راسها وريان شافت القدام ودموعها تنزل

شيرين:يعني

ريان:ماتو بسببها

شيرين:مش مصدقه هدا بيش امس محضنتيهاش ولا دويتي معاها

ريان وهي تبكي: نحضنها؟ عمرها محضنتني وشمت ريحتي ومسحت علي شعري مندكرش في يوم شفت حنيتها عليا (مسحت دموعها وقالت بهدوء) تتوقعي ليش اني نجي بين اب وام هك؟

شيرين: اختبارات من ربي متعرفيش علي هيأة شنو يجنك

ريان دموعها تنزل وتمسح فيهن:تعرفي شن شفت فالغيبوبه هدي (شيرين تشوفلها بي حزن علي حالتها) شفت روحي بالفستان الأبيض وخالي صفوان يزف فيا لي جواد واني فرحانه وهو فرحان شديت يده بالقوه وكأنه اخر شيء منتمسك بيه فهالحياة بس نضت القيت جواد مهناكش (شافت ريان لي شيرين) سافر وخلاني💔

شيرين نصدمت وريان حضنت شيرين وانهارت بالعياط وشيرين تحاول تهديها وعلي باب المطبخ هنيدا تشوف لي بنتها ودموعها تنزل

---------------------------------------------d0aa-abd0

مر شهر رمضان وهنيدا تفوت فيه عراك مع شيرين ونجوى وامها وصفوان في كل مره يشدوه عليا اما هيا فلازالت تشوف نفسها هنيدا الي ميقواش عليها حد