Oops! This image does not follow our content guidelines. To continue publishing, please remove it or upload a different image.
الحلقة 20
تسمع في ادان العشي وهي متكيه عالصالون ومقعمزه عالوطا وعيونها جافات عليهن الدموع
هنيدا:شن درتي في روحك يغبيه شن درتي في روحك ووين وصلتي انتي ووصلتي اهلك معاك شن درتي في روحككك💔
وقعدت هنيدا تبكي وهي كاشه علي روحها
وتحت حوش صفوان كان الحوش معبي بالمعزيين وشيرين ونجوى واخت الحاج احمد يعني صبية صالحه وبناتها يعاونو فيهم والموضوع السائد الجريمه الي صارت وشن سببها🤷♀️
كانت شيرين ماشيه بي صفرة الميه الفاضيه لي ما حست بيد وقفتها ما بين المعزيين
شيرين نصدمت ومعاش عرفت شن تدوي فكت يدها من الجاره وابتسمت وفاتت من دون ما ترد عليها اما نجوى كانت ورا الحوش مقعمزه تبكي ويدها علي بطنها لتو متعرفش أي شيء علي مالك وكيف صحته؟
اما بره عند الرجاله كان صفوان مقعمز وصحابه محاوطينه يحاولو يدوو معاه بس هو كان في عالم غير العالم الي هما فيه مش فاهم كيف يصرف ولا شن يدير شيع راسه فوق وهو يشوف للسمي وتنهد بي الم والي احداه شافوله بي حزن💔
