တစ်လက်ကိုင် အချစ်သဝဏ်လွှာ - Second Hand Letter (ဘာသာပြန်)

ဇာတ်ကောင်တို့ ဘဝနဲ့ လောကဓံသဘော

တစ်လက်ကိုင် အချစ်သဝဏ်လွှာ ( ဘာသာပြန်)
မူရင်းအမည် - Second Hand Love Letter ( 二手情书)
မူရင်းစာရေးသူ - Han Shu ( 寒菽 )
အပိုင်း - ၅၇ ပိုင်း ( ကျောရိုးဝတ္ထု + အချပ်ပို)
မူရင်းဘာသာ - တရုတ်
ပြန်ဆိုဘာသာ - မြန်မာစာ / ဗမာစာ
ပြန်ဆိုမှုပုံစံ - အင်္ဂလိပ်ဘာသာမှ တဆင့်ခံ ပြန်ဆိုခြင်း။

ဇာတ်အကျဉ်း

‌ဆယ့်ခြောက်နှစ်သားအရွယ်တုန်းက လုယုံတစ်ယောက် ဘာမှ ဖြစ်ဖြစ်မြောက်မြောက် မရှိခဲ့သူရယ်ပါ။ သူက ညစ်ပတ်ပေရေပြီး ထုံအအ အသွင်ရှိတဲ့ ပလုံကောက်သူမျှသာဖြစ်ပါတယ်။ မသန်စွမ်းတစ်ယောက်ဖြစ်ပြီး စကားပြောမကောင်းလှတဲ့သူ့မှာ သူငယ်ချင်းဆိုတာကလဲ မူးလို့ ရှူစရာတောင် မရှိပေ။

တစ်ဖက်မှာတော့ နောက်ထပ် ဆယ့်ခြောက်အနှစ်အရွယ်ကောင်လေး ရှန်ဝမ်ချူးကတော့ ရုပ်ရှည်၊ အောင်မြင်မှု ဘာမှပြောစရာမရှိလောက်အောင် ပြည့်စုံပြီး ပျိုကြိုက်တဲ့ နှင်းဆီပွင့်ကြီးအဖြစ် လူတိုင်းပါးစပ်ဖျားမှာ ရေပန်းစားလှသူပါ။

လုယုံ အသက်နှစ်ဆယ့်ရှစ်နှစ်အရောက်မှာတော့ ချို့တဲ့နေတဲ့ သူ့လက်ကို ဉာဏ်ရည်မြင့် သတ္တုလက်အတုလေးတပ်ဆင်ခဲ့ပါတယ်။ သူ့အိမ်ကနေ စတင်ခဲ့တဲ့ စွန့်ပစ်ပစ္စည်း ပြန်လည်သန့်စင်အသုံးပြုရေးလုပ်ငန်းလေးဟာ တိုးတက်အောင်မြင်လာပြီး သူ့ဟာလဲ စွန့်ပစ္စည်းပြန်လည် သန့်စင်အသုံးပြုရေး ကုမ္ပဏီတစ်ခုရဲ့ အမှုဆောင်အရာရှိချုပ် (CEO) တစ်ယောက် ဖြစ်လာခဲ့ပါတယ်။ ဒါ့အပြင် စက်မှုလုပ်ငန်းနယ်ပယ်မှာ အောင်မြင်ကျော်ကြားတဲ့ လုပ်ငန်းရှင်တစ်ဦးလဲ ဖြစ်လာပါတော့တယ်။

တစ်ဖက်မှာ တစ်ချိန်က နှင်းဆီပွင့်ကြီး ရှန်ဝမ်ချူးကတော့ မိဘများရဲ့ စီးပွားရေးတွေ ဒေဝါလီခံလိုက်ရပြီး အကြွေးနွံနစ်ကာ လူမွဲအဖြစ်ကြေညာလိုက်ရသည်အထိ ချွတ်ခြုံကျသွားခဲ့ရပါတယ်။ လူတွေရဲ့ အတွင်းစိတ်ဓမ္မတာအတိုင်း ‌ကျရှုံးသူကို ဖေးမခြင်းမရှိ ရှောင်ခွာလာကြတာမို့ ဆွေးမျိုးသားချင်း၊ သူငယ်ချင်းအသိုင်းအဝိုင်းကနေဝေးရာ ဘေးထွက်လာခဲ့ရပြန်ပါတယ်။ ‌လူတိုင်းအားကျလောက်တဲ့ သူ့ဘဝက သူ့သဘောကျတဲ့ ဓနဂုဏ်အားလုံးကို စွန့်ခွာခဲ့ရပြီး ဘာမှသုံးစားမရတဲ့ ‌ဆန်ကုန်မြေလေး ကလေကချေတစ်ကောင်အဖြစ်ကို ပြောင်းလဲ ရောက်ရှိခဲ့ရတဲ့အထိ လောကဓံရဲ့ လှည့်စားမှုကို ခံခဲ့သူဖြစ်လာပါတော့တယ်။

တစ်လက်ကိုင် အချစ်သဝဏ်လွှာ (ဘာသာပြန်)

4th Sept 2023
10:09 PM
Mon