ابتسمت اول ما وقفو عند القصور وكانو العيال كاشخين وواقفين بانتظار مطلق التفت لها:يلا
تركت كفه ونزلت متجهه لبيت عمها ولف مطلق للعيال ركض خلف يمثل الحزن:مومو اشتقت لك
كتم مطلق ضحكته يحاوط خلف:خلاص حبيبتي خلاص
استوعب خلف وناظر مطلق:تخسي!!!
مطلق:اجل مومو يالطيب!!
تركي :انكتمت بدونك يارجال
ضحك مطلق يشرع يدينه لتركي:تعال وانا اخوك
تقدم تركي يحضن مطلق وهمس في اذنه:بعد الغداء بحتسي لك موضوع
التفت مطلق باستغراب وشاف فادي:ماشاءالله موجودين؟
فادي:ايوا
مطلق عقد حاجبه:ايوا ؟؟
فادي :يوه ذا كلامي
عبدالعزيز:ما ارتحت لك
علي حاوط كتف خلف؛والله يارجال عليه ملاحظات
ابتسم عقاب يسند نفسه ويوقف من اقبل مطلق يقبل راسه ويدينه:ماشاءالله يبو داحم مروق؟
عقاب:اي بالله مروق!
مطلق:جدي تركي يبي يكلمني بالموضوع
عقاب:مايخفى علي وعليك شي بس خله يعترف
مطلق:هذا مقصدي من البدايه
عقاب :ودي اخليه ياخذ الجود بدون عرس
ابتسم مطلق:عشان كذا كبرت الملكه؟
عقاب؛بالضبط لان مطلق مابتقدر تسافر احتاجك واحتاج اليوم تمر على حامد وتعطيه الاوراق يوقع اذا باقي معك
مطلق:اهملت شغلي والحلال لازم ارجع!
عقاب:عليك نور نسوي عشى بسيط وياخذ تركي الجود وفي اشياء كثيره تنتظرنا
مطلق:قصدك اشياء تهد جبال
عقاب:ابو عادل هادي وهدوئه ما يطمني
ابتسم مطلق:يهدا يعصب ينفجر لكن ما يقدر على حفيد عقاب
عقاب؛حفيده ووريثه
مطلق:من بعد عمراً طويل ياعقاب
عقاب:قم ومرني في الليل القصر ورانا حكي واجد
مطلق:ابشر على ذا الخشم
عقاب:يا مطلق احتاجك لا تختفي الا باذني
مطلق:وشهو عقاب بدون مطلق؟
عقاب ابتسم :ووشهو مطلق بدون عقاب؟
ابتسم مطلق يقوم ونطق عقاب.انتبه لهدب عينك مركزين عليه
مطلق:الي يفكر يلمس شعره بيودع يبو داحم
خلف ضحك بعلو صوته:منهو الي يودع
مطلق:مواضيع كبار
خلف:الله يالدنيا!!
