صرخ ماجد:بسرعه جيبو سياره!!!!
رفع مطلق يده يقيس النبض وكان متوتر بشكل كبير ونطق:استعجلو!!!
وقف محمد السياره وصرخ ينادي :السياره موجوده
تقدم هادي يساند مطلق لاجل يرفعون عقاب بصعوبه تحت نظرات الرعب الواضحه عليهم نطق خلف:مطلق شصار مات
التفت تركي يضرب راس خلف بغضب:قول كلمه زينه ولا انطم
التفت خلف يناظر علي:قلت شي غلط!!!
علي:كل ذا وما قلت شي غلط؟؟
نطق تركي بحده:بسرعه تحركو نلحقهم!!
عقد خلف حاجبه :وش الفايده نلحقهم؟؟
تركي صرخ بقهر:صح اني بارد لكن مثل برودك ماشفت!!!
ضحك علي :خلاص بسرعه اعرفه بخير بس ارتفع ضغطه
خالد:من وش؟؟
خلف:انت خلك بعالمك الموازي!!
ضحك خالد من سحبه ماجد:يرحم والدينك انت الوحيد العاقل هيا نلحق جدي ذولا بيقعدون يسولفون لين يموت
خالد:ظني حتى اذا مات الاستيعاب عندهم بطيئ!!
تركي:طيب انقلعو شوفو وش صار
ناظره خلف لين طلعو خالد وماجد ثم نطق:وين الي متوتر؟؟
تركي:لا مب متوتر بس ابي اصير مهتم وكذا
———
<المستشفى>
شد مطلق على قبضة يده بتوتر من وصلهم خير دخول جدهم العنايه ناظره ماجد:اهدا ان شاءالله يقوم بخير
مطلق:شلون اهدا وهو اول مره يدخل العنايه!!
نطق هادي بتوتر :هذا وانا الهادي مب قادر اهدا ابد
مطلق زفر بتوتر:الله يكتب الي فيه الخير!!!
هادي:امين امين شرايكم واحد منا يروح يبلغهم ويريح بالهم!!
ماجد:انا وخويلد نروح نبلغهم لان مطلق مابيتحرك من هنا ابد
تنهد مطلق ونزل راسه يحاول يستجمع نفسه ويريح باله لكن يعرف نفسه ويعرف انه بدون عقاب ولا شي ولا يصير اذى لعقاب بيتدمر كبر معه وقضاء حياته كلها بمساندة عقاب وكان عونه في اشياء لا تعد ولا تحصى
في القصور تحديداً شقة مطلق كانت تبكي بشكل هستيري ماتدري ليش لكن كل مالها شهقاتها تزداد كانت تحاول تهدي نفسها لكن تحس بضيقه كبيره وتعب مما يخليها تنفجر زود وتنهمر دموعها زود كانت ليله صعبه عليها ولا ودها تقابل اي احد ولا ودها احد يشوف دموعها قاعدتها وقفت تناظر نفسها بالمرايا لساعات طويله وتكتم شهقاتها :اهدي يـ الجادل اهدي!!! لكن هي وين والهدوء وين سرعان ما طاحت من طولها تسند ظهرها على السرير وتبكي بحرقه ماتعرف وش سبب هالضيق والصياح والتغير الكبير بنفسيتها من اسبوعين تقريباً يخليها تبكي تضحك وتزعل وتنهار بثانيه وحده
——
<قصر عبدالرحمن تحديداً غرفة شموخ وفرح>
