ضحك تركي يتقدم ياخذ وائل من مطلق:هات هالوغد اتفاهم معه
التفت مطلق:تكفى عش خدوده
ضحك تركي من شاف مطلق يركض لـ يشيك على الضيافه لـ المره الاخيره ومشى تركي بـ وائل للعيال:يبه شف عزيز يرمي ولده على الناس!
ضحك ابو مطلق :انت عمه شيله اسال عمك سليمان شلون كنت اهتم بعياله
تنهد عقاب :عسى كذا راس ماجد في حفريات
غمض ماجد عيونه بتمثيل للحزن ونطق خلف:عشان تسذا شعرك دايم مزيت؟
ضحك علي:والله مافكرت فيها؟
التفتو على صوت مطلق الي نطق:جاهزين كلكم الجماعه بالطريق؟
وقفوا الكل والي يعدل شماغه والي يتعطر لـ أجل يطلعون ويوقفون بساحة القصور ويعلنون بداية حفلهم
,
,
ابتسموا البنات من شافوا ابتهاج وفرح الي بجانب بعضهم وكل وحده بفستانها الابيض وموديل مختلف وتطريز مختلف وكان جمالهم طاغي كالعاده و زاد جمالهم جمال اللون الابيض ,نعومتهم والدلع والغنج كان يزيدهم جمالل ابتسمت ام مطلق:تحصنوا تحصنوا بسم الله عليكم !!
صفقت الجادل:لا تسذا كثير على قلبي عروستين وبذا الجمال الله يقوي قلوب اخواني
وطن:عز الله العرسان راحوا وطي!!
كان الخجل واضح على ابتهاج وفرح لحد مانطقت شموخ:شف شف قالك يستحون!!
ضحكت ابتهاج بعلو صوتها:انقلعي صدز ماتخلون الواحد يستحي !
شيخه التفت تناظر شموخ ونطقت:انتِ وراتس شي مب عاجبتني!!
عضت شموخ شفتها بتوتر وهي فعلاً لها يومين زعلانه وبالحيل على صقر شلون صارخ عليها ولا رجع كلمها
ابتسمت ام مطلق:يلا خلو الهرج واطلعو لـ الحريم !
ابتسموا البنات وابتدوا يطلعون وحده وحده يستقبلون الحريم وابتدا صوت الاغاني والدق يملئ المكان,لكن من بين هالترحيبات التفت الجادل على وطن الي تمسح دموعها وتقدمت لها:يمه شبلاتس؟
ناظرتها وطن :ما اتحمل شكلتس!
رفعت الجادل حاجبها بـ استغراب:وش طاح على راستس؟
وطن ضحكت بعلو صوتها :شكلتس لطيف مع الكروشه الصغيره!
الجادل تخصرت ترجع شعرها خلف اذنها:لو سمحتي لا تغلطين على كرشتي اسمها بنتي
ضحكت وطن من عباطة الجادل وحضنتها وهي فعلاً ماغلطت لان منظر الجادل كان جداً لطيف وزاد لطافتها فستانها الي كان بيبي بينك :يلا عاد اتركي الدلع عرس اخوننا!
وطن انحنت تنزل كعبها والتفت تغمز لـ البنات وسرعان ما تجمعوا كلهم وابتدو بالرقص يحيون العرس
~
بعد العشاء عند العيال وصلت الفرقه واعتصب مطلق لأجل يبدون بـ السامري تحت الالحان العريقه وهالمره شاركهم عقاب وكان السامري هالمره آل هائل وبس وكان هالعرس يوضح السعاده الي هم فيها ويوضح محبتهم لبعضهم و انتهى السامري بدون مايحسون فيه بسبب التضاحيك والابتسامات وفرط الشعور الي يحسون فيه
,
وقف مطلق ونطق:يـ اخوك اشوفك تشافيت؟
