ارتفعت تحاوط عنقه وسحبها لحضنه يقبل كل انش فيها مايدري هل يعبر عن شوق ولا عن فرح مشاعره متلخبطه لكن الي يعرفه انه يبي الجادل تبقى يحضنه للابد ويوقف الزمن عند هاللحظه وبعد دقائق طويله ابتعد عنها وسند جبنه على جبينها ونطق:يا كبر حظي دام انتِ ام عيالي!!
ابتسمت لكن تلاشت ابتسامتها من صرخ ونطق:بروح لـ تركي
ضحكت بصدمه وسحبت يده:ولد انتظر بكرا
التفت يناظرها:مافيني صبر!!
ضحكت تسحبه:اجلس وبكرا بلغهم كلهم بعدين تراك مب نايم!
اتسعت عيونه ونطق:بعد ذا كله تبيني انام!!
ابتسمت وهزت راسها لكن تعالت ضحكاتها من طلع يركض ومافيه صبر ابد الا ويعلم تركي :مب صاحي!!
~
<شقة تركي>
تأفف بملل من اغانيهاوصرخ:ليش الاغاني كلها سعيده؟!
رفعت حاجبها:ليش وش تبي اسمع وبعدين شدخلك
تركي ضرب راسه بالجدار بملل :مره هاديه وتسمعين اغاني سعيده ماتطفشين بالله وتقرين كتب حب
ضحكت بصدمه:شدخلك؟؟
تركي:اقري اشياء تضحك واسمعي اغاني تجيب اكتئاب
ناظرته بأسى:والله انك متخلف!!
تركي:حياتس ورديه بزياده
تنهدت وقامت لكن سحب ذراعها:صدز ليش دايم تلبسين وردي
التفت تناظره :تركي واضح انك اليوم فاضي بزياده
ابتسم بخفه:اي قررت اتفرغ لتس اليوم
ضحكت ونطقت:يالله !!
نطق بتقليد :يالله ليش صوتس تسذا فيه دلع بزياده من وحنا وغدان يقهرني
التفت تناظره بقهر وصدت ونطق:يالليل الزعوله ماتدري انها تصير حلوه بزياده وانا ما اتحمل!!!
ميلت شفتها تحاول تخفي ابتسامتها لكن فضحتها من تقدم يقبل خدها وانحنى ناوي يقبلها لكن ابتعد من سمع دق الباب وصوت مطلق :يا النجم افتحح!!!
عقد حجاجه لكن ركض يفتح الباب من استوعب صوت مطلق لكن انلجم من حضنه بدون اي مقدمات
نطق تركي بصدمه:مين مات؟؟
ابتعد مطلق ونطق:عندي لك خبر خيرر!!
تركي :اصبر بجيب ملح عشان لا ينخفض ضغطي
مطلق ابتسم ونطق:بتصير عم
تركي ناظره :طيب وانا وشـ لكن سكت من فهم قصد مطلق الي كان يضحك والتفت يناظره:كذاب!!!
ضحك مطلق من حضنه تركي:انت صادز؟؟؟
مطلق ابتسم :وشو له اتسذب؟
تركي ضحك يشد عليه:مبروك مبروكك !!!
ضحك مطلق ونطق:سمية عمها بأذن الله جايه
ضحك تركي من تذكر حوارهم قبل سنين طويله
~فلاش باك~
قبل خمس سنوات كانو كعادتهم سهرانين بالدكه والجو كان بارد بحكم الشتاء وامامهم شبة الضوء نطق تركي:لو جاتك بنت وش بتسميها؟
