<قصر عبدالله>
تعالت اصوات الترحيب بـ غرام الي ماكان منها غير الابتسامات وعيونها تدور شموخ من بينهم كلهم ابتسمت بخفه من ابتدت ام مطلق تعرفها على البنات وحده وحده واتسع ثغرها من نطقت ام مطلق :هذي بنتي شموخ الوسطى وهذي بنتي فرح واما هذي الجادل حرم مطلق الي مايحتاج اعرفه وهذي ليال حرم عزيز وهذي الجود حرم تركي
ابتسمت بخفه ونطقت:تشرفت فيكم
ابتسمت الجادل من ابتسامتها ونطقت؛الشرف لنا
عدلت غرام شعرها وجلست وعينها على شموخ الي كانت تضحك وتوزع الحلى ونطقت بهمس:والله وعرفت تختار ياصقير لكن كانت جاهله نظرات ام مطلق الي ابتسمت وهي عارفه نية غرام الي كانت قدر المستطاع تتجنب ابتهاج الي نطقت بهمس لـ ليال:بنت طالعي نظرات غرام
ابتسمت ليال بخفه ونطقت:مافارقت شوشو ابد
عقد حاجبها ونطقت:تتوقعين يخطبونها
حضنت وائل ونطق:لا بيخطبونتس انتِ
ابتهاج ضحكة بسخريه:صقر الى الان مغرم فيني!!
ليال:اخفضي صوتس وتراتس على ذمة رجال!!
صد ابتهاج تكتم غيضها وابتسمت ليال تتامل وائل وابتسمت بحب كبير وسعاده لا توصف من مشاعر الامومه وفوق هذا ام لطفل حبيبها ورفيق دربها من يوصف سعادتها ؟؟
———
عند الرجال تقدم مطلق يحضن صقر ونطق:والله اني بحاجتك يا رفيق دربي
عقد صقر حجاجه ونطق:بوه شي؟؟
ابتسم مطلق بخفه؛لنا لقائات كثيره بأذن الله
ابتسم صقر وتقدم يجلس بجانب ابوه بعد ما انتهاء من سلامه وابتدو احفاد عقاب او بالاحرئ علي وخلف يدورون بدلة القهوه
تنهد مطلق يعدل جلسته ونطق بهمس لعبدالعزيز:نبي الحفيد !
ضحك عبدالعزيز:شبلاك ماسك على الحفيد؟
التفت الكل من نطق ابو مطلق:واخوك صادز وين وغدك؟؟
ناظره مطلق بذهول:شلون سمعتني!
ضحك ابو مطلق ونطق عبدالعزيز:العم الحلو بروح يجيبه
مطلق وقف ونطق:لنا الله
ضحك صقر:الله الله شف شف الابتسامه
ضحك مطلق ومشى يطلع من قصر عقاب ويوصل لقصر عبدالله رفع يده يدق الباب وصرخ باسم فرح الي فزت برعب :بوه احد يناديني؟؟
ام مطلق:اخوتس مطلق فزي
وقفت فرح تروح لمطلق ونطقت غرام:كل شي يتغير الا صوته
شموخ ضحكت بعلو صوتها:صح جبتيهاا!!
ابتسمت ابتهاج ونطقت:غرام كم عمرتس؟؟
ابتسمت غرام بخفه:عشرين
ابتسمت الجادل:العمر كله يارب
تنهدت شيخه ونطقت:نخلص من هواجيس الجود نطيح بالجادل
