تنهدت تحاول تهدي نفسها وتهدي قلبها الي مب راضي يهدى بعد دخول صقر لكن زاد نبضها مداهمة البنات لها: سلام قولاً من رب رحيم
ضحكت غرام؛شبلاكم خرعتوها!!؟؟؟
جلست الجادل وكاسة الشاهي بيدها:اي وش صار
رفع شموخ حاجبها:لا تتدخلون بالمواضيع العائليه لو سمحتوو!!
ضحكت الجود وجلست بجنب الجادل وسرعان ما رجعو لجلستهم يكملون الاستديو التحليلي ويحشرون شموخ بـ الاسئله
بعد مرور يومين من الخطوبه كانت الاجواء هاديه ومشت الامور زي مايبغى مطلق وعذبه جايه اليوم لأجل تزور صقر الي غصبه مطلق يبات في بيت عبدالرحمن وجهز له المجلس لأجل يتم لقائها بجده بـ اسرع وقت ممكن
,
,
في بيت عبدالرحمن صرخ مطلق بـ استعجال:القهوه اعجلوو
ميلت شموخ شفتها ونطقت:جوجو كان خليتيني انا اسويها!!
شموخ التفت تناظر مطلق:طيب شصاير؟؟شفيه صقر؟؟
تنهدت الجادل بملل:شموخي حبيبي روحي اسالي مطلق من الصبح وانتِ ماغير تسالين
طلعت شموخ بغضب:شصاير؟ شفيه صقر؟؟
نطق مطلق:ياخي انتو شعليكم؟؟؟
الجادل:مطلق حياتي تكلم وقولها لا اخليك مكان القهوه صدعتو راسي من الصبح!!
مطلق سند راسه:شموخ شدخلتس؟
شموخ:وش الي وش دخلني زوجي ترا!!
التفت يناظرها بصدمه:زوجي؟؟
شموخ :شبلاك مستغرب اي زوجي!!
ضحك مطلق وسحبها لحضنه:يبابا يا بنتي شدخلتس اشتغلتيني!
ابتعد من سمع صراخ تركي:مطيلق يا اخوي
ركض مطلق بصدمه للمجلس:لبيه لبيه ياهدب عيني ويش؟؟؟
تركي ثبت راس صقر بيده:بسرعه تعال الجني ذا هلكني!!!
صقر:تعقب تحط ابعد
علي :لو ماتنطم كسرته فوق راسك
نزل مطلق عيونه لـ الايشدو الي بيد علي:شذا؟وش صاير؟
علي:التبن نبي نسوي له كدمات وله ساعه يصارعنا يقول حق نساوين!
كتم مطلق ضحكته من منظر تركي الي مثبت رجول صقر بروجله وراسه بيده:ان لله صقير شبلاك خلهم يحطون لك
رفع خلف حاجبه:وش دراك شلون بتسوي الكدمات
اشر علي على ماجد الي ياكل حب:ذا الي بيسوي
ضحك مطلق وغمز لـ تركي ونطق:عطني ان بتدراك الوضع
ثبت تركي صقر ونطق:يمين بالله لو افكر مجرد تفكير تتحرك اخنقك هنا!
ضحك مطلق من منظرهم وسحب باليت الشدو من يد علي وابتدا يحط كدمات بمختلف وجهه وبعد دقايق قليله جداً وقف ونطق:قضينا يالثور
