صباح يوم الملكه المنتظره كانت القصور تضج بـ الاصوات وريحة العود فايحه كـ اي مناسبه تمر عليهم
وتجهيزات البنات وريحة الكحل والمسك الفايح كان من بيت عبدالرحمن يجهزون عروستهم وانفسهم تحت الالحان والانغام وريح العود والقهوه السعوديه استعداداً لـ يوم شاق وحافل بـ الاحداث
~
"قصر عبدالرحمن تحديداً بعد العصر"
عضت شموخ شفتها ونطقت بتوتر:متى بتطلع؟؟
تنهدت ام مطلق:والله ماندري من العروسه!!
تعالت صرخات الجادل:متحمسه ابي اشوفها!!
ابتهاج:مستوعبه انها في السوق ما خلت احد يدخل معها المحل؟؟
ليال عدلت فستانها الاحمر:الاحمر متميز
ضحكت الجود:بحق ذا لوني المفضل لكن هالمره سامحتس
ليال:انتِ ملكة اللون الاحمر محد يقدر ينافس ابد!
الجُود:هالمره قررت البس لون هادي
الجادل تخصرت:انا حامل ترا بموت لو ماتطلع زوجة اخوي
وطن مسكت شعرها:متحور ليال لازم ننحاش!
ابتهاج رفعت حاجبها:تعالي تعالي وش تقصدين زوجة اخوتس وانا وش؟؟
عم الصمت لان اعتراف ابتهاج ان خالد زوجها بعد هالشهور يعتبر معجزه لكن تعالت صرخاتهم من طلعت فرح بفستانها وشعرها البني مموج ينتثر على ظهرها والورده وملامحها طاغية الجمال كالعاده تعالت ضحكاتها من تقدمت شموخ تسحبها لحضنها وتشد عليها نطقت بصوت مهزوز :فرحتنا كبرت وصارت عروس؟؟
صدت ام مطلق تكتم شعورها شعور الام الي طول عمرها تشوف اخر العقود واخر بناتها تكبر امامها واليوم "عروسه" خانتها دمعتها لكن ابتسمت من ركضت فرح تحضنها:اجملل ام بالتاريخ تبكي!!
ابتسمت ام مطلق تقبل جبينها:دموع الفرح دموع الفرح
عبست ملامح فرح:بس الفرح بكبره سعيد؟
ضحكت ام محمد ونطقت:عسى هالفرحه دايمه
صفرت وطن والتفت تهمس لـ الجادل:هذي امنا؟؟
الجادل :والله شكل فرح بالقائمه البيضا
وطن تنهدت:اخ لو كلنا فيها
التفت شيخه:وش الي كلنا فيها
وطن:الفرح نكون فيها دايما!
ضحكت الجادل:حبيت التصريفه!
شموخ:وعروستنا الحلوه متى ناويه تطلع لـ اخوانها توقع؟؟
بلعت ريقها فرح:تجين معي؟؟
شموخ ضحكت :يلا يا حلوتي تفضلي
غمضت عيونها بهدوء تخفف توترها ومشت للمجلس تشوف اخوانها متجمعين يسولفون
التفت مطلق يناظرها واتسع ثغره:عروستنا الحلوه؟
عضت شفتها وتقدمت لهم:كيفكم
