الى متى يا زهرة التوليب

البارت 14

#الى متى يازهرة التوليب
#آيات البابلي

لاتنسون التصويت +متابعة الحساب +التعليق بين الفقرات 🌼

«___________________________»

هذا الابيات تعبر عن حال أثيلة..

جان أبسط فعل منك
يخلي أحساسي متطمن
أذكر شاورتني وصوتك يجنن
ورجعت البيتنه كل عقلي أضم الصوت
مخلي أيدي على أذني
شلون اليأذن.....

شوذب جانت اول لگمة يخليها بحلگة من شافها ظل صافن يتدارك الموضوع، لا يگدر يبلع اللگمة ولا يگدر يطلعها
جنه مادين سفرة على طول المطبخ من جهة گاعدين الولد والجهة الثانية النبات . والبنية حانت لابسة قميص وكيلوت أسود وشامرة الشال على راسها حسيت أعرفها وشايفتها بس ماتذكرت اله لمن شوذب بعدين گلي هاي نفس البنية الي لاگيناها بالمحكمة،

هذا كلة وقبس وتوليب مايعرفون نشو الصار ومنو هاي البنية ولا رفعوا راسهم الها واحد يباوع للثاني كانهم دا يحجون بعيونهم وميردون واحد يقاطعهم من تيم انتبه نبهه قبس وهمسله

_تيم: قبس منو هاي البنية!

_قبس: يابنية

_تيم: باوع على يسارك
ماحجو شيء غير أنهم باوعو على شوذب
شوذب حسيته أنطعن وخجل من الموقف هذا غير متين يتهامس بإذنه وناصب علي هو وصوب.

_صوب: ولك هاي البنية نفسها الي بالمحكمة والله وطلعت مو هين يا شوذب بس من يمي عيب وحرام

_متين: ولك يا محكمة حجيلي راح أموت من الفضول. شوذب گام من مكانة بعد ما صد على جهه طلع اللگمة من حلگة وهمس

_أهلا وسهلا ست أثيلة تفضلي تفضلي!

دخلت من باب المطبخ للصالة وهي متوترة ماعرف يمكن خجلانة شكلها أول مرة تطلع فاتحة.

باوع قبس على شوذب وگال

_أگعد كمل أكلك

همس وهو صاگ على أسنانه
_ماريدد أنته أكل .

_تيم: شوذبببب أحترم

_شوذب: واني شحجيتتت خالي لاتخليني أحرككك روحي هسسسه، كلة من وراك أنته وعمي نقلتونييي من شغلي وشوفو وين راح أوصللل بقراركمم هذا

_تيم: لكك خل نزقنب لاتخليني أگوملكك هسه، الناس بره دا تنتظرنا وحضرتك دا تلقي محاضرات..

طلع شوذب بدون ريوگ وجهة ينطي موجات وانفاسه نار ماخلينه لگمتين بحلگنة ورجع يكمزز ووجهه يصب عرگ،

_شوذب: عمي الحگ سيادة القائد همين جايييي

، كمزو تيم وقبس يغسلون متفاجأين من الموقف بهاي الاثناء دخل أحمد يحجي بستهزاء ويباوع على شوذب