الى متى يا زهرة التوليب

البارت 25

أيات البابلي
«ألى متى»

لاتنسون التصويت +متابعة الحساب +التعليق بين الفقرات 🌼.

_______________________

وعانقت كل الحائرين مواسيا
وقلبي هنا بين الحنايا ممزق .

قال الها وهو يخلي أيده على صدرة: أريد أن أطفأ النار التي هنا!

_أثيلة: كمل ليش سكتت؟!

_شوذب: اثيلة اكو نار بگلبي

_أثيلة: كمل الرواية لطفا

_ما أگدر وعدتج بربع ساعة وخلصت الربع ساعة

_يلله لعد أني راح أگوم نلتقي بغير يوم وتكملي

_تقبلين تتزوجيني أثيلة؟!

ضليت أباوع علي وأني ما مستوعبة الي گاله، أفكر بعد جوابي راح أسلك واحد من الطريقين يا أما اكون ويا للأبد او اخسره للأبد
من جهة هو ما حبني واني ما اگدر افرض نفسي على شخص، بس ممكن أغير هذا الشخص ممكن اخلي يحبني واني انسانة طموحة يكفي انه حاول واتقدملي بس ماعرف اذا هذا الشيء كافي لو لا

هتفت بصوت ناصي
_ماعندي جواب على سؤالك شوذب

باوعلي عليه بنضرة حادة وهمس
_السبب

جاوبته واني واگفه
_اني ممكن بموافقتي هسه راح اوقع على اعدامي، لأن ماعرف هذا العرض نابع من رغبة زواج منك شخصيا او لا

شوذب: أثيلة ليش هيج تسوين؟!

_أثيلة: عوفني أفكر

_شوذب: ماراح توصلين النتيجة اذا فكرتي لوحدج صدگيني، أنطيني فرصة أكون وياج أثيلة، على الاقل يصير بينا شيء رسمي وبعدين اذا حسيتي بندم او شفتي أني ما أفيدج تگدرين تسوين الي يعجبج وتفسخين!

_أثيلة: يعني تقصد فترة تعارف

_شوذب: أي

_أثيلة: ليش نربط نفسنة بشيء رسمي وبعدين نتعارف؟! خو خلينه نتعارف ونجرب،

_شوذب: أني ما اگدر بهل طريقة اذا مابيناتنا شيء رسمي ما اگدر احجيلج ألاشياء الي تخصني وإلى اريد شريكة حياتي تسويها، هذا طبعي بحياتي ما متكلم ويه بنية

_أثيلة: وشگد نطول

_شوذب: لحدما تطلع سنوية أهلي وبعدها نسوي خطوبة.

_أثيلة: موافقة. . بس أبوي!

_شوذب: أجيب زلم اليوم العصر نطلبج رسمي ونعقد قرآن

طلعنة وگلبي يرجف وخايف وطاير من الفرح بنفس الوقت..

خايف يخسر بهاي المعركة ، لازم اهزم اعنادة بحبي واخلي يحبني يعني اما فوزي او خسارتي

واحنه نمشي بأتجاه السيارة عيوني دمعت صرت أسحب نفس بكل قوتي وفاتحه عيوني على وسعهم علمود ماتنزل الدموع شلون اشكر ربي على هل نعمه الانسان الي حلمت بي اتقدملي اليوم.