الى متى يا زهرة التوليب

البارت 30 والنهاية

الى متى يازهرة التوليب

بقلمي: أيات البابلي

لاتنسون التصويت+متابعة الحساب +التعليق بين الفقرات🌼

__________________.

حَبِيناك وانتَ بَعيد
مَتنِه عَليِك وانتَبَعِيد،
شَراح نِسوي مِن تَگربَ؟

واحنه مادين روسنة نباوع عليهم قبس لمحنه وابتسم
وتوليب ترجف اول فرحة واني ما مقبوض گلبي اول فرحة واني ماخايفة احس هاي الفرحة الي جنت اسعالها من زمان جانت فرحة النة كلنة ماشفت احد ضايج ماشفت احد ملتهي بشيء غير قبس وتوليب وبگلبي إگول معقولة ضحكتلهم وضحكت الدنية النا ! بس هيهات هيهات تكمل فرحتنا جان مشهد اكثر من رائع بس صار مرعب ورا كم ثانية من دخل احقر أنسان بالدنيا
محمد.. أي محمد أبن سالم الي عيشني برعب من سنين
جان كامش بإيدة مسدس برمشة عين ضغط على الزناد واطلق رصاصة بأتجاه توليب استقرت بأسفل صدرها

التفت قبس مصدوم واحنه مصدومين من الصوت کام قبس باتجاها يحاول يحميها من الرصاصة الثانية الي استقرت بزندة ماسمعت غير صراخ محمد بعد ما تفل باتجاهم

_هذا الي تستحقو..

ومازال رافع المسدس باتجاهم لوما سفيان وتيم اجوي باللحظة الاخيرة شفت سفيان دفع ايد محمد باتجاه السگف والطلقة الثالثة صارت على الثرية الي بنص الصالة وأحمد ربي الف مرة أن لا ادم ولا ميسم جانو جواها لان صارت طحين، لهناك والكل عينهم راحت على توليب وقبس الي يحاول بس يحجي وياها ويتأكد من نبضها من رجعوا يباوعون على محمد اختفى محد عرف منين دخل ومنين طلع

فرفحنة بجي اجوا الولد يركضون واني اركض وراهم اجة عزت دفعنه باتجاه الغرفة واني اخرمش بصدرة ورگبته اريدة بس يعوفني اخير شيء صطرني راشدي خلة اذني تون من قوته كل هذا واحنه مو بوعينه بس اريد اتأكد بيها نبض وقبس متصاوب لو لا اخير شيء عزت صاح بعلو صوته لمتيم يبقى يمنه متيم كل الي سوا شحطنة للغرفة وشال مرجان من خصرها ودخلها للغرفة وقفل الباب علينة ركضت للشباك اتوسل بي يفتحلي الباب اباوع عليهم ، توليب متمددة بالارض وقبس فوگاها يريد بس يحجي وياها ويتأكد منها عايشة ماعرف شلون استجمع قواى وشالها وهو متصاوب تيم اتخبل يريد يعرف محمد من أي جهة دخل وخالة ام عزت متقبل نطلع من الغرفة تگول يرجع يجي ويسويلجن شيء حسيت روحي تريد تطلع مني سكينة وگعت بالگاع اباوع على رجليها تخر دم گامت تنزف وهي مامهتمه تبجي على المجزرة الصارت شمس كامشة بطنها وتصرخ لويات فظيعة اجتها، مورسين أمددة بالگاع فاقدة الوعي مابيها حتى نفس واني بقمة عجزي شنو ممكن الانسان يتصرف بمثل هيج موقف!

ماعرف شلون گدر قبس يشيلها واكو بزندة طلقة!
سفيان وماهر يركضون صعدو على الدرج وشوذب يفتر بالبيت وبيدة سلاحه صحت بعلوو صوتي المبحوح واني ابجي واشهگ