#حكايتنا
#آيات البابلي
لاتنسون التصويت +التعليق بين الفقرات+متابعة للحساب🌼.
شنو رئيكم بين كل سطر وسطر اكتب (لاتنسون التعليق بين الفقرات) لان صدگ مصختوها 😢
________________________
بعدك ما لگيت أنسان أحبه
وأسمك مرة أشطبه ومره أكتبه
سوارك لسه بالكنتور مضموم
لا أگدر ألبسه ولا أذبه. . .
سكينة: واگفه بكل صدمة واباوع علي واتذكر الاسبوع الي عشت بي احلى أيام حياتي!
بيوم العرس واول ما دخل همسلي
_سفيان: أذا غلطت بيوم تسامحيني
_سكينة: اذا بقصد ما أسامحك واذا بدون قصد أسامحك
_سفيان: أي شيء يصير بالمستقبل تذكري أنو حبي الج حقيقي سكينة أني ممكن أكذب بكلشي بس ما اكذب بمشاعري!
_سكينة: ليش هيج دا تگول؟! اكو واحد يحجي وية عروسته بليله عرسها هيج؟!
_سفيان: صدگيني من حبي الج وخوفي عليج
بوقتها تقرب عليه حتى قبل لا أغير بدلتي والتاج براسي مجرد وخره واني اصلا شعري عفته مفلول كل هذا علمود يوهمني أنه هو متلهف عليه ،
مجنت متخيلة ولا متوقعة الي جان راسمه وانه استخدمني ضحية علمود يلوي أيد قبس ويلزمة من ايدة التوجعه،
أسبوع كامل اذا شافني صافنة يسوي نفسه سبونج بوب علمود يضحكني كلشي أسأله يگلي بعدين نحجي بي، الله كريم، بعدنه هسه خل نتونس،
مره أني بكل غباء گتله
_سكينة: سفيان شعجب عمتي ساكنه لوحدها خل تجي يمنه خطية
يباوع عليه ويضحك
_سفيان: النسوان تريد بس تعزل وانتي تردين عمتج تعيش وياج!
_سكينة: هااي شبيك ليش ما تجاوبني ليش تغير الموضوع
_ اخاف على نفسيتج ما أريد والدتي تسمعج كلام مو حلو
_وليش والدتك تسمعني كلام مو حلو
_أي غير أني أبنها وكل الامهات يگومن يغارن على أولادهن من يتزوجون
_سفيان ليش دا أحسك تضحك بعقلي
باوع عليه بنضرات ماعرف شنو تفسيرها وهمس
_سكينة تدرين أول ما شفتج گلت هاي البنية تصير ألي؟!
اباوعلة واحني رافعة حاجبي وأيدي على خصري
_أي
_حبيتج من أول يوم من دخلت الجرباية للغرفة وانتي جنتي ماتدرين وحجيتي كلام بوقتها مستحيل انساه
عطتي عليه (شنو متشوف) وينصي بصوته ويسوي حركاتي بالكلام عود يقلدني
_شگد تحبني يعني وليش
_سكينة حبي الج ما أله حد فلا تسألين شگد أحبج لان ما أگدر أوصفه شيء مينوصف، واذا سألتي ليش حبيتج فهمين ما عرف حبيتج لسبب ما أعرفه
BINABASA MO ANG
الى متى يا زهرة التوليب
Mystery / Thrillerرواية عراقية حقيقية رجل مملوء بالغموض ...يبادر باكراً بالنهوض ...يُسئل دائماً من الجنود .... ويأتي بالرد المرفوض ....؟ هو شاب منبوذ من قبل أعمامه واخوانه وابوه. يَعيش ويُصارع وحيدا بعيدا عن عائلته واخوته يَراه الجميع لين،متزن،عاقل سمعته عَطرة ،هاد...
