الى متى يا زهرة التوليب

البارت 18

#الى متى يازهرة التوليب
#آيات البابلي.

لاتنسون التصويت +متابعة للحساب+التعليق بين الفقرات لطفا. 🌼

«______________________»

معبر عن حال أثيلة

أنا شعرفني بالأشعار؟!
ومن يمتى صرت مجنونة وأسمعهن
سوالف قيس والحلاج
وأحبيني وكلام الگالة قباني
من يمته ضعت أني !
شسوت عينك بروحي ؟.
وصرت هلكثر متنازل
شسويتلي حتى أقنع بنظرة وصوت
ومراسل ؟.
جنت ما أهتم لواحد ،
شجاني ومن ورة عيونك صرت عاقل ؟.

..

_أثيلة: أنتظررر شوذب دا أحجي وياك

_شوذب: تفضلي

_أثيلة: أنته مداا تحسس فهمنييي

_شوذب: أنتي مدا تعرفينن شنو تگولين يا آنسه

_أثيلة: ليش دا تتصرف ويااي بهل شكل

_شوذب: أني هيج دائما

_أثيلة: لأن تأكدت أنيي أحبك مووو

_شوذب: راح تتندمين على الي دا تگولي هسه أثيلة

_أثيلة: لا ما راح اتندم راح اتندم لأني حبيت واحد مثلك ماعنده احساس، مستحيل اتندم من الاعتراف أني ما أخفي مشاعري ياشوذب

_شوذب: أني ما أفيدج

_أثيلة: قابله بكلشي

_شوذب: ما أگدر أعيشج مثل هذه العيشة

_أثيلة: عسى ما بالصحراء مايهمني صدگني

_شوذب: أنتي مو بوعيجج هسه أني أطباعيي صعبة

جان يطلع أعذار من جوة الگاع أشتد الكلام بيناتنا مجرد ما أنهي الكلام يجاوبني مباشرة حسيت نفسي صرت نار باوعت علي وعيوني متروسة دموع صارت غصة ببلعومي بلعت ريگي وهمست

_أنته ما تستاهل اضفري ولو تبوس رجلي ماراح ارضى بيك بعدين

تركته ومشيت جوة واني أفور من العصبية والهث وكل شوية عاثرة بشي صرت ما شوف گدامي من القهرة

ركضت للغرفة وشمرت روحي على السرير طلعت كل القهر الي بداخلي ساعتين متواصلات أني أبجي مثل الطفل الي يضل ينوح بصوت عالي جان صوتي عالي لدرجة المربية أجتي ركض فتحت الباب وضلت تسأل شبية من شافتني ما أرد عليها طلعت تركض ربع ساعة أجة شوذب مفزوع حسبالة أنتحرت!

_شوذب: بيج شييي فهميني

من ما سمع رد على جوابه همس يهددني
_شوذب: راح أخابر والدج أثيلة

مجرد سمعت صوته سكتت كافي الموضوع وصل للكرامة ما أريد أذل نفسي أكثر من هيج حجيت وأني وجهي بالمخدة وبكللل هدوء