الى متى يا زهرة التوليب

البارت 15

#أيات البابلي

#الى متى يازهرة التوليب

لاتنسون التصويت+ متابعة الحساب +التعليق بين الفقرات🌼

«_______________________»

يا بدايات المحبة:

بديت أحجي بنبرتة
ومنها حسيت
التحبة بلا وعي
تقلد كلامه.......

_آثيلة: مشيت بخطوة فوق الجريئة ماعرف شلون الشوگ داسني لهذا الحد، صرت أبجي بدون سبب يوم كامل والدي من شافني بهذا الحال حس علية وعرف بگلبي شنو يريد باوعلي بعيون تتوسل يطلب مني أوگف كلشي بس هو همين جان يدري أن الموضوع مو بإيدي، أتوسلته واليل كلة أتوسل وديني أله وأطيب !

ماكان بإيدة غير أنه ينفذ مثل كل مرة

طلعت من بغداد للعمارة بس مو رجلي القادتني گلبي الي قادني، شلون مشيت على رجلي شلون ركبت السيارة شلون أتمالكت نفسي شلون قطعت المسافة بين بغداد والعمارة ووصلت لبيته هذه الأسئلة كلها ما ألها جواب كل ألي أعرفه أريد شوذب.
من دخلت وشفته حسيت الدنيا ما وسعتني گدر يغير مجرى شعوري ليوم كامل بمجرد نضرة جان دا ياكل وجانن أكو بنات يمة تمنيت أعرف منو هنه وشنو صلة القرابة بينهم كل الي اعرفة عندة أختين بس الموجودات تقريبا سبع بنات وبكل الاحوال ما گدرت اتعرف حتى على أخواته لأن بسرعة طلعنا للوادي

انهاريت مجرد ماشفته يبجي، حسيت لازم أرجع من وين ما أجيت، رجعت بس مو مثل ما أجيت أجيت واني روحي ضايعة ورجعت وروحي خليتها يمه،صار شوذب جحيم ونعيم بنفس الوقت.

أنتضرت اليوم الثاني وحملت نفسي بإنه راح يجي باجر بس أجة باجر وما أجة شوذب ومن سألت عنه همسلي بابا

_عمه الصغير أنقتل وطلب يمدد الاجازة أسبوع

وشنو يعني؟! لازم أتحمل فراقه أسبوع ؟! هو أني ماتحملت غيابه يومين أتحمل أسبوع؟! كل ألى سويته أتصلت بي مباشرة. . . لم يتم الاجابة على المكالمة

ومرة وثنين وتلاثة وجانت نفس الاجابة تجيني كلما
أتصل

صرت مثل المجنونة أطلع أعذار اله

_يمكن مخبوص بالفاتحة
يمكن مريض
أو الفون ضايع

وصلت للدرك الاسفل من البؤس. . . .

أريد أرجع للحياة وماكو طريقة غير شوذب
صرت أحس العالم كله فراغ الكلمات كلها طارت بغيابه
وكل شوية يجيني شعور يحسسني أني محاصرة. . .
كرهت هاي اللهفة الي بيه علي كرهته لدرجة أنهيار الاعصاب. . . .

ما جان بإيدي غير أني أكتبله رساله أعتراف وخلال ٢٤ ساعة في حال ما خابرني راح أبعثها أله

فتحت منصة الرسائل على رقمه مباشرة وكتبت

مشتاقتلك شوذب. . . .