Aking Sarili
Ayos dito, suklay roon
Pahid sa labi, dampi sa pisngi
Mga mukha nila'y kakaiba
Ako'y natutulalaMga bagong kolorete, kanilang inilalabas
Kasuotang magagara, sa katawan'y binabalandra
Mga sapin sa paa, iba iba ng estiloAko'y hindi makaramdam sa inyo
Sapagkat bihira lamang kung danasin
Ngunit ito'y hindi dinidibdib
Dahil puso'y pilit umintindiAko'y hihiram, hihingi, at hihirit
Pagka't minsa'y nadadala ng emosyon ang isip kong saradoPuso'y masaya sa t'wing ito'y nararanasan
Damdami'y animo'y malaya, ngunit panandalian."Huwag muna, matutong magtipid,"
Tinig ni ina ang namumukod-tangi
Sa puso kong nabibighani
Kaya't ako'y napapaisip, aking ititigil muna ang naisAko'y nakakaintindi sa sitwasyon
Ngunit sana'y damdamin ko'y dinggin
Mga bulong ng puso ko'y pakinggan
Walang ibang nais kundi kalayaanIlang taong nagdurusa
Kalayaan ng iba, ako'y nakakulong
Puso'y nagtimpi, 'pagka't ito'y nakikinig. Damdami'y tahimik, dahil ito'y umiintindiAko'y nalulungkot, sapagkat hindi napagbibigyan
Walang silbi ang pagsusumamo dahil mismong puso nila'y saradoKaibigan, ako'y naiinggit
Ako'y nalulungkot at nagtitiis
Sapagkat ang iyong kasiyahan, sa akin ay pinagkaitKung inyo lamang nalalaman
Ang sigaw ng aking damdamin
Marahil ako'y inyong naiintindihan
At hindi na pagsasabihanAking sarili, patawad sapagkat ika'y nagtiis. Sa mahabang panahong puno ng pagkilatis.
Mula sa mga taong nakukuha ang nais. Ika'y nanatiling tahimik sa kabila ng hinagpis
Ako'y nagdasal na sana'y isang araw
Makamtan ko ang bagay na hinahanapPagka't ako'y nagtiis sa mahabang panahon. Nawa'y dinggin ng langit ang bulong ng aking puso sa tamang panahon.
- tamestnaive / ernxx