يعم في ذيك ديره صوت اذان الفجر ناس بدآت تقوم الي يوضي والي راح المسجد والي يقوم عياله
{في بيت ابو عقاب}
قام على صلاة الفجر وقام يمشي بين ممرات البيت ويردد الصلاة خيرنا من نوم الصلاة خيرنا من نوم يًلًاًه ياعيال قوموا صلاه دخل غرفة العيال وطق بعصاته على الارض
وقال:نعنبوكم نشف حلقي وانا اردد الصلاة خيرنا من نوم ولا ثور فيكم قام وهو يقوم ويضربهم كلهم بعصاته ويقومون العيال مفجوعين الي مايدري وين ربي حاطه والي يحسب ملك الموت جاي ياخذ روحه والي باقي مصمل ينام رغم ضروف ويقوم ابو عقاب يضرب اسر مره ثانيه عشان يصحى
وهو يقول:قومو قامت قيامتكم عندكم خمس دقايق اذا مالقيتكم لحقيني بالمسجد لا اكسر ذا العصا على ضهوركم
تخلفت ردود بين عقاب وضيدان:على ذا الخشم،ابشر يبه قام ابو عقاب وضرب اسر على ضهره وقام وهو مفجوع
ويقول:ابشر ابشر طلع ابو عقاب ورجع اسر ينسدح وماحس الا بالي يسحبه وشاف عقاب هو الي قاعد يسحبه
قال عقاب:قم بس عشان مايجلدنا ابوي بسبتك ياثور ولف يناظر وين ضيدان الا انه سبقهم للمسجد انتفضوا وراحو ركض المسجد وشافو عيال عمهم ابو هايف وابو خالد يعدون
ضحك اسر وقال:ولله وطلعو شيابنا(الاشخاص الكبار من ذكور) متحلفين فينا كلنا
ضحك كاسر وهو فيه نوم :ايو ولله قسم يانه شكله بيسكر العصا على ضهورنا ضحكو العيال وتوضو ودخلو يصلون جلسو بعد ماخلصو صلاة وفجاه بدو كاسر واسر يضحكون استغربو الباقين
وقال هايف:وجع وش بلاكم خرفتو انتم
قال كاسر وهو يضحك بجنون شوفوا شكله وكان شخص مفتوح فمه وعين مفتوحه وثانيه مسكره فطسو كلهم وشوي مايعنو الا ضربه الي جتهم والتفتو
وشافو جدهم وقال لهم:تضحكون بال سنون يالي ماتستحون ابك ناس يصلون وازعاجتوهم واقلقتو راحتهم بذا ضحك ناس وش يقولون عني يقولون احفاد القاضي بس يضحكون بالمساجد ولله لا اسمع صوت لكم لا اكسر ذا العصا على ضهوركم كلهم سكتو وردو كلهم ابشر ياجد خلصو وطلعو برا المسجد ولف الجد ابو قاضي على عياله واحفاده
وقال :الفطور عندي اليوم والي مايجي يويله اختلفت ردو بينهم :ابشر يبه،انت تامر امر ياجد ،على ذا الخشم وغيرها كلن راح لبيتهم عشان يعلمون حريمهم يتجهزون عشان الفطور بيكون بيت الجد قاضي
في بيت ابو خالد-
دخلو العيال وقال ابو خالد بصوت عالي يام مها (ام خالد )يالعنود اختلفت ردوهم بين
لبيه يبه،هلا ياراشد (راشد ابو خالد) قال تعالو يابناتي تقدمو وقام سلم عليهم
وقال :الفطور اليوم في بيت ابوي ابي تسون فطور معكم اذا ماهنتو ابتسمت ام خالد وقالت:خلاص الحين انا وعنودي بنسوي اطلق فطور قام خالد منتفض وقال :يمه الا العنود لا تدخل المطبخ بتحرقه علينا ناظرت فيه العنود بحقد وقالت:اقول خف علينا ياشيف بوراك اقول طس بس وعناد فيك ولله لا ادخله
قام خالد وقال ابو خالد:على وين؟
قال خالد:بروح صيدليه اجيب علاج تسمم لنه عنودي بتطبخ ف بنتسمم يبه العنود سوت نفسها زعلانه
وقالت:لذي درجه طبخي مو حلو؟ انتفض خالد وهو مايحب يشوف اخته زعلانه حتا لو تمثيل وضمها
وقال:حتا لو اشوفس حاطه سم قادم عيوني ولله لا اكله كله الا زعل عنودي ابتسمت
العنود وضمته وقالت:لا خلاء ولا عدم منك ياوخي قام خالد وباس راسها:ولا منس يابنتي واختي وكل شي لي بهالدنيا ضحكت العنود بعدها قام ابو خالد
وقال وهو مبتسم:الله يخليكم سند لبعض ويلا يعيال بنروح لبيت ابوي وانتم اذا خلصتو تعالو (البيوت قريبه من بعض)
قالت ام خالد:ابشر
ابتسم ابو خالد وقال:تبشرين بالجنه يامهاي
في بيت الجد قاضي-
تجمعو الكل وكان البيت يعم بالحياه الي قاعدين يضبطون سفره والي يطردون البزران اما عند بطلتنا راحت على طول الجود وضمتها وقالت:يابنتي اشتقت لس ماشتفس لي فتره يالخايسه
قالت الجود :يحمار توني شيافتس اخر اختبار ثاني ثانوي(الجود والعنود بنفس العمر وهما تخرجو من ثاني ثانوي ورايحين ثلاث ثانوي) ابتسمت وقالت:ايه صح وناسههه اجازه الين ماطفش من وجهس
قالت الجود:اقول سدي حلقس ان ماشفتيني بالبيت بتشوفين بالمدرسه ولا تنسين ياثور حنا بصف واحد
ابتسمت العنود وحكت راسها وقالت:صح نسيت ياربي
الجده ضي بدات تنادي اولادها واحفادها
وهي تقول :يًلًاًه يابناتي وعيالي تعالو فطور (عندهم عادي يكشفون بوجيهم قادم بعض ) قامو وجلسو على سفره وحده وقال ابو قاضي بصوته الجمهور:بمناسبه نجاح بناتي الجود والعنود بسفركم رياض نقزو البنات يصيحون ويضمون جدهم
وقال عقاب وهو معصب:وجع قصرو حسكم
حاطة العنود يدها على خصرها وقالت وهي تتكلم بصوت عالي:اتوقعع مالك دخل خلنا نصايح ماهو بحسابك عصب عقاب وقف هو بعد وقال:اقصري حسك ولا ترفعين صوتس علي ولا ولله ماتشوفين طيب عصبت العنود وقربت من عقاب
وقالت بصوت عالي:تخس وتعقب تتهددني وانا بنت راشد
خالد وناصر ومنصور وكاسر بصوت واحد:ونعم وقامو كلهم ووقف ورا اختهم وقامو عيال ابوعقاب ووقفو ورا اخوهم صح عيال ابو عقاب وعيال ابو خالد روح بروح الا ان اختهم خط احمر عصب الجد ابو قاضي وتكلم بصوته الجمهور:اجلسوا وافطرو وتعوذو من ابليس اذا ما ودكم تناقز عصاي على ضهوركم جلسوا وافطروا وريجيال راحو العزبه والحريم قامو يشيلون الصحون ناد الجد الجود والعنود عشان يسالهم اذا بيروحون وقالو ايوه بس عقاب عيا وقالت العنود:اقول دز امها ولله لا نروح ورجلي على رجل الجود وين مرحت بتروح معي ناظر الجد قاضي بعقاب وقال:اعقب وش دخلك بختك اذا قلت تروح تروح ويلاه رح جب سياره انت الي بتسوق فينا فار دم عقاب وراح يجيب سياره ركبو وشافو انو البنات مو مغطين وجيهم قال بغيره :غطو وجيهكم قالت العنود :ظاهر انت تدري انه عادي نطلع وجيهن يعني لا تتدخل استاذ عقيب الجد قاضي تكلم وقال:نعنبوكم انتم ماتطفشون تتهاوشون كانكم بزران سكتو كلهم ووصلوا العزبه قالت الجود :عنود شاريس نحلب ناقه عشان جدي يقول لنا سانعات العنود:تم يابنت عايض تم وراحو يحلبونها بس ناقه لها راي ثاني وهو تطيرهم اخر شبك وتقوم تلحقهم وهما يركضون ومايسمعون الا صياحهم قام عقاب وشاف اشكالهم كيف تضحك كيف انهم يركضون وناقه وراهم طايره ضحك عقاب ويقوم ويطيح واخيرا قدر بقوم وهو يروح يعدي يسحبهم مسك الجود بيد والعنود بيد وهو ميت ضحك وقال:يليتها رفستكم توريكم ان الله حق قالت العنود :ابشرك رفستنا اصلا مايحتاج ويطيح عقاب على الارض يضحك ماقدر يمسك نفسه سامعو العيال الي ضحكه وقال خالد :عسا ماشر قام عقاب يضحك ويقول لهم سالفه ويتسدحون العيال على الارض ميتين ضحك ويعصبون الجود والعنود ويرحون يعلمون جدهم ويجيهم الجد ابو قاضي ويعطيهم احلى تتهزي وهالمره انقلبت الاحوال وصارو الجود والعنود يضحكون ودخلو خيمة الحريم
———————————————————-
قالو لي اذا البارت اعجبكم واعطوني ارائكم في تعليقات هل استمر كذا واذا اعجبس البارت قولي تحت وسلامتكم اختكم رغد الفهد
أنت تقرأ
"مالت بي العنود ميلة خصرها المعقود بين يقطينتين ورمان وتوت م يصفها قص"
General Fictionمَنَعَ النَومَ شِدَّةَ الاشتِياقِ :::وَاِدِّكارُ الحَبيبِ بَعدَ الفِراقِ لَيتَ شِعري إِذا بُثَينَةُ بانَت :::هَلَّنا بَعدَ بَينِها مِن تَلاقِ وَلَقَد قُلتُ يَومَ نادى المُنادي :::مُستَحِثّاً بِرِحلَةٍ وَاِنطِلاقِ لَيتَ لي اليَومَ يا بُثَينَةُ مِن...
