"مالت بي العنود ميلة خصرها المعقود بين يقطينتين ورمان وتوت م يصفها قص"

Part3

اليوم التالي- في مكان اخر
تكلم الشخص الي كان جالس وقال:تحسب بنقدر نقتله لا وبليلة عرسه؟منجدك انت كل الناس موجوده
ضحك الي كان جالس من جنبه وقال بكل هدوء وخبث:هذا الي ابيه لو كان في زحمه احتمل كبير ماراح يقدر يعرفنا وقتها راح اعطي واحد منكم الاشاره وتصوبون عليه  ناظر فيه الي كان من جنبه وسكت
في مكان اخر تحديد عند عقاب
دخل عقاب القسم وقامو كل الموجودين يسون له تحيه وصل عند حمود وقال له:حمود سويت الي قلت لك امس ؟ابتسم حمود وعطاه موقع مكان ذهب وقال:ايه هذا افضل محل موجود هنا  ابتسامه خفيفه جت على فم عقاب وقال:الله يعطيك العافيه ماقصرت وراح يمشي دق على العنود واستنا ترد حاول مره اثنين ثلاثه وفي المره الرابعه اخير ردت بس قابله صوتها المعصب وهي تقول:وجعاه ياعقيب وجعاه يعني ناس ماتنام داق علي ساعه ثمانيه ضحك عقاب وقال:يحلوه المدرسه قربت بتصير اصحيس من ست مو ثمان زفرت العنود بضيق وقالت:طيب وش فيك داق الحين؟
قال:تجهزي باجي اخذك ليله استغربت العنود وقالت :وين؟ ابتسم عقاب وقال:نقضي لعرسنا واعشيس  تكلمت العنود:طيب بس انت قلت ليل وكلمت بعصبيه وصراخ وهي تقول:داق ثمانيه صباح ليهههههههه وقامت قفلت بوجه عصب عقاب مره وقال بنفسه انا تصارخ بوجهي وتقفل بعد ولله لا اوريس نجوم ظهر بليل يابنت راشد
ام عند العنود
سكرت المكالمه وهي معصبه دق الباب وقالت مين
طلعت امها وقالت ادخلي جلست عندها امها وقالت:وش فيس يابنتي قاعده تصارخين قالت العنود لها سالفه ابتسمت ام العنود وقالت:يابنتي مايصير جا يكلمك عشان يطلعك وانتي تسوين كذا ؟
العنود قالت وهي بدات تحس بتأنيب ضمير:بس هو داق ساعه ثمانيه وش متوقعه يمه؟ ابتسامه ام العنود وقفت وهي تمشي قالت:اذا تبين ارضى عليس ابيس تراضينه وسكرت الباب وراها وقامت العنود تصيح من قهرها  يعني ليش اعتذر منه هي ماغلطت بشي بس عشان رضا امها دقت عليه ورد اول ماتصلت وقال وهو يحاول يخفي عصبيته:وش تبين تنهدت العنود وحاولت تطلع صوتها حنون شوي وقالت:عقاب تجي تفطر برا ولا مشغول؟ تنهد عقاب وقال وهو كذاب:لا عندي شغل العنود زفرت بضيق وقالت:يعني ماتقدر تاجله عشان خاطري؟ ابتسام عقاب ابتسم خفيفه وعرف انها قاعده تحاول تراضيه وقال:خلاص ابشري بجي عندك تجهزي نقزت العنود وقالت:يًلًا
قفلت وضحك عقاب وماتوقع انه عندها جانب لطيف كذا  قام وطلع وقف عند باب بيت ابو راشد طلع له منصور وقال :هلا بنسيب تعال اقلط ابتسام عقاب وقال:ماقصرت يابو راشد بس جاي اخذ زوجتي نفطر انا وياها ابتسام منصور وغمز له وقال:اهم تفطرون اجل يًلًاًه فطور عافيه عليكم وضحك وراح ينادي العنود طلعت وركبت سياره وقالت:هاي ابتسام وقال:نقول سلام مو هاي عبست وقالت:عادي ترا كلها سلام بنهاية
ناظر وقال خلينا نبدا حسابتنا
العنود ناظر فيه باستغراب وقالت:اي حسابات ؟
تكلم  عقاب بهدوء وقال:تقفلين بوجهي وفوقها تصارخين؟
العنود وقالت:وانا صادقه احد يدق ساعه ثمانيه تستاهل الي جاك ناظر فيها وصد حست العنود بضيق شوي لنها تحسه يحاول يصير لطيف معها وهي تعرف عقاب كيف انه منجد عقاب بحياة شخص وكيف تعامله مع خواته حست شوي بضيقه ونقزته من كتفه بس هو ماعطها وجه قاعدة تنقزه تنقزه الين معصب وقال:متزوج بزر انا ولف عليها وقال وشفيس خلعتي لي كتفي ناظرة فيه وقالت :اشتر لي عصير ناظر عقاب بصدمه وقال:بغيتي تخلعين كتفي عشان عصير قام مسح على وجه عشان يهدي اعصابه وقال وهو صار على اسنانه وقال:وش تبين عصير؟! ابتسمت العنود وقالت وهي تضم يد عقاب :جب لي موكا عقاب جته صدمتين اول صدمه انها ضمت يده وثاني صدمه انها بتشرب موكا صباح وناظر فيها وقال:فيس شي ؟موكا صباح ناظرة فيه العنود وهي معقده حواجبها:ياخي مالك دخل انت وقف بس وانا بشتري وبدفع بعد وش تبي اكثر من كذا؟
ناظر عقاب وهو مصدوم هو ماكان يقصد كذا وهي قلبت سالفه وقال:ماكنت اقصد عن الفلوس ولا اي شي ثاني انتي في نهاية اسمس صار مربوط باسمي ولازم اني اصرف عليس حتا لو معي فلوس الا قصدي موكا مايصلح بصباح اسمعي ياعنود مايصلح لس ولله سكر وبارد في صباح بعد ماتجي افطري وفي ليل باجي اخذس عشان نتقض وبخليس تشترين الي تبينه ها وش قلتي ؟ ناظر العنود فيه وهي اقتنعت من كلامه وقالت بي ابتسامه:خلاص موافقه ابتسام عقاب وهو يشوف هالطفله وكيف انه لطيف صدق عقاب ماقد شاف هذا الجانب منها صد عقاب يناظر طريق
في المطعم عند عقاب والعنود-
تكلمت عنود وقالت :هذا مطعم عائلي
اوما عقاب بمعنى ايه
وصد يمشي وهي وراه الا انه سحبها بشويش وقال وهو ماسك خصرها:اخاف اضيعس عاد انتي نتفه الي يشوفس يحسبس بزر عصبت العنود وقالت:خف علينا يابرج. خليفه شسوي اذا انت طويل على لزوم
ضحك وصد يكلم الكاشير تحرك وقف قادم مكان مغطا بستائر ودخل وقاد:هنا طولتنا بروح اجيب الاكل واجي لا تتحركين أومأ العنود بالموافقه وراح عقاب وعنود جلست على جوالها بعد مانزلت عبايتها شوي الا ويدخل نادل بالغلط عليها صاحت العنود وطلع النادل منخرش جاء عقاب على صوت صراخها وقال:وشفيس تصحين؟ قالت بكذب عشان تعرف غيرة عيال عايض فما بالك بعقاب بيروح يذبح رجال قالت:مافي شي بس شفت صرصور وخفت ناظر فيها شوي وعقاب اصلا ماكان معها كان قاعد يتأمل جمالها بفستان ابيض بسيط حرفيا الا ان العنود مخليته احلى باكمام عالقيه ماسك على الخصر ومن تحت منفوش شوي بكعب ابيض بسيط وشعرها الي مسويته ويفي وحاطه شوي ميكب وطالعه ملكة جمال انتبهت العنود لي ناظرات عقاب وقالت :نعم مضيع شي بوجهي
ابتسم:لا ولا شي
قالت:اخلص وين الاكل جوعانه ياخي ضحك عقاب وقال:يخسى الجوع الحين اروح اجيب الاكل ثواني بس راح عقاب وقاعدة العنود تضبط شكلها وتصور دخل عقاب وقالت:وقف لحضه بصور معك   وكان طالع نص وجها وصورت ابتسمتالعنود وقالت :يلا تعال ناكل اكلو وسالفو وبعد صباح طويل مع بعض رجع كل واحد فيهم الى بيته ينتظرون ليل عشان يتقابلون مره ثانيه
في مكان ثاني تحديد عند الجود
كانت قاعده تتمشى بس طلع بوجه هايف وصاحت قال هايف:اسف ولله مانتبهت ابتسمت الجود على لطفته وانه على طول صد وقاعد يعتذر منها وقالت:معذور ياولد عمي ابتسم وراح كل واحد بطريقه بس الي مايدرون قلوبهم طاحت بين يدين بعض وماراح ينامون هالليله من تفكير ببعضهم

———————————————————
مابغيت انزله الحين الا اني قلت احس لازم عشان تبدون تفهمون الاحداث💋🤎