التفت وشاف الي ماسك يده كان عساف وقال :جد لوسمحت الا امي !
الجد عبدالله:نعم جاي تدفع عنها وانت ماتدري وش مسويه هي واختك !
عساف:وش مسويه لدرجه تمد يدك عليها ؟
الجد عبدالله:امك الفالحه تشع اختك على الفساد اجل اخر عمري تفضحوني تبون تذبحوني ! اختك جايه قادم المراه بكل بجاحه تقول تبي تشوف عقاب !
عصب عساف وكان بيتكلم بس قاطعته نجد الي كانت جايه ماكنت منتبه لعساف وقالت:نعم انت ياشايب تتكلم كذا عني كيفي اسوي الي ابي اقول شوف اخرتك تراك رجل بالقبر ورجل بدنيا
التفت عساف لها وعيونه تطلع شرار من الغضب كيف تقول كذا وهو يعشق جده مايرضى عليه ابدا وقال:نعم وش سمعت انا! التفت نجد بخوف من سمعت صوت اخوها وقالت بتلعثم:متى ججيً ت
ضحك بسخريه وقال: جيت قبل ساعه وجيت وشفت اختي وش تسوي وتغيرت نبرته من سخريه الي عصبيه وقال:ولله الي نزل سماء ورفع سماء لو ينعاد هالشي انً ماتشوفين خير وانتي تعلمين بي !
ارتجفت نجد بقوه وقالت:خلاص طيب
صد عنها وكان يكلم جده
نجد هنا مره انقهرت من العنود ويالي صار وحلفت انها تنتقم وتخرب بينهم
عند القاضي -
دخلت العنود بعصبيه وقالت انها مستحيل ترجع لهلبيت تكلم عقاب بحسن نيه لنه مايعرف وش صاير:وشبتس كذا معصبه؟
لفت عليه العنود:نعم نعم تعال تعال وشو الي وش فيني معصبه انت ماتدري وش صاير
نفا عقاب براسه وانه مايدري تدخل ابو عقاب وقاله سالفه الفت عقاب وهو يضحك:غرتي؟
العنود بطرف عين:اقول دز بس تخيل ان واحد يسوي كذا
التفت عقاب بحده وقال:بنومه بالعنايه ثلاث شهور وبخليه يزور سجن شهرين زياده !
ضحكت العنود:ها شفت!
ابتسم عقاب وراح ركب فوق
لحقته العنود وكلهم راحو ينامون
صباح اليوم التالي-
القاضي والهاشم مجتمعين
عند العيال-
تقدم عقاب وهو يرحب فيهم وقف عند عبدالعزيز وسلم عليه جلسو وقعدو يسولفون دخل الكاسر وهو يركض قمزو كلهم وقال الجد ابو قاضي:وشبك ياولد تركض تسذا كان ميت احد
طاح الكاسر على رجله وقال:العنود العنود
هنا فزو كلهم وقال ابو خالد:وشفيها وشفيهااا
وراحو يركضون كلهم انصدموا الهاشم من صراخ القاضي لهذي درجه والتفت عبدالعزيز على وليد وقال:وشفيهم لذي درجه شادينها
وليد:انت ماتدري شكثر يحبونها لا واصغر حفيده بعد يعني مايبي لها كلام
قاطع حديثهم الجد عبدالله وهو يقول بنبره صارمه:روحوا شوفو العرب وش فيهم مو متسدحين عندي
قمزو العيال وراحو شافو رائد واقف وهو مره متوتر قرب هتان منه وقال:عسى ماشر
رائد التفت وقال:مابه شرًا ان شاء لله بس العنود تعبت وهي بالمستشفى الحين وننتظر وش فيها
تنهد هتان وسكت
بالمستشفى -
دخلو عيال راشد وعقاب وودو العنود لوطوارئى كلهم متوترين ينتظرون اي شي فجاه طلع دكتور وكلهم راحو له وقال ابو خالد:وش صار ببنتي
دكتور:هي بخير بس هي معها فقر دم حاد لازم تصير تاكل اكثر لازم لازممم مو كويس الى صحتها
ابو خالد:شسوي هي ماتاكل
دكتور:اغصبها تاكل ولا بنتك بتودع
تنهد عقاب وقال:خلاص يادكتور شكرا
الدكتور:عفوا
دخلو على العنود شافوها منسدحه على سرير المستشفى وقاعده تتأمل سقف وليدها المغذئي حتا لما دخلو مالتفت لهم تنهد منصور وقال وهو يمسك يدها:العنود كيفس يامي انا؟
العنود التفت عليه وابتسمت ابتسامه متعبه وقالت:معليك انا بخير
عقاب تكلم بنوع من العصبيه وقال:ها شوفي عانيس ماتكلين وشوفي وش الي صار لس!
الكاسر التفت عليه وهو معصب وقال:عقابب!
التفت عقاب عليه وهو رافع حاجبه نط ناصر وهو خايف يصير مشكله:العنود الحين لما نطلع بنشتري لك اكل مافيه اعتراض
العنود بتعب:مابي
خالد:وشو الي ماتبين اقولتس صحتس اهم! وبتاكلين
العنود :يصير خير
طلعوا من المستشفى وراح خالد اقرب مطعم اشترا لها اكل ودخل البيت لمًا دخل الكل تجمعوا عليه هلا :معليكم هي بخير بس انه معها فقر دم حاد ف لازم تاكل اكثر واهتمام اكثر
تنهدو كلهم ودخلت العنود وكلهم يتحمدون لها بسلامه مسكها عقاب قبل تدخل ودخلها فوق لغرفه خاصه فيهم وقعد وهو يفتح الاكل العنود استغربت حركته بس قاطع شرودها يد عقاب الي تمسكها وهو يقول:لا اكلي
العنود التفت له وقالت:مابي
عقاب بحده:اقولتس اكلي تبين تموتين نفستس انتي؟
العنود:ايوه ياخي شتبييي مابي اكل خلاص
عقاب وهو يشد على يده وهو يحاول يتماسك غضبه وقال:العنود لاتخليني اعصب كلي وخلصني
العنود:ياخي لا تتدخل وجع!
عقاب فقد اعصابه وقرب منها وهو خلاص كلمه زياده بتروح فيها ومسكها مع عضيدها وقال: لا ترفعين ضغطي ولله مو من مصلحتس
العنود بدلع عفوي:عقابب قلتلت مابي خلاص
عقاب سكت شوي وقال:شوفي بتاكلين ولا وش اسوي بتس؟
العنود سكتت وناظر فيه وقامت اكلت لها ماعد بها حيل تناقشه تاكل كم لقمه وتنام خلصت اكل وراحت تنام وطلع عقاب عند ريجيال تحت
عند العيال-
الجد عبدالله:عسى ماشر؟
الجد ابو قاضي:بخير بخير معليك
الجد عبدالله:الحمدلله
كلهم سكتوا لما دخل عقاب وجلس جنب عيال عمه راشد وساله منصور:وين كنت
عقاب:كنت اكلك اختك الي بغت تطلع شيب براسي
هنا منصور فطس ضحك وقال:ها اربها كلت بنهايه
عقاب:كلت بس بعد ايش بعد ماطلعت روحي الله يهديها
منصور:العنود كذا ترا ماتحب تاكل كثير وان كلت ترا كل اكلها حلويات ومن ذا الخرابياط
ضحك عقاب بخفه وانتهى يوم القاضي والهاشم على خير وهما جاهلين ايش راح يصير بعدين ويدمر حياتهم .
———————————————————
ادري ادري سحبت عليكم بس اعذروني وادري بعد البارت قصير 🥹+عطوني رايكم بتعليقات ولا تنسون نجمه وجمعه مباركه.واعذروني اذا يوجد اخطاء املائية
أنت تقرأ
"مالت بي العنود ميلة خصرها المعقود بين يقطينتين ورمان وتوت م يصفها قص"
General Fictionمَنَعَ النَومَ شِدَّةَ الاشتِياقِ :::وَاِدِّكارُ الحَبيبِ بَعدَ الفِراقِ لَيتَ شِعري إِذا بُثَينَةُ بانَت :::هَلَّنا بَعدَ بَينِها مِن تَلاقِ وَلَقَد قُلتُ يَومَ نادى المُنادي :::مُستَحِثّاً بِرِحلَةٍ وَاِنطِلاقِ لَيتَ لي اليَومَ يا بُثَينَةُ مِن...
