"مالت بي العنود ميلة خصرها المعقود بين يقطينتين ورمان وتوت م يصفها قص"

Part4

ساعه سبعه ونص 7:30
جاء لي العنود اتصل وردت وقالت:الو؟
عقاب:هلا كيفس
ابتسامة العنود وقالت:الحمدلله
قال عقاب:اجل اجهزي ثمان وانا عندك
العنود :طيب
وقفلت ورحت لبست بلوزه بيضاء بدون كم وماسكه من خصرها وبنطلون جلد اسود بوت ابيض وجكيت  جلد طويل ميال على بني مع اسود لبست سلسل فضي خفيف على شكل مربع الماسي واسواره حطت روج فوشي حطت مسكره تعطرت بعطرها المفضل وراحت تلبس عبايتها رفعت جوالها وشافت ثلاث اتصالات فائته من(عقيب) ناظرة من الشباك وشافت سياره عقاب وضحكت وقالت:اوه اكيد الحين مولع
وعلى طول نزلت وشافت عقاب مع خالد وكاسر وقفين يتكلمون لف عليها وقال :بدري!
ضحكت العنود وقالت:ترا كله عشر دقايق
ضحكت خالد:انت تشوفين عشر هو له نص ساعه ينتظرك هنا وقام قرب منها وقال:اذا قالك شي او ازعجك بشي دقي علي بس ولله لا امردغه لين يعض الارض ضحكت العنود وضمت خالد غافله عن الي يشتغل نار من الغيره  لفت العنود لعقاب وقالت :نمشي؟ اوما براسه وسبقها راحت تركض ولفت على اخوانها قالت لهم وهي تركض :سيو اخواني الاعزاء وركبت معه سياره وعقاب كان ساكت والعنود ساكته وكان الجو مشحون تنهد عقاب ومسح على وجه وقعد يستغفر ربه خايف يسوي بهالبنت شي وهو معصب ويندم عليه بعدين وقال:اسمعي تراني زوجس واجب عليس طاعتي حركات البزران ذي مابيها فهمتي قالت العنود وهي معصبه:نسيت ان زواجنا اصلا على ورق وكانت وحده من شروطي ماتتدخل بالي اسويه يعني مالك دخل ام عن طاعتك شايفني اصغر عيالك وجع عصب عقاب وصرخ فيها وقال:ولله العضيم ياعنود ياني اقول شي وتعصين كلامي ولله ماتشوفين طيب ضحكت العنود وقالت:نشوف يعقاب انا بنت راشد بن قاضي ماهوب انا الي يمشيني ذكر على كيفه ماجبته امه باقي
عصب عقاب وقف سياره وناظر فيها وقال:عيدي كلامك اذا انتي بنت رجال عيدي
ضحكت العنود وعادة كلامها وهي تمد كل حرف عقاب ماتحمل وقام نزل من سياره وهو خلاص وصل اخر حده من هالبنت وقام يضرب الارض من قهره لنها بنت وهو ماعمره ضرب بنت وفوقها لو ضربها يعرف وش راح يصير اخذ مويه كانت معه ونثرها على وجها وجلس على الارض يستغفر الي ماهداء ركب سياره وشاف ان العنود قاعده تناظر بوجوالها استغفر ربه وحرك سياره وصلو محل ذهب ونزلو وقال عقاب بهدوء:اشتري الي تبينه يابنت راشد بفلوسي
قالت العنود وهي معصبه الى الان من الموقف الي قبل شوي وقالت:شكرا مابي شي من فلوسك
قال عقاب:مابي اعيدها انتي زوجتي واجب علي اصرف عليس
قالت العنود:شكرا مابي منك شي ولازم اعيد واكرر زواجنا على الورق انا اذا بشتري بشتري بفلوسي
زفر عقاب بعصبيه وقال بهدوء:عنود لاتخليني ارفع صوتي عليس
عصبت العنود وقالت:اول شي اسمي العنود مو عنود ثاني شي ماني اصغر عيالك تصارخ علي ابوي من نعم اضافري ماصارخ علي من انت تصارخ علي
هنا عقاب فقد سيطرته وسحبها بقوه  قالت العنود:بعدي ولا ولله لا اصارخ واخليهم يمسكونك ناظر فيها وضحكت وقال:انا الفريق الاول عقاب ب عايض تتوقعين بيقولون اي شي وفوقها انتي زوجتي سحبها وددها محل ذهب وقفها وقال:اشتري الي تبين عشان بعدها نتعشا ترا ولله بطني فاضي
وقفت العنود وكتفت ايدها وقالت:مابي مستحيل اخذ من شخص كان يصارخ علي
قال عقاب:خلاص انا اسف ياست الحسن ودلال وش تبين بعد
العنود:خلاص اجل سمحتك وراحت تشتري اشترت نص المحل طبعا انتقم من عقاب وطلع الحساب مية الف دفع الحساب وراحو سياره وقال:ها الى الان تبين موكا ولا؟ ابتسمت العنود وقالت:ابوه طبعا الموكا عشقي احبه من كنت صغيره ابتسم وراح وقف عند كوفي اشتر لها موكا وهو قهوه سوداء وقال وهو يشرب من القهوه:وين ننروح الحين ؟
قالت:شاريك نروح شليه ابي احلل كشختي اتصور
ابتسم وقال :على خشمي استجراء شليه اربع ساعات وقف وهو يشل الاغراض وقال:هذا شيليه ابتسمت العنود وقاعدة تشوف تفاصيله حوش كبير يمله لون الاخضر جلسات خريجيه كبيره فيه غرفة نوم كبيره حمام  صاله حتا فيه سطح كانه بيت مو شليه دخلو ونزلت العنود عبايتها وراحت المرايه تزين شكلها وتتصور وارسلتها على صديقاتها واهلها وكان كلامهم كتالي
الجود:اوب اوب اخوي شكله طاح ومحد سما عليه
حنين:اي ولله اخوي راح فيها
الميلا:شكل عقاب مدلعس 😭
عند عائلة الراشد
ابو خالد:ماشاءالله وينك فيه يابنتي
الكاسر:اخس تروحين تتمشين وماتقولين لي
خالد:احا احس خيانه
ناصر:استانسي ومعليس من كلام دخلوخ ذول
منصور:انا اتفق مع ناصر أستأنسي
ام خالد:ماشاءالله الله يخليكم لبعض بعض
ابتسمت العنود وردت عليهم كلهم وراحت عند عقاب في الحوش عقاب كان جالس ومعه قهوته ويناظر فيه جواله رفع راسه من حس بخطوتها وانبهر لي المره ثانيه بجمالها وقال بدون شعور:سبحان من اعطك هالجمال كله  ضحكت العنود وقالت:ادري اني حلوه ضحك عقاب وقال:ياشين ثقه زياده
جلست من جنبه وكان معه حلا وقامت تصوره قالت ارتقاب يتامل كل انش فيها وابدا ماينكر انها جميله بشكل كبير
          -في بيت ابو عقاب-
كانت تمشي وشافت رسالة العنود وضحكت وردت عليها وقفلت جولها وكملت تتمشى  بس جذبها صوت شخص تعرفه وهو يغني ويقول :
سحر البيان اشهد انها صدق سحر البيان
ماهوب سحر البراقع والثم والعبي
وقف وهو يلتفت ورا  وضحك لما لمحها وقال:اشوف في هنا بسس صغيره قاعده تراقب ضحكت الجود وقربت وقالت:لا ولله لاتفهمني غلط ياهايف كنت اتمشى وسمعت صوتك وصراحه حلو ولله
ضحك وقال:اول مره احد يقولي صوتي حلو عطيتني طاقه اجابيه
ضحكت الجود وجلست من جانبه وقالت :ولله صوتك حلو صراحه وتصرح  اصير مغني او شاعر
ضحك وقال:منجدس انتي
ناظرة فيه باستغراب وقالت:تحسبني امزح تراني صادقه وجع لا تقاعد تتطنز
ضحك وقال:لا ولله ماتطنز
ابتسمت الجود :استاذن الحين بروح
ابتسك وقال:ودعتس الله
الجود قاعده تمشي وهي تحس قلبه بيطر من الفرحه مسكت قلبها وقالت:اوف اهداء ياقلبي وش فيها اذا ابتسم اخ يلعن ابليسه ابتسامته حلوه راحت ركض وهي تدخل غرفتها وقاعدة تصيح وارسلت لي العنود انو تبي تقابلها بكرا وقفلت جوالها وقاعده تتأمل سقف وقالت:اخاف احبه وينكسر قلبي ياربي ساعدني ماني عارفه ولله ياربي قلبي ماهوب بيدي وانت اعلم اخ يارب اذا هو خير لي قربه مني واذا شر ابعده يارب وقامت تصلي الوتر وراحت تنام وهي مهمومه
عند حنين شافت الجود تركض واستغربت طلعت من الباب بس طلع بوجها اسر وقالت:اسور اخوي كيفك
ابتسم اسر وقال:ولله الحمدلله كيفس حنين ؟
ابتسمت حنين :على مسيرك
قال :اسر تعالي معي خلينا نجلس انا وانتي وضيدان بس الجود وينها
حنين:نايمه
اسر:خلاص اجل تعالي
راحو كلهم يجلسون في الحوش برا وانتهت ليلة الكل بسعاده وبي حيره
———————————————————
كنت بنزله انستا ويكون بارت قصير بس كتبت اكثر عشان اقدر انزله واتباد وانستا لن نصكم ماعندهم انستا ف نزلته هنا عشانكم ف عشان كذا اضغطو القلب واكتبو تعليق رايكم لن ارائكم تسعدني ✨🤎