هذال بي ابتسامه وقال:عندي خبر سعيد لكم كلكم
وقف والتفت على راشد وقال:راشد بيتزوج غاليه بنت عبدالله
التفت العنود على ابوها بصدمه وقالت بهدوء:صدق يبه؟
سكت راشد بتوتر يناظر العنود ومايدري وش يسوي ابوه اخ
احرجه قدام الكل ومايقدر يكسر كلمة ابوه بس عياله نقطه ضعفه مايقدر يقول ايه ومايقدر يقول لا رفع راسه يتنفس بهدوء ممكن القرار الي بيقوله بيادي الى مشاكل كثير لكن غصب عنه ولاهو بي ارادته قعد يتامل عياله شوي ويشوف صدمتهم واملهم بن الموضوع يطلب كذب وانه ماراح يتزوج ولا حاجه توتر يناظر فيهم زفر
وقال بهدوء :ايه ايه يابنتي صدق الي سمعتيه انا بتزوج
ناظرة العنود في ابوها بصدمه وقالت :تمزح صح؟انت تحب امي كيف تزوج من بعدها ؟
ناظر راشد بنته وماقدر يقول شي
هذال ناظر العنود وقال:وشو الي كيف تتزوج من بعدها؟رجال وش كبره وماناقصه شي يتزوج عادي وذي سنة الحياه وامتس تحت تراب! افهمو مها ماتت
سكتت العنود تناظر راشد وعيونها مليانه دموع قامت بسرعه وقاموا العيال وراها سكت راشد يناظر عياله وهو متضايق
ابتسم هذال يدق على كتف راشد وقال:كفو ولدي مايفشلني
ناظر فيه راشد وصد عنه
العيال لحقو العنود ولقهو قاعده تبكي جلسو عندها ومسكها منصور وضمها وقال بهمس:لا تهتمين لكلام جدي هالفتره مو قادري يوزن كلامه وانتي تدرين جدي مايقصد ويحبنا
جلس الكاسر وقال:صح تضايقنا بخبر زواج ابوي والاخص بانها غاليه لكن ذي حياته واحنا كبرنا وانتي تزوجتي واحنا بنتزوج مابنقعد عنده يمكن زواجه خيره ولازم نتقبل هو ابونا في نهايه ماتدخل بحياتنا نجي احنا الحين نتدخل ونحاسبه؟
بكت العنود بقوه وقالت:بس بيتزوج بعد امي مستوعبين كيف كذا ماني متخيله انها بتعيش معنا وبعد عساف ونجد بيعيشون معنا !
ولا ماتخيلت طول حياتي بيجي احد مكان امـــ قاطعها خالد وهو يقول:تخسي اي ولله تخسي تجي مقام امنا
قال ناصر:ياشيخه ماتجي ربع امي اصلا يعني معليتس تخسي اصلا تجي مكانها واذا الموضوع عن نجد وعساف ولله عساف طيب وحبوب اما نجد ف ذي البنت ماني طايقه ابدا
ضحك الكاسر ومسك يد العنود وقال:خلونا نغير جو ونسافر جده شاريكم؟
ابتسمت العنود وهي بالمره تحب جده وبحرها تعشق بحرها ومابغير جوها الا هو ناظر فيهم وقالت:نروح؟
كلهم بصوت واحد:نروح
ضحكت بهدوء وقالت:خلونا نروح البيت عشان نجمع اغراضنا
ناظرها منصور وقال:لا لا مايحتاج اهم شي معتس عبايتس وجوالتس والباقي نشتريه من جده
ناظرة فيه بصدمه وقالت:بنروح كذا بدون حاجه؟
خالد:ايه كلها اسبوع نغير جو ونستانس
ضحكت العنود وقالت:اوكي خلاص
طلعوا العيال يجهرون سياراتهم وطلعت العنود وهي لابسها عبايتها شافهم هذال وقال:على وين؟
خالد تنحن وقال:بنروح جده اسبوع نغير جو وراجعين
عقد حاجبيه هذال وقال:زواج ابوكم بكرا كيف ترحون وتخلونه؟
طلعت العنود وقالت:زواج مين الي بكرا؟
هذال:ابوكم
سكت العنود بصدمه ولف عليهم راشد وقال:لاتخلوني ياعيالي روحوا معي والتفت على العنود وقال:وابيتس انتي مع امي تخطبين لي تكفون
التفتو العيال وبصوت واحد:ازهلنا
راشد:ابيكم تكونون معي
ابتسموا العيال وقالو:ابشر يبه
ابتسم راشد والتفت على العنود وقال:وبنتي الوحيده اخر عناقيد البنات ودلوعتي بتروح مع ابوها؟مابتخليه صح؟
قريت العنود من ابوها وحضنته وبكت بحضنه رفع راشد ايديه يحاوطها وقال بهمس:بنت راشد ماتبكي
ابتسمت العنود وهي في حضنه وبعدت العنود وناظرها راشد بي ابتسامه وقال:ايه بنتي كذا
ابتسمت العنود وقالت:بروح
ضمها بقوه وقال:اعرف دلوعتي ماتخلي ابوها الحاله
ابتسمت هذال من بعيد بهدوء وهو يناظر فيهم وكيف علاقتهم حلوه كان يخوف يخرب علاقتهم لكن هالخطوه مهم جدا وناظر فيهم وابتسم وصد عنهم
ناظرة العنود في جدها وقالت:جد
التفت هذال وقال:لبيه وش بغيتي؟
وقفت العنود وجلست عند جدها وقالت:كيف تسون عرس بكرا؟مو المفروض عقد القران وبعدها العرس؟
ابتسم هذال وقال:لا هو عرس ملكه اما الخطبه ف خطبتها من ابوها من زمان اصلا يعني عرس وملكه وهو بالاساس عرس بالبيت
هزت راسها العنود وصدت عنه
عقد قران -
راشد بن هذال القاضي و غاليه بنت عبدالله الهاشم
نزلت العنود بعد ماتجهزت وهي ماسكه البخور وشافت اخوانه وقال الكاسر بس ابتسامه :وش ذا زين وش ذا الحلاوه متاكده انتس اختي
ناظر فيه العنود بطرف عين وقالت: لا مو متاكده ف غض البصر
ضحكو العيال وناظر فيه وقال منصور وهو يحط يده على كتف الكاسر :لونك سكت ابركلك ناظر فيه الكاسر بطرف عين وصد
دخل راشد وابتسمت العنود وهي تتقدم له وتبخره وتقول:عريس المفروض تتبخر
ابتسم راشد بهدوء وقال:اخاف اضيع مين العروسه
ضحكت العنود وقالت:معليك ماراح تضيع
في اسوار الهاشم-
دخلو القاضي ونزلو وهم يسمعون الهاشم يرحبون فيهم دخلو الحريم من مدخل النساء دخلت العنود وهي تبتسم وتشم ريحة البخور الي تفتح نفسها دائما تقدمت مزون وهي تقول:تو مانور المكان
ابتسمت ضي وقالت:منور بوجود اهله
ابتسمت مزون وقالت:تفضلو تفضلو
دخلوا وجلسوا على الكنب دخلت غاليه باستحياء
ناظرة فيها العنود وقالت للبنات الي جنبها:العجوز الشمطاء مسوين فيها مستحيه البنات ماتو ضحك وناظر فيهم ضي يغضب وقالت:استحوا على وجيهكم سكتو البنات وهم ماسكين ضحكتهن وهو يناظرون غاليه الي مسويه فيها مستحيه دخلت نجد واضح من تعابيرها انها مستاءها وجلست من جنب امها بهدوء
ناظرت في الجود. وقالت:شفيهم ذي بعد حزينه انا جايه عرس مو جايه دكتوره نفسيه فطست العنود وهي تناظر في نجد الي من جنب امها
عند رجال -
عساف جالسه باستياء مو متقبل فكرة امه بتتزوج ولاهو عاجبه الوضع رفع راسه على كلام هذال وهو يقول:ولله ياعبدالله يناسبنا نسبكم وحنا خطبنا البنت واليوم جاين نملك وياخذها مره وحده لبيتها
ابتسم عبدالله وقال:عندي خبر لاتخاف
ابتسم هذال وقع راشد ومسك الايباد عبدالله والتفت على عساف وقال:امك انت أولى توديلهم سكت عساف وقام ياخذ الايباد من يد جده ويتوجه للحريم وقال بصوت مرتفع :ياعرب
التفت نجد على صوته وقامت غاليه بي ابتسامه ووقفت عند عساف وقالت:هلا يمه وش بغيت ؟ ناظر عساف في فرحتها ومد لها الايباد وقال:وقعي وجهزي اغراضك عشان تروحين معه
ابتسمت غاليه واخذ الايباد توقع وصارت حلال راشد بن هذال تنهدت نجد تناظر امها وكيف سعيده صدت عنها تروح فوق عشان تجهز اغراض امها
سكت العنود تسمع صوت رجال وهم يهنون ابوها صدت بحزن وخيبه
عند الباب-
ابتسمت مزون وقالت:زورونا مره ثانيه عاد الحين احنا نسياب
ابتسمت ضي وقالت:معليتس ماراح نقطعكم
ودعوا بعض وطلعوا ناظر غاليه الي تركب مع ابوها وصدت تروح تركب مع عقاب ركب عقاب سياره وناظر فيها وقال:ادري صعب ابوتس يتزوج لكن هاذي سنة الحياه
ناظر فيه العنود بغيض وقالت:سوق سوق وانت ساكت
ضحك عقاب يشوف استياءها وكمل يسوق
تسريع الاحداث -
الكل مجتمع في بيت واحد ينتظرون اعلان رمضان
الحريم بجه ورجال بجه والكل متحمس
ناظر هذال وقال:اص اص بدا يعلن
المذيع :غدا يوم الاثنين رمضان بإذن الله رمضان كريم
صرخوا بي حماس وقامو يحضنون بعض ويباركون لبعض
اليوم التالي رمضان يوم الاثنين 11 مارس 2024-
قبل الفطور بثلاث ساعات
البنات متسدحين ميتين عطش
دخلت ام عقاب بعصبيه وهو تقول:قومنا يالي مانكن فايده قومنا ساعدنا التفت حنين على امها وهي تقول:ماما تكفين مالي خلق
هزت راسها الميلا مايدها لها وهي تقول:اتفق تعب
مسكت ام عقاب سلبار حقتها وقالت بتهديد:وان ان ماقمتم لا اقطعها على ضهوركن قامو البنات من الخوف -
صلاة المغرب -
اذن وبدوا يفطرون بهدوء شاف الجد هذال حال البنات وقال:شفيكم يابناتي ماصدقت العنود ان احد سالها وكبت العفش كله
ضحك حمد وقال:الحمدلله ماني بنت مرتاح طول اليوم
ناظر فيهم الجد هذال وقال:انتم بتطبخون لنا سحور
صرخوا العيال باعتراض وقال هذال:ولا كلمه انتم تسونه
وقت سحور-
العيال بالمطبخ منحاسين والبنات واقفين على الباب ميتين ضحك على اشكالهم التفت عقاب على منصور وقال:جيب جيب تونه
ضربه ضيدان على راسه وقال:انت مجنون ؟فيه احد يحط تونه على كبسه اسطرك كف ولا اسطرك كف؟ حك عقاب راسه وقال:ياخي مادري احس طعمها حلو
ناظرة فيهم البندري وقالت :بنات شكلنا بنتسم دامه يحط تونه على رز التفت حمد وجاء بيتكلم بس ضربه هايف وقال:انطم اذا ماتبي تسوي الفطور بكرا ضحكوا كلهم بسعاده رمضان شهر فضيل يجلب معه سعادها وبشده
——————————————————————
ضغطت على نفسي عشان بس انزل هالبارت اليوم ورمضان كريم بناتي وكل سنه وانتم طيبين ولاتنسون نجمه 🤎✨
أنت تقرأ
"مالت بي العنود ميلة خصرها المعقود بين يقطينتين ورمان وتوت م يصفها قص"
General Fictionمَنَعَ النَومَ شِدَّةَ الاشتِياقِ :::وَاِدِّكارُ الحَبيبِ بَعدَ الفِراقِ لَيتَ شِعري إِذا بُثَينَةُ بانَت :::هَلَّنا بَعدَ بَينِها مِن تَلاقِ وَلَقَد قُلتُ يَومَ نادى المُنادي :::مُستَحِثّاً بِرِحلَةٍ وَاِنطِلاقِ لَيتَ لي اليَومَ يا بُثَينَةُ مِن...
