{اليوم التالي}
قام عقاب وشاف العنود بحضنه ابتسم وراح يغير ملابسه
قامت العنود وهي تحس بحركه وشافت عقاب واقف يرتب شعره وبدلته العسكري وقفت العنود وناظرة في باستغراب
وقالت:شفيك؟
لف عقاب بابتسامه وقال:صح نوم
ضحك العنود وقالت:طيب طيب بس وين رايح؟
عقاب:وش لباس انا؟
العنود:بدلتك؟
عقاب:حلو يعني بروح دوامي ضحكت العنود وصدت تاخذ ملابسه ودخلت الحمام تغير طلعت مالقت عقاب نزلت تحت وشافته تحت يفطر لف عقاب عليها
وقال:تعالي افطري ناظرة بساعتها ورفعت راسها
وقالت:سوري مره مستعجله محاضرتي تبدا الحين فز عقاب
وقال:يوك نسيت محاضرتس تعالي تعالي خليني اوصلتس
راحت معه وركبوا وقف عقاب عند كوفي ونزل ورجع وبيده قهوه سواد وموكا وعطا العنود الموكا وقال:تفضلي ياحرم عقاب
ضحكت العنود بخفه وصدت تشرب منه
نزلها عند باب الجامعه وهو وراح دوامه دخلت العنود الجامعه وبدات تلفف حولها تدور البنات لف على صوت دانه تناديها باسمها جتها دانه تلهث بتعب من بعد ركض الي ركضته جلسوا بكافتيريا الجامعه وجلسو يسولفون قاموا لن بدات محاضراتهم وكل وحده راحت محاضرتها
طلعت العنود وهي تشوف عقاب منتضرها ركبت وحركوا لبيت
{في مكان اخرى اول مره نزوه}
دخلت بنت الغرفه بخوف وقعدت تبكي دخل ررجال بالعشرينات بغضب وهو يقول:هاذي سواتس فينا طيحتي رواسنا بين العربان
بكت البنت بخوف قرب منها رجال ومسكها من شعرها وقال بصراخ:هاذي اخر ثقه ابوي فيك ياميلان
بكت ميلان بالم وقالت:تكفى يا اسامه فكني ولله اتهام ولله انا ماسوي كذا ضربها كف اسامه وقال بغضب :ولا كلمه ولا حرف انا ثواني وجايك وربي لا اذبح ياميلان ولله بكت ميلان بخوف وهي مامعها اي شي عشان تدق على ابوها ينقذها بكت بحرقه وقفت تفكر وش تسوي عشان تهرب لن اسامه لا محال بيقتلها بكت يخوف وتوتر وهي ماتعرف وش تسوي شافت شباك غرفها جمعت شراشفها وسوت فيها حبل ونطت منها وبدت تركض وهي ماتعرف وين تروح تركض وتبكي تائها
{عند ضيدان}
وقف عقاب وقال:ياعيال شاريكم نكشت اليوم؟
العيال ايدوها وتجمعوا في مكان
وقالو لي ضيدان يروح يجمع حطب وقف ضيدان يمشي وهو معه كشاف بسبب ظلام لمح شخص واقف قرب منه وشافها بنت
وقال بصوت عالي وهو يرفع سلاح بوجها:انس ولا جن
بكت ميلان بخوف من رجال الضخم الي امامها
وقالت:انا دخلتني على الله ثم عليك انك تحميني وتعطيني الامان
الجم ضيدان ونزل سلاحه وقال :عليتس امان الله انتي فوجهي وشنبي بكت ميلان بصوت خفيف
تنهد ضيدان وقال:قوليلي سالفتك ولك الامان
بكت ميلان بدا تروي قصتها
-
عامر يكون ولد عم ميلان ويحبها من كانت صغيره بس ميلان ماتكن له مشاعر وتحب ولد جيرانهم ابراهيم وبينهم نظرات ورسائل ورقيه شاف عامر نظرات ابراهيم وميلان لبعض لما يشوفون بعض ف غار وقرر يخطبها بس رفضتها ولما رفضته اشتغل الحقد بقلبه وأتهمها بشرفها مع ابراهيم وانها تقابله وبينهم علاقه راح اسامه يتاكد من الموضوع وقال ابراهيم انه صدق قام ضربه اسامه لين ماطاح راح اسامه بسرعه للبيت بغضب طلع عامر يضحك وهو يشوف ابراهيم مرمي على الارض وطلع ان عامر مهدده يقول كذا
-
وقف ميلان بخوف تنتظر ردة فعله وقف ضيدان ومد شماغه لها وقال:غطي به شعرتس اخذته ميلان وغطت شعرها وطرف من وجها وبدا يمشي وهي وراه وقف ضيدان ولف على سياره واشر عليها وقاد:ذي سيارتي اركبي فيها لين اجيتس هزت راسها وراحت ركبت في المقعد الخلفي اما ضيدان دخل عند العيال وقال لهم كل شي وقرروا العيال يمشون وركب ضيدان سيارته
وقال:وش اسمتس انتي؟
ميلان:اسمي ميلان
ضيدان:ميلان وش؟
ميلان:ميلان صقر بن صالح المسعود
ضيدان:ضيدان عايض بن هذال القاضي
سكتت ميلان ومد جواله لها وقال:بنت تعرفين رقم ابوتس؟
ميلان:ايه مد الجوال لها وقال:دقي على ابوتس
{باريس}
واقف رجال بالستين تقريبا وبجانبه رجال بالثلاثينيات
ضحك رجال:وقال يابو ثنيان
ضحك وقال:ايه ايه
ابتسم ثنيان يناظر ابوه قاطعه اتصال برقم غريب من المملكه العربيه السعوديه استغرب ورد وقال:الو؟ سمع صوت بنت تبكي وتقول:بابا
فز صقر وهو عرف انها بنت ووحيدته ميلان وقال:ميلان حبيبة بابًا شفيتس ؟
ميلان:بابا وبكت خم ضيدان الجوال منها وقال:سلام عليكم
عقد حاجيبه صقر وقال:ارحب من انت؟
ضيدان:اسمع ياعم لقيت بنتك بالبر تبكي وقال له سالفه كلها
صقر:بنتي بارقبتك داخلن على الله ثم عليك بنتي بامانتك الين ماجي من باريس ولا تعطيها لخوها اسامه مهن صار
ضيدان:على خشمي ياعم وبنت بامانتي
ابتسم صقر وقال:ان شاء لله احجز اقرب طياره وجاي قفل تنهد ضيدان يفكر بالشي الكبير الي صار وكيل بيدخلها البيت
{اسامه}
دخل المجلس بعد ماطلع من غرفه ميلان وشاف ابراهيم وقال:شتبي انت بعد
ابراهيم:جيت ابري ذمتي وقال له كل شي
عصب اسامه من نفسه كيف قدر يصدق ناس على اخته ناظر ابراهيم وقال:اقضب الباب ويويلك لو اشوفك مره ثانيه هنيا وقف ابراهيم وطلع من البيت تنهد اسامه يفكر كيف يدخل على اخته ويوريها وجه بعد سوادت الوجه الي سواها سكت وقف عند بابها بتوتر ودق الباب بس ماردت دق مره وثنتين وثلاث بس ماردت استغرب وقرر يدخل وفتح الغرفه وماشاف احد والغرفه معفوسه والحبل الي مسويته ميلان طالع من شباك دخل الغرفه وشاف على المكتب رساله فتحها وكان مكتوب :
ماتوقعت يوم من الايام بهرب من بيتنا ادور امان من اخوي بتذبحني وانت ماسلتني وصدقت الغريب علي كيف طاوعك قلبك تسوس فيني كذا صدقني لو صار فيني شي ماني مسامحتك لا دنيا ولا اخره
جلس اسامه على رجوله من صدمه وسكت يتأمل رساله لساعات طويله جدا عيونه امتلت دموع من قهره هي صادقه ولها حقها هو اخوها المفروض سندها لكن هربت تدور الامان بيت غير بيتها وباحد غير اخوها هربت تطلب المساعده من ابوها منه نزلت دموعه قام يمسح دموعه واخذ رساله حطها بجيبه وطلع من غرفتها
{اسوار القاضي}
دخل ضيدان وقف سياره وجاء بينزل وقال لها:لا تنزلين لين اقولتس سكتت تهز راسها بهدوء نزل ضيدان يدخل عند اهله وقال:معي بنت بسياره فزوا كلهم وكمل كلامه وقال:طلبت مني الامان ووعدتها بالامان وهي ذلحين بوجهي وبنشنبي لين يجي ابوها يستلمها
عصب هذال وقال:ماتعرفها وماتعرف وش مببها وش اسم ابوها
ضيدان:ميلان بنت صقر بن صالح المسعود
ناظر فيه راشد وقال:صقر بن صالح؟
هز راسه بالايجاب
راشد:اعرفه قل للبنت تدخل عند البنات هي بوجيهنا لين يرجع صقر من باريس استغرب ضيدان معرفه عمه بمكان تواجد ابوها بس سكت وقام لها بقولها ادخل عند البنات
{عند البنات}
دخلت ميلان وهي متمسكه بشماغ ضيدان بقوه وبخوف تقدمت منها العنود وقالت:هلا كيفك؟
ميلان رفعت راسها بخوف وقالت:الحمدلله
مسكتها العنود وجلستها على الكنب وبدو يسالونها عن اسمها وبود يدخلون بالجو مع بعض
{عند رجال}
سمعوا صوت طلق وطلعوا وشافوا رجال برا ورافعين سلاح بوجهم وقال الرجال....
————————————————————————
بناتي ذا اخر بارت في رمضان بدون شر حرفيا ماكنت ناويه انزل لكن عشانكم نزلت واتمنى تعطوني رايكم بتعليقات يحفزني اكثر واكثر وعطوني رايكم بميلان وعائلتها ؟
أنت تقرأ
"مالت بي العنود ميلة خصرها المعقود بين يقطينتين ورمان وتوت م يصفها قص"
General Fictionمَنَعَ النَومَ شِدَّةَ الاشتِياقِ :::وَاِدِّكارُ الحَبيبِ بَعدَ الفِراقِ لَيتَ شِعري إِذا بُثَينَةُ بانَت :::هَلَّنا بَعدَ بَينِها مِن تَلاقِ وَلَقَد قُلتُ يَومَ نادى المُنادي :::مُستَحِثّاً بِرِحلَةٍ وَاِنطِلاقِ لَيتَ لي اليَومَ يا بُثَينَةُ مِن...
