صرخت العنود ولفت وكان خالد وقال خالد:انجنيتي وانا اخوس تراني اخوتس
ضحكت العنود وقالت:يمه روعتني
ضحك خالد يسحبها وقال :بنحتفل بمحاميتنا
ضحكت العنود وقالت:احلف حبيبي انت تعرف توي اول يوم
خالد جلس وهو يتامل ناصر هو وعقاب يتهاوشون كالعاده ومنصور والكاسر وهم يقطعون الكيكه الي مبتلشين فيها
ولف على العنود وقال:حتا ولو تذكرين من كنتي صغيره تبسين(تبكين) تقولين بصير محاميه غصب يعني بصير محاميه وقعدتي تبسين؟ ها الحين حققتي اول خطوه وهاذي جازه بسيطه عشان حلمك الي بديتي تبدين في تحقيقه
ابتسمت العنود وهي تناظر فيه تعشق حنية خالد مره افاقها من شرودها جلوس منصور من جنبها
وهو يقول:هلا بزين هلا ولله ياختي الحلوه
قال ناصر:لونتس مو اختي كان تزوجتس من حلاوتس التفت عليه عقاب وضربه على راسه وقال:احترم طيب زوجها الي جالس هنيا تقول مزهريه
التفت الكاسر وقال:لو انها مو اختي كانت اختارتني انا وسحبت عليكم
نفا خالد هالشي وقال:اعقب بتختارني انا
تعلقت العنود بيد منصور وقالت:بختار منصور على الاقل اكثر واحد عاقل بينكم
ضحكو كلهم ومر هاليوم جميل عليهم
ركبت العنود مع عقاب وهي توعد اخوانها
وقال عقاب:كيف زوجتي الحلوه
العنود قالت:بيرفكت
عقاب:مادري وش تهذرين به بس اسلمي
ضحكت العنود وقالت:بيرفكت يعني رائع وانت سالتني كيف حالي قلت رائع
ضحك عقاب وقال :ايه اجل انتي برفكتز
العنود بضحكه:بيرفكت مو بيرفكتز بليز عقاب حاول شوي تنطق صحيح
عقاب:ابشري ابشري
وصلو بيتهم ودخلت العنود الغرفه وهي تكه ويجيها انهيار من تعب لفت العنود على عقاب وش تشوفه منسدح على سرير
قالت العنود وهي حاطه يدها على خصرها:قوم قوم الله يرضى عليك فيه كنبه هناك ارقد عليها
عقاب:ارفقي بس طيب ارحمو من في الارض يرحمكم من قي سماء ياشيخه خليني انام وتبين تعالي نامي جنبي
العنود عصبت ونطت عليه وشقلبها عقاب وصارت تحته وهو فوقها قالت العنود بعصبيه :قم عني
عقاب قرب منها وقال وهو يهمس باذنها:واذا ماقمت لاتسنين انتس زوجتي
العنود سكتت وهي تناظر فيه وصرخت عليه عشان يقوم
قام عقاب وهو يضحك واخذ بطانيه ومخده وهو ينام على الكنب
تسريع الاحداث بعد
في الجامعه-
العنود قاعده هي ودانه وتقول لها:بنت احترت اليوم اسوي شعري ويفي ولا ستريت ولا كيرلي ف سويته ويفي
ضحكت دانه وقالت:وانا سويت كيرلي
ضرب احد العنود الى ضهرها والتفت شافتها ريتال ضحكت وقالت:كنت ناوي اكسر يدتس
ضحكت ريتال:الحمدلله اني صديقتس عشان ماتكسرين يدي
ضحكوا البنات واجتمعوا شله كلها وكل وحده راحت محاضرتها
دخلت العنود محاضرتها وجلست تتامل المكان شوي وهي سرحانه شوي الا وتوقف عندها بنت وقالت:لوسمحتي قومي ابي صديقتي من جنبي
ناظرت فيها العنود وصدت عنها
رجعت البنت تتكلم بشينه وتتلفظ
التفت لها العنود وقالت:هي انتي مين تحسبين نفستس؟ اقول دزي امها قومه ولله ماقوم لو تنطبق سماء على الارض
البنت:اقول قومي بس وجت تشيل اغراض العنود
بس العنود مسكت اغراضها ورجعتها مكانها ووقفت وهي تمسك البنت مع ياقتها وقالت:شوفي ولله لو ماتنقلين لا العن خيرتس ها انقلعي حد نفس زينه
البنت فكت نفسها وراحت عن العنود والعنود كملت تجلس مكانها دخلت الدكتوره وهي سرحانه وتفكر في كلام ام دانه نرجع ورا شوي تحديد عند غرفه ام دانه-
طلعت العنود من المطبخ ومرت من عند غرفه ام دانه وسمعت اسم امها وقربت وهي مستغربه وسمعت ام دانه تقول:ايه اقولتس جتني قبل موتها بثلاث شهور ولما دريت انها من القاضي سممته ههههه ايه ايه وعانيها ميته ومحد يدري يحسبونه موت عادي تسذا ايه ايه جتني عشان تبي ابيع لها سجاده وقلت تجي لبيتي وسممتها سم بطئ عشان محد يدري ايه يابنت ناس لو يدرون بروح فيها بس ماضنتي مخبل ماعندهم ماعند جدتي ههه ياحياتي رحمت المسكينه الي نايمه عندي ايه ماتدري اني الي ذابحه امها وبيجي دور عليها بس انتظري شوي شوي ههههههه اخ رحمتها بس معليتس قلت مخبل
وقف تخيلات العنود الدكتوره وهي واقف عند راسها وتقول:عنود انتي معي
العنود انتفضت:ايه معتس
ناظرت فيها وكلمت شرح والعنود ساكته وتشوف الشرح
عند العيال -
العيال قاعدين يسمعون كلام الجد قاضي وهو يقول :كل واحد فيكم له شغله معينه هيا
راحو العيال اسر قال:ياعيال قسم اني بموت من الحر انا انسان رقيق ماتحمل
قال وليد:احلف اقول انطم وخلص شغلك يارقيق
اسر:عديمين احساس وضمير انسان رقيق مثلي يشتغل
ضربته عبدالعزيز وقال منصور:استرجل يارقيق
ضحك اسر وكملو شغل العيال
اسوار بيوت القاضي -
اجتمعوا الهاشم والقاضي
عند البنات-
الميلا:بنات صدق الموضوع يتعب بالمره
ضحكت العنود وقالت:بديت احس فيتس
قامت دانه وقالت انها بتشرب ماء وراحت ودخلت المطبخ وشربت مويه وكانت متكيه دخل رائد بسرعه وقال:القهوه التفت دانه عليه ولما رائد شافها على طول صد وطلع وقفت دانه ويدها على قلبها وراحت عند البنات وشافت العنود حالتها وقالت:بنت فيتس شي ؟
دانه بي ابتسامه:ايه حياتي مافيني شي
أومأ العنود براسها وصدت عنها
اما عند رائد الي دخل عند ريجيال وهو يفكر من هالبيت الي قدرت تخطف قلبه بثواني تنهد وحاول يشيلها من تفكيره وقعد يناظر العيال بهدوء التفت عقاب له ودقه بخفه وقال:وشبك ياولد
رائد صحا على نفسه وقال:مافيني شي
شك عقاب فيه بس ماتكلم وقعدو يسولفون العيال عادي
أنتهى يوم القاضي والهاشم بسعاده لكن مايدرون وش ينتضرهم بالأيام الجايه ...
——————————————————————
اعتذر بناتي على تأخير لكن اختبارات واتمنى البارت يعجبكم ورجاء لاحد يقولي البارت قصير لنه بارت سريع عن الاحداث القادمه
وعطوني رأيكم بتعليقات ولاتنسون نجمه🫦
أنت تقرأ
"مالت بي العنود ميلة خصرها المعقود بين يقطينتين ورمان وتوت م يصفها قص"
General Fictionمَنَعَ النَومَ شِدَّةَ الاشتِياقِ :::وَاِدِّكارُ الحَبيبِ بَعدَ الفِراقِ لَيتَ شِعري إِذا بُثَينَةُ بانَت :::هَلَّنا بَعدَ بَينِها مِن تَلاقِ وَلَقَد قُلتُ يَومَ نادى المُنادي :::مُستَحِثّاً بِرِحلَةٍ وَاِنطِلاقِ لَيتَ لي اليَومَ يا بُثَينَةُ مِن...
