اليوم التالي عند العنود-
جالسه وهي تغلي منقهر بشكل كبير لدرجه مايتصورها احد دخل عقاب وقال:قومي طلعي لي ملابس
العنود:لا ماني مطلعه
وقف عقاب ومسكها مع عضيدها وقال بحده:قلت طلعي لي ملابس
العنود:لا ماني مطلعه وش بتسوي ؟
قرب منها وحاصارها على الجدار وقرب وهو يمسك فكها بقوه وقال بحده:ادخل اتروش واطلع لو ماطلعت ملابسي بيصير شي مايعجبك
العنود قاعدت تحاول تفكه عنها وقالت:بعد عنييي
عقاب رص اكثر على فكها وقال:كلمتي ماتنعاد
نزلت دموعها وهي تحاول تخليه يبعد عنها
ارتخت يد عقاب من شاف دموعه وقام يمسحها وقال:اسف ولله اسف
بعدت عنه وهي تبكي وقالت:اطلع برا
كان بيتكلم بس صرخت بوجه وقالت:اطلع برااا
طلع عقاب وجلست على السرير تبكي جاء اتصال لها وردت وهي ماشافت الاسم وقالت:نعم مين معي بعد
نط خالد بسرعه وقال:مين مبكيتس
العنود:محد
خالد:مابعيد سوال مرتين مين مبكيتس
العنود ماقدرت تتحمل وبدات تبكي بقوه وهي تقول:ع عقاب واجهشت بالبكاء
سكر خالد الخط وجاء الكاسر شافه معصب وقال:وشفيك
خالد:دقيت على العنود ولقيتها تبكي ولما سالتها عن سبب قالت عقاب
وطبعا منصور وناصر وابو خالد سمعو وخمستهم راحو لبيت ابو عقاب دقو الباب وطلع ابو عقاب وقال:عسى ماشر ياخوي
ابو خالد:جيبلي عقاب
ابو عقاب:شمسوي؟
ابو خالد:ولدك المصيون مبكي بنتي !
ابو عقاب بعصبيه:وشو؟خلها علي وربي لا اربيه دخلو المجلس ينتظرونه
مرت عشر دقائق الا وعقاب داخل مع الباب ولو العيون تقتل كان قتلته قبل يدخل البيت من الاساس جلس وقال:شفيكم؟
فز خالد بعصبيه وهو يمسك عقاب مع ياقته:مبكي اختي اجل؟لا وانتي تتستر عليك وتقول ولا شي لو اني ماصريت عليها ووصلت اني احلفها بالله انها تقولي كان ماقالت ياكلب ياخسيس ياعديم رجوله
قام عقاب عطاء بوكس لخالد وخالد ردها له دخلو اسر وضيدان وشافو الي صارو وطبعا سحبو عقاب عن خالد ومنصور وناصر والكاسر بعدو خالد عن عقاب معنهم شوي ويذبحونه هما بعد وقال ضيدان:شسالفه؟
ابو عقاب:اخوك مبكي بنت عمك!
ناظر فيه ضيدان:وشو؟
ابو عقاب:الي سمعته
وقف ابو خالد وقال:بنتي تجيني الحين والان وورقت طلاقها تجيني اليوم قبل بكرا
ابو عقاب قاعد يحاول فيه ابو خالد بس ابدا رافض
نزلت العنود وراحت مع اخوانها وهي مره منقهر من عقاب وكيف يسوي كذا وعقاب بعد زعلان ومتضايق لن مشاعره بدات تلين ناحيه العنود بس هو قاعد يكذب مشاعره ويقول انه ابدا مايحبها
عند الراشد-
دخلو العيال وهما معصبين وابو خالد محاوط العنود وهو يكلمها تقدم خالد وقال:بتطلقين منه وانتهى
العنود سكتت شوي وقالت:طيب موافقه
تنهد ابو راشد وقال :مايصير طلاق لو سبب مو قويه قولي وش كان سبب
سكتت العنود ماتبي تقول شي قدامهم حس ابو خالد بشي ف قال:ياعيال اطلعوا برا جاء خالد يبي يتكلم بس قاطعه ابو خالد وقال:كلمتي ماتنعاد مرتين ويلا فوق
تنهد خالد وقال:سم يبه وطلعوا برا
قال ابو خالد يتبرع حنونه:قولي يابنتي وشبتس؟سكتت شوي وقررت تقول لي ابوها كل شي وبالفعل قالت وقال ابو خالد:يابنتي بس ماتوصل لطلاق خلينا نتفاهم واخوانك خذو حقك ووفوو وماراح اردك له الا بعد مايراضيك ويعتذر طبعا يابنتي كاني غاصبك ولله على شي مانتي تبينه لكن هالشي سبب تافه وتمنعين دخول الجنه بسبب طلاق بدون سبب كبير وانتي قلتي انه اعتذر وماكان قصده
سكتت العنود شوي وناظرت في ابوها وقالت:خلاص تم
عند عقاب حاط فرشته وجالس على الارض ويناظر بالقمراء ومتكي بضهره على المركا وقاعد يتامل وجاء بباله جزء اغنيه وقال:
"وش صار يالي نويت اليوم
نويت هجراني وش صار
منت حبيبي اللي تمنيتك
عرفت طبعك قبل تبعد
وتنساني لاتعتقد مانك
بقلبي ولا اغليتك"
سكت يتامل النجوم شوي وغفاء على المركا وقام على جلوس شخص بجنبه وكان اسر وقال:وش جابك
اسر:جيت اجلس عندك
تنهد عقاب وصد وقال:ابي اجلس الحالي
اسر:مانا اخوه ومن دم ولحم واحد عشان نترك بعض بوقت شدائد ياجعلي ان تركتك وقت حاجتك ان لاتوفق بحياتي الاخو سند وعصير ومن ترك اخوه فقد سنده
سكت عقاب وهو يتامل اسر وكلامه وقال:وانت عضيدي وسندي وان انكسر العضيد انهدت اليد وان انكسر سندك وقعت وانا بدونهم ولا شي
ابتسم اسر بهدوء وقال:ها هيا نروح نغير نفسيتك شوي ولا تردني
تنهد عقاب وقام معه وقال:عشان طلبتك بس
ضحك اسر وراح يشغل سياره
عند العنود جالسه جاء منصور وهو معه شيش(لعبه مكونه من اربع لعبين ينطلون الندر ويلعبون)
وجلس قادمها وراها اخوانه الباقين وجلسو وقال الكاسر:هو اربعه وحنا خمسه شلحل؟
التفت ناصر وقال:بنطردك انت
عبس الكاسر وقال:نعم وليش انا؟ ليش مو انت
ناصر:انا اكبر منك
الكاسر:وقسم يانوصير ان ماهجدت
ماكمل كلامه الا وناصر واقف وسحب كلامه وقال بخوف مزحي:خلاص اسحب كلامي انا العب بعدين
ضحكو العيال والعنود تتامل اخوانه وكيف يحبونها وتحمد ربي عليهم وقاعدو يلعبون بين صراخ وفرح
طلعوا العيال من غرفة العنود بعد ماتاكدو انها غيرت جو جلست تقراء كتاب وجاء لها اتصال من دانه ضحكت وهي علاقتها بدانه صارت قويه وقوت اكثر لما انتقلت لمدرستها وردت وقالت:دانه داقه عليه وش هالمعجزة ضحكت دانه وقالت:هي عاد عادي وشبتس
العنود ضحكت وكلمت دانه وقالت:ولله طفشانه ف قلت اقولتس تجين بيتنا هيا تكفين طلبتسسس لاترديني عاد هيا
العنود :لا لا مابي
دانه:تكفين تكفين تكفين تكفين تكفين
العنود:اخ بزر بزر خلاص يلا شوي جايه
ضحكت دانه وقالت:مرسي يالحب هياا بايييي
وراحت ركض تجهز كل شي
وقفها مسعود وراه هتان وقال :وشبتس تركضين تقولين بقره هاجه
التفت له دانه وقالت:ماراح اخرب مزاجي الحين عندي شي اهم
مسعود:العب وش هالشي المهم الي مايخليتس تخربين مزاجتس
دانه بحماس:العنود وافقت تسهر عندييي
هتان قال باستغراب:هي زوجه عقاب صح؟
دانه:ايه ايه
هتان ابتسم وقال:دامك عازمه العنود اقوم اعزم زوجها
وصدق عزمه وبيجي معه اسر ووافقو بعد عناء طويل
راح وجلس بالمجلس
جت العنود وصاروا يسولفون وجاء عقاب بعد
قالت العنود:دانه حبيتي وين المطبخ
دانه قالت لها وراحت
اما عند عقاب قال:هتان لا هنت وين المطبخ ابي اشرب مويه
هتان اشر على المطبخ وهو متاكد انهم ماراح ينزلون الحين وقف عقاب وراح دخل وشاف بنت معطيته ضهرها وتنحنح التفت العنود بخوفه وقالت:مين
سمع عقاب صوتها وهو يلتفت بعد ماكان صاد وقال:العنود
العنود:ايه
عقاب تقدم لها وحاصرها وهو يقول:وش جابتس هنيًا ؟
العنود:وشدخلك
عقاب تقدم اكثر لدرجه صارو يتنافسون انفاس بعض
وقال:زوجتي ولي حق سوال
توترت العنود من قربه وقالت:عقاب ابعد
عقاب ماقدر يحتمل زياده وقرب منها وهو ياخذ شفايفها بقبله حاولت العنود ابعد بس يدين عقاب الي محاوطه خصرها اقوى ابتعد عقاب بعد ماحس انها بحاجة اكسجين وقال:ماطاح الحطب يابنت راشد
العنود صدت عنه بزعل وقالت:لا ماطاح ياولد عايض
ابتسم عقاب بهدوء وقال:
ضيقتك تمّر على قلبي اضعاف يا بعد هالروح
لاتزعل انا وغلاتك بدون فرحتك فرحتي ما تكمل لو ادري بيك زعلان احس بقلبي مثل الورد الذبلان كيف لو زعلك مني مثل
العنود ردت بعتاب: وانا ياسعود صديت مغبون ما صديت عايف
عقاب وقف وقال:موعدنا بكرا وطلع
طاحت العنود على حيلها الي صار كان قوي شوي على قلبي وجلست شوي قررت ترجع لغرفة دانه مرت من جنب غرفة امها قررت تتسمع وكانت صدمه.....
———————————————————
البارت 1132كلمه طولته لعيونكم
وعطيني رايكم بموقف عقاب والعنود
وايش تتوقعون سمعت بغرفة ام دانه؟
لاتنسون نجمه🫦
أنت تقرأ
"مالت بي العنود ميلة خصرها المعقود بين يقطينتين ورمان وتوت م يصفها قص"
General Fictionمَنَعَ النَومَ شِدَّةَ الاشتِياقِ :::وَاِدِّكارُ الحَبيبِ بَعدَ الفِراقِ لَيتَ شِعري إِذا بُثَينَةُ بانَت :::هَلَّنا بَعدَ بَينِها مِن تَلاقِ وَلَقَد قُلتُ يَومَ نادى المُنادي :::مُستَحِثّاً بِرِحلَةٍ وَاِنطِلاقِ لَيتَ لي اليَومَ يا بُثَينَةُ مِن...
