صرخ شخص فجاه والتفتو كلهم وشافو نجد طايحه على الارض ويسيل منها دم انفجع عساف وقام ركض يودي اخته المستشفى وكلهم ركضوا
بالمستشفى-
دخلو كلهم وجالسين ينتظرون
طلع دكتور وقال:لوسمحتو ولا احد منكم يطلع
التفتوا له وكمل دكتور:لقينا اثار ضرب على البنت وماراح تطلعون الا اذا جت شرطه
في بيت الراشد تحديد غرفة الكاميرات
دخل شخص متلثم الغرفه بشويش فتح الابتوب خرب الكاميرات واخذ سجيلات وطلع على طول من الغرفه
نرجع المستشفى
تقدم عقاب وقال:معك الفريق الاول عقاب بن عايض
وتقدم اسر وقال:معك الفريق اسر بن عايض
تقدم عساف وقال:معك لواء عساف بن هزاع
وقال عقاب:اتوقع احنا كافين امرني يالحبيب وش عندك؟
الدكتور:شفنا علامات ضرب والبنت يمكن تتعرض لتعنيف
تقدم عساف وقال:انا اخوها واقول هالشي ماصار ولوسمحت وخر ابي اختي
تلعثم دكتور وقال:طيب طيب
عند نجد كانت تكلم بالجوال وقفلت وقالت:بدا بينا تحدي يا انا يا انتِ
رجع الكل للبيت والعنود جلست بغرفتها تتصفح كتابها الاسبوع الجاي اختباراتها نهائيه وراح تتخرج رسميا من الثانوي مادري كيف صار ذا كله اه تمنت امها تكون معها بس اخ اخ سرحانها فجاه يجيها اتصال من سلطنة عمان توقعت انها الاء بس لا هي مسجله رقم الاء عندها توقعت انه وحده من البنات وردت وقالت:هلا مين معي؟
أتى لمسمعها صوت رجولي وهو يقول:اخت العنود بنت راشد بن قاضي؟
العنود باستغراب:ايه من معي
الرجل رد وقال:انا دكتور الي اشرفت على حالة امك
العنود عدلت جلستها وقالت:ايه؟
الدكتور:امك ماماتت كذا امك ماتت مسمومه
انصدمت العنود. قالت:كيف كيف كذا؟
الدكتور:اكتشفت ان امك مسمومه قبل ثلاث اشهر سم من انواع سم البطيء والقاتله يعني ماراح تحس فيه الا بعد شهر من دخول السم جسمها ويمكن امك ماعطت الموضوع اهميه ف انتشر اكثر الين ماتت
سكت العنود شوي طالت لحضت صمت ونطقت اخيرا بعد لحضة صمت طويله وقالت:شكرا ماقصرت
وقفلت جلست تهوجس شوي مين يسوي كذا مستحيل احد يسوي كذا مين بيسوي كذا؟ اخ
في مكان اخرى-
قاعد يدخن وجلس من جانبه خويه وهو معصب وقال:وش سويت انت!!!
رد شخص الجالس:ماسويت شي انا احبها وابيها وبتكون لي غصبن عنهم
خويه تكلم وقال:مهبول وش تحبها هي ماتبيك!
رد شخص المجهول:انا ابيها حتا لو ماتبيني
تنهد خويه وقاعد يناظر فيه بقلة حيله
عند عقاب واسر دخلو بيت الراشد يبون غرفة الكاميرات عشان يثبتون لهم بس طلع لهم منصور بوجهم وناظر فيه وقال:وش جابك
رد اسر:جاين نشوف الكاميرات
قرب منصور بسرعه من عقاب وضن انه بيضربه بس قال:عقاب انا حاس فيك لما الكل يكون ضدك تكون وحيد محد جانبك تحس بذنب شي انت ماسويته انا بوقف منك ياعقاب
انصدموا مره كيف يوقف معه توقعوا يضربه بس قعد يقول انه يحس فيه معقول انه انظلم ظلم لذي درجه ؟
تنهد عقاب وابتسم وقال:ماراح انساها لك طول عمري يامنصور ولله مانساكم وقفوا معي بوقت حاجتي قسم انكم اطلق اخوان ضحك منصور بخفه وداعهم يدخلون معه دخلو غرفة الكاميرات وبدا منصور يدور عن ذيك لحضه بس ابدا كل شي ممسوح انصدم وناظر فيهم وقال:كل شي ممسوح
عقاب انصدم وقال:مين بيسوي كذا؟
اسر تكلم وقاد:بعدوا انا اعرف كيف ارجعها
بدا اسر يشتغل
بعد ساعه-
وقف اسر بنصر وهو يفتح الفديو وكلهم شافو الي صار وقفوا وقامو يصيحون دخلت العنود وطبعا كانت متستره لنها سمعت اصواتهم وقالت:وش يصير هنا؟
لف منصور وقال:دقي على جدي وخليهم يجتمعون الحين ناظرة فيه وعلامات استفاهم فوق راسها بس دقت على جدها
وبعد نص ساعه اجتمعوا كل العائلتين
دخل عقاب وقال:كلكم ضلموتوني وحطيتو بي شي ماسويته لكن نسيتو اني عقاب بن عايض تربية عايض بن قاضي وذا دليل برائتي قدامكم
بدا يشتغل الفديو ولا احكيلكم عن وجيه الهاشم وبالاخص نجد العنود قامت وهي معصبه ومسكت نجد وعطتها كف وقالت:يابنت******ماتستحوين على وجهك ياقليلة الادب
نجد بكت وقالت:فكينييي
العنود كلمت وهي تمسك شعرها وتصفقها بالجدران:اذا امك ماربتس انا اربيتس يابنت****
وطاحت فيها ضرب وماقدرو يفكونها جاء عقاب وشالها من خصرها وطلعها برا وهي تصيح وتتوعد فيها نزلها وحشرها بالجدار وقال:ارتحتي بعد ماصفقتيها؟
العنود:ايه ارتحت ومره بعد وشكلي بحول عليك انت بعد
ضحك عقاب بخفه وقال:لاتحاولين انتي شوفيه الفرق بيني وبينتس يالقزمه
عصبت العنود وقالت:وانت عملاق ودفته وراحت والتفت وشاف عساف وعبدالعزيز وهتان وعيال عمه راشد وتقدم خالد ومسك عقاب وقال:حنا خوان ولا بدا يصير بينهم مشاكل وحنا جاين نبي سموحه منك
ابتسم عقاب وقال:وانا مارد اخواني واقولك طاح الحطب
ضمو بعض ووقف عساف وقال:ولله وانا اخوك اني وجهي مسود وماعرف كيف اعتذر منك و
قاطعه عقاب وقال:ماصار شي وانا اخوك كله لعب شيطان ولا حنا اخوان وحبايبا
ابتسموا العيال وراحو يسهرون وهما فارحنين
عند العيال -
عبدالعزيز وقف وقال:هتان صوته حلو خلوه يغني
هتان ضحك وقال:لا لا خلونا بس
طقه عقاب وقال:اخلص علينا غني
ضحك هتان وقال:لعيون عقاب اجل بس تراك بعد
ضحك عقاب وقال:تم
هتان: من يعلم مستريح اريح عن فوض شعرها الحرير الي كسى هاك المتون العسجديه
علموها ان مازح الغره ونشد عن قمرها
لايخاف ان شاف له ظلمها وشاف الشمس حيه
صفقت العيال وقعدوا يمدحون صوته ضحك الكاسر وصار يصور وقال :يلا دورك يانسيب
ضحك عقاب وهو يتكلم بهيام وقال:
العنود الي مسا البارح
ونا سيد سهرها
اقبلت مثل البياض
وودعت مثل برديه
المسا ضج بسوالف
عطرها واشغل سفرها
والعروق الي روت
مسيارها خضر ونديه
صفقوا العيال
وقال منصور بخبث :ولله مو بهينه اختي
وقعدو يضحكون قام الكاسر وارسل الفديو للعنود
وكلموا سهرتهم
عند العنود-
ذهبت غرفتها بدلت واخذت شور جلست على سرير وشافت رساله من الكاسر وشافته فديو فتحته وشافت عقاب وهو يغني فيها ابتسمت
ودخلت محادثته وتردتت ترسل شي بس في نهايه طلعت وطفت جوالها ونامت
في مكان اخرى-
دخل الشخص الغريب وقال:صديقي القديم
تكلم شخص ثاني تكلم وقال:ماني صديقك
ضحك الشخص المجهول وقال:لاتموت علينا خلاص المهم وش جابك
ضحك الشخص ثاني وقال:جايك بمهم
الشخص المجهول تكلم وقال:نايف وش عندك؟
نايف قال:ولا شي بس ابيك............
رد شخص المجهول وقال:مهبول انت مستحيل ماراح نقدر
ضحك نايف وقال:ماراح نقدر ......................
———————————————————-
ونزل البارت اخير وعطوني رايكم بتعليقات وايش رايكم ووش تتوقعون شي المستحيل
ولا تنسون تعطوني رايكم ونجمه🫦
أنت تقرأ
"مالت بي العنود ميلة خصرها المعقود بين يقطينتين ورمان وتوت م يصفها قص"
General Fictionمَنَعَ النَومَ شِدَّةَ الاشتِياقِ :::وَاِدِّكارُ الحَبيبِ بَعدَ الفِراقِ لَيتَ شِعري إِذا بُثَينَةُ بانَت :::هَلَّنا بَعدَ بَينِها مِن تَلاقِ وَلَقَد قُلتُ يَومَ نادى المُنادي :::مُستَحِثّاً بِرِحلَةٍ وَاِنطِلاقِ لَيتَ لي اليَومَ يا بُثَينَةُ مِن...
