the stars above us (medtech series #2)

8

"Ay tangina, si gaga. May concealer ang leeg," mahinang sambit ni Maya pagkakita sa'kin pagkaupo ko sa tabi niya. Napakunot naman ako ng noo at napahawak sa leeg ko. Na-blend ko naman nang maayos ah! Bakit napansin pa rin ni Maya?

"Halata?"

Natawa si Maya, "Sa iba? Hindi. Sa'kin? Oo. Gaga ka ba. Sa'kin mo nga napulot 'yan," natatawang sabi ni Maya. "Kaloka, nadiligan ka ba kagabi!? Kala ko ba crush mo si... you know."

Napairap ako pero natawa rin ako ako dahilan para mapa-takip ng bibig si Maya. Sobrang dead giveaway kasi hindi ko talaga alam maging secretive na tao pagdating sa kanila. Nakakaloka.

"Bading ka! Napakalandi!" sabi ni Maya na may kasama pang hampas sa balikat ko. Sakto namang kararating ni Ali kaya mabilis siyang lumapit sa'ming dalawa kahit hindi pa nilalapag 'yung bag niya.

"May chismis?"

"Itong ante mo hindi na virgin."

Nanlaki ang mata ko at tinapik si Maya, "Gaga ka bibig mo," sambit ko dahilan para matawa silang dalawa. "Mga isip niyo talaga. Sobrang polluted! Grabe! Wala pa nga akong sinasabi, pa'no kung kinagat lang ako ng lamok!?"

Napairap si Maya, "Girl walang kagat ng lamok na purple," sagot niya. "May color corrector pa 'yan o. Ano kala mo sa'kin."

Napanguso ako.

Oo na, raise the white flag na, Lula. Wala ka talagang laban sa pagiging keen-eyed ng kaibigan mo.

"Ano... Kiss lang naman..."

Halos mapalingon lahat ng mga kaklase namin nang marinig 'yung impit ni tili ni Maya at Ali na may kasabay pang hampas sa lamesa. Mga baklang 'to! Napakaeskandalosa talaga! Imbes na kami-kami lang nagchichismisan, gusto pa yata nilang idamay 'yung buong section.

"Kiss? Kiss lang? Tapos may hickey ka diyan sa leeg mo?!" mahinang sambit ni Maya. Na-conscious tuloy ako kasi pakiramdam ko sobrang halata talaga no'ng tinuturo ni Maya kaya nilabas ko 'yung hoodie ko sa bag ko at mabilis na sinuot.

"Super kita ba talaga pag malapitan? 'Yung totoo?"

Natawa si Ali, "Hayop kasi 'tong si Maya, na-conscious tuloy si Lula!" natatawang sambit niya. "Pero girl... Alam mo kung may next time, sabihin mo diyan sa partner mo na huwag naman sa leeg. Nakakaloka! I mean, hindi naman super halata. Pero if titignan nang malapitan, medyo halata."

Napa-buntonghininga ako.

Tangina naman.

Sobrang lunod na lunod ako sa halik ni Sergio kagabi na nawala sa isip ko na may pasok nga pala ngayon at huli na ang lahat para sabihin sa kaniya na huwag sa leeg ko.

Imbes na magsalita, napasubsob na lang ako ng mukha ko sa may arm chair habang nag-re-regret ng mga choices ko sa buhay. I mean... hindi ko naman ni-re-regret na naka-MOMOL ko si Sergio... Shet, kung pwede nga lang ulitin— 

Hindi.

Tangina naman.

Sabi ko SIP lang. Pero bakit iba na 'yung nangyayari?

Hindi naman ako seseryosohin no'n... Malamang naghahanap lang ng ka-fubu 'yon. At malamang nahalata na niyang crush ko siya kaya alam niyang vulnerable ako.

Mga lalaki talaga!

Ang mahirap pa... Pagkagising ko lang kanina saka ako sinapak ng realidad na may SIP pa nga pala kaming itutuloy.

Pa'no ko siya haharapin niyan?

"Ang bobo talaga!" naiinis kong sambit at umayos ng upo habang sinasampal nang mahina 'yung mukha ko. Nagkatinginan na lang si Maya at Ali. Gets ko naman kung tatawanan nila ako. Sobrang bobo naman kasi talaga no'ng move na ginawa ko kagabi... Dapat umiwas ako.