🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء 111
محيي الدين [ بملامح باردة ] انجي عندك لمدينة
لجين [ رفعت حاجبها] وديك باطمان لي فدار اش غادي دير معاها
محيي الدين [ هز يدو دوزها على شعرها بحنان مبتاسم ] ماتعمريش راسك بيها [ حيد يدو نطق عاقد حجبانو] امتى اتمشي؟
لجين [ تقادات فجلستها تنحنحت ونطقت بحزن] غدا جوايه 12
محيي الدين اوما براسو تقاد فجلستو وديمارا طموبيل مكسيري مخلي وراه لعجاج هز لبلاستيكة لي شرا وحطها فوق فخاضها
لجين [ شافت فالبلاستيكة وشافت فيه بإستغراب ] مال هادي؟
محيي الدين [ نطق بلاما يشوف فيها] كولي وسكتي
ميقت فيه وحلت لبلاستيكة عضت على شفايفها من شحال وهي مشهية تاكل هكا من جات من لمدينة ما كالت فخاطرها تنهدت خشات يدها هازة گرگاع التافتت ناحية مدت يدها خاشية ليه گركاعة في فمو بلاما تدوي
محيي الدين [ حط يدو على فمو كيكحب شاف فيها ورجع شاف فطريق] حماقيتي؟ غا تشاوري بعدا
لجين [ ابتاسمت ليه وهي كتمدغ رجعت مدت ليه يدها ] هاك هاني شاورتك
نفا براسو وحل فمو مخليها توكلو نفا براسو كيبتاسم على حماقها بقاو على داك لوضع كتاكل ودوقو حتى شبعت وسدت بلاستيكة حطاتها جنبها.. وقفها امام لبلاصة فين ركبت مع يعقوب حيدت سمطة والتافتت ناحيتو
لجين [ بإمتنان] شكرا بزاف ولله انت لوحيد لي كتعامل معايا مزيان
حل باب طموبيل وخرج تاجه لناحيتها حل ليها لباب خرجت وسداتو وقفت امامو
لجين [ حطت يدها على عينيها مضرگاهم من شمس ] فاش شي واحد كيحن فيا كيخلعني
محيي الدين [ بدا يضحك بإستغراب ] وعلاش؟
لجين [ هزت كتافها قالبة شفايفها] ماعرفتش كنحس بلي كيمهد ليا لشي حاجة
نفا براسو بلا حول هز يديه وحطهم فوق خدودها قربها عندو حط شفايفو على شعرها بايس راسها غمضت عينيها عاضة على شفايفها وقلبها بسرعة كبيرة كيضرب بعدها عليه كيشوف فيها وعينيها ضاربة فيهم شمس
محيي الدين [ بصوت رجولي هامس] ردي لبال راسك.. نهار اترجعي اتلقايني كنتسناك
ابتسامة بدات تشق طريقها وفراشات كيلعبو فكرشها هبطت عينيها بخجل وعاودت هزتهم بعدت عليه راجعة بلور كتشير ليه بيدها
لجين [ غمضت عينيها وحلتهم ميلت راسها ونطقت بصوت هامس غير شفايفها لي كيبانو كيتحركو] انتوحشك
عطاتو بضهر ومشات خلاتو خاشي يديه فجيابو كيبتاسم حك مؤخرة رأسو تنساها حتى اختافات وركب فطموبيل مكسيري
*عند لجين
كانت وصلات طلعت بدلت حوايجها بالبيجامة باردة ونزلت لصالون جالسة قدام لكبيرة لي كتشوف فيها مصغرة عينيها
لكبيرة [ بإستغراب ] انا بغيت نعرف علاش باغا تمشي وباك جاري علك؟
لجين [ قلبت عينيها بفقصة] لكبيرة اتبداي طلعي ليا دم ولله [ ربعت يدها ] صافي انا بغيت نرجع ودرت عقلي غادي نطلب سماحة من بابا وغادي يرجعني
لكبيرة [ جمعت شفايفها وحواجبها ] واش انا ماكنعرفش باك.. الى خرج لكلمة من فمو ماترجع
لجين [ تأفأفت باغا تبكي] مايمكنش نبقا هنا انا بغيت نرجع لدارنا
لكبيرة [ ميقت فيها] لي سمعك كترطاي هكا يقولو كنحرتو علك
لجين [ نطقت بصوت هامس] داكشي لي باقي ما درتوه
لكبيرة : اوى رجلي برجلك لمدينة حتى نوصلك عند بوك [ قاطعتها هازة صبعها] ولله يامك حتى نمشي معاك ونشوفوك فين باغا توصلي
تنهدت وطلعت لبيتها تخشات فبلاصتها حققات تيليفون باش يفيقها مع لعشا تغطات مستعدة تنعس.. يتبع
