بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء : 149
تبعها بعينيه حتى مشات سرط ريقو حك بالقاع ديال لابهم بين حجبانو التافت ناحية ليد لي تحط فوق كتافو
فاطمة [ بغنج] انا غادة نوض نطيب لعشا امحيي الدين بلاما تعصب بسبابها
اوما براسو بإيجاب وهي مشات لكوزينة نزل راسو كيحك فجبهتو بتعب وتفكير.. دازو ساعات طيبت فاطمة لعشا وتعشاو من غير لجين لي مابغاتش.. سالاو وطلع محيي الدين لبيتو من بعد ما دا شمس لبيتعها وعاون فاطمة فالماعن.. حل لباب كيشوف في لجين كتمشي وتجي فالبيت وتاكل ضفارها لابسة بيجامة حريرية فالازرق سد لباب شي لي خلاها تلتافت ليه مصت شفايفها وجلست فوق لفوتاي وهو فوق لفراش
محيي الدين [ شبك يديه كيشوف فيها وملامحو كتوحيي لجدية] شنو واقع
لجين [ سرطت ريقها بتوتر ونطقت ] غادي نعاود لك ولكن خليني حتى نكمل ودوي [ اوما بإيجاب وكملت حديثها] لكبيرة صدقت جداك
محيي الدين [ مغيكسي عينيه عليها نطق ببرود ] عارف
لجين [ وسعت عينيها بصدمة ] كفاش عارف.. امتى عرفتي ؟
محيي الدين [ بملامح باردة بعد عينيه ] عرفت فاش جاو ول لبارح جاو عائلتك وشفت جداك.. عرفتها
لجين [ عقدت حواجبها باستغراب] كفاش حتى عرفتيها بلي راها جداك ؟
محيي الدين [ حس بصبرو غاينفد نزل راسو حاط صباعو على عينيه ونطق ] شفت لوشام لي قالت ليا عليه شمس [ هز عينو فيها ] وشمة فيها وردة وسمية جدي وسمية لواليدة ..
لجين [ مزال لاعبة عليها صدمة ] ولكن انا عمري شفت داك لوشام
محيي الدين [ وقف بغضب وعينيه حاقدين بصوت مرتفع نطق] دوزي تنعسي وبراكة من اسئلتك لي ماكيتقاداوش..
لجين [ سرطت ريقها اول مرة غادة تشوفو معصب هكا نزلت راسها وعيونها لمعو بدموع] واخا
هزت عينيها كتشوفو خارج من لباب خابطو وراه حتى قفزت... تنهدت بحزن عاضراه وقفت متاجهة لبلاصتها مخشية فيها وطافية ضو...يتبع
