🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء :119
9 دليل بدات تحل فعينيها لي تنفخو بالبكا قلبها مزير ونفسها مخنوقة بقات تواني كتستعيد وعييها حيدت لغطا لبست بانطوفتها متاجهة لحمام غسلت وجهها وقضات حاجتها وخرجت توجهت ناحية سرجم مزال شتا خفيفة كطيح ابتاسمت بحزن .. حلت لماريو لبست تجاكيط كويرة فوق بيجامة هزت طاگية دارتها فوق شعرها لبست گاط فلون اسود خرجت من لبيت نازلة من دروج كتسلت وعينيها كيضورو مافيها لي يتلاقا مع شي حد ويدوي معاها بخطوات سريعة خرجت من دار .. قطرات شتا طاحت فوق وجهها مخليها تغمض عينيها براحة .. خطوة خطوة لقدام ماعارفاش فين غادة .. نسمات لهوا كطير خصلات من شعرها بعدت على دوار بزاف ودخلات لدوار اخر
....: لجين؟
التافتت ناحية صوت رجولي كتشوف في محيي الدين جاي اتجاهها وملامحهو عليها لاستغراب وقف امامها كيتفحصها بعينيه وهي متبتة عينيها عليه لامعين
محيي الدين [ رفع حاجبو بصوت خشن نطق] شفتك رجعتي دغيا؟ ماسخيتيش بدوار؟
لجين [ بدات ضحك باستهزاء وعينيها لمعو بدموع مرة اخرى] قصة طويلة...
محيي الدين [ بهدوء ] وانا هنا باش نسمعها
فجأة بدات شتا تجهاد حطت يدها على راسها شدها من يدها بخطوات سريعة جارها معاه
محيي الدين: أجي معايا
دقائق وهوما كيجريو دخلو فوسط واحد الارض جنب طريق كانت تم دار صغيرة مبنية وقفو امامها جبد ساروت حلو ودخلو سد وراه لباب شعل ضو باش تبان ناموسية لوسط مفرشة فراش عادي فلون اسود حداها طابلة مضورة من لداخل بالخشب بني عاطي ديكور زوين حيدت لجين تجاكيط وطاگية لي فزگو لاحتهم فالارض وتوجهت جالسة فوق لفراش
لجين [ كتفحص بعينيها دار ] شنو هاد صندوق لوقيد ؟
محيي الدين [ كيحيد في تجاكيط حتى هو كينفي براسو بلا حول] هدا هو لي مضرگك على شتا
لجين [ بدات ضحك وعينيها عليه ] صافي ماتقلقش
كان بوطاجي صغير جنب ناموسية فوقو ماكينة ديال لقهوة وبزاف دالبواطاات ديال لقهوة
لجين [ كتشوف فيه بإستغراب ] ديالمن هاد دار ؟
محيي الدين [ كيصايب فالقهوة] ديالي
سكتت دقائق كيصايب فالقهوة عمر لكيسان وضار عاطيها واحد وجالس امامها فالفوتاي صغير...يتبع
