بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء :133
تنهدت بابتسامة على الاقل كيبغيوها وكيفكرو ليها .. شافت فالقفطان وعضت على شفايفها كتفكر فأيامها عمرها طاحت عليها فكرة ديال شي نهار حتى هي غادة تزوج ودير دارها.. مااتنكرش بلي قلبها كيضرب فاش كيشوف محيي الدين ومعجبة بيه.. ماكتفكرش فلي جاي عندها اهم هي ديك لحضة تعيشها بفرحة... طوات داك لقفطان وقاداتو فالماريو... طوات لحوايج لي خادو منها بزاااف دالوقت باش ترجعهم سالات هبطت تعشا وطلعت لبيتها تنعس
*اصبحنا واصبح الملك لله
قدام لمرايا جالسة كتشوف فراسها كيف جاها لقفطان على فصالتها.. مبتاسمة بإعجاب ميكاب خفيف على بشرتها شعرها دايرة ليه مشيطة بسيطة مخلي ملامحها تبان .. شفايفها بارزهم گلوز لي مخليهم كيلعو.. وراها واقفة اسماء لي لابسة قفطان فلون اخضر جاي مع فصالتها ملبوس مخليا شعرها طويل مرتاح على ضهرها
لجين ( بتوتر وعيتيها لامعين) كيف جيت ؟
اسماء ( بابتسامة بشوشة) غزالة ما شاء الله
لجين ( وقفت امامها ابتسامة خجل نطقت) قربو يجيو؟
اسماء ( اومات براسها ) شوية ويجيو
صوت كلاكصون قفز لجين وسعت اسماء عينيها بفرحة صفقت بيديها وتوجهت ناحية سرجم كطل عليهم
اسماء : جاو... ياختي على لباشا ( التافتت غامزة لجين ) كيف جا
خرجت اسماء بسرعة مخليا لجين وقفت امام لمراية كتقاد فراسها ويديها كيرجفو شعور اول مرة غادة تعيشو.. قلبها كيضرب
لجين ( كتعض على شفايفها) اوف اش داني لشي زواج انا گاع
دازو دقائق وتسمع صوت خطاوي هزت عينيها كتشوف فأسماء داخلة وضحكة على وجهها
اسماء ( توجهت عندها شاداها من كتفها) يله الالة لعروسة... لعريس بغا يشوفك
وقفت سرطت ريقها بخطوات بطيئة تابتة وموزونة توجهو ناحية لباب هابطين من دروج حانية راسها .. وقفت امام صالون هزت عينيها.. وخرجتهم بصدمة..يتبع
