Uni
အပိုင်း ၄၃
ဘာအတွက် ဆုတောင်းရမှာလဲ။ ပုကျုံးရှင်းက မှုန်ကုပ်ကုပ်နဲ့ ကြည့်လိုက်သည်။ နတ်ဆိုးချင်က သူ့ရဲ့ ကနဦး ဖိစီးမှု စီရင်ချက်နှင့် ကိုက်ညီတယ်လို့ ဘယ်တော့မှမတွေးမိစေဖို့ ဆုတောင်းရမှာလား။ ဒါမှမဟုတ် မေ့မြောနေတဲ့ မိန်းကလေးနဲ့ ဖြတ်သန်းဖို့ ဆုတောင်းရမှာလား။ ဒါမှမဟုတ် မိန်းကလေးရဲ့ ဗိုက်ထဲက ကလေးလေး ဘေးကင်းပါစေလို့ ဆုတောင်းရမှာလား။ "ဟာ... ရူးတော့မယ်" ခေါင်းကို သိမ်းကျုံးကုတ်လိုက်ပြီး ဆေးရုံကုတင်ရှေ့ လျှောက်သွားရင်း အနည်းငယ် လွတ်သွားခဲ့သည်။
"အား ဗိုလ်မှူး၊ ဆေးခန်းမှာ ဆေးလိပ်သောက်လို့မရဘူး" အပြင်မှ သူနာပြုဆရာမလေးက ရုတ်တရက် အော်လိုက်သည်။
"ဘယ်မှာ ဆေးလိပ်သောက်လို့ရလဲ"
" လှေကားထစ် ဒါမှမဟုတ် ဆေးခန်းအပြင်မှာသွားသောက်လို့ရတယ်"
ပုကျုံးရှင်း သက်ပြင်းချပြီး အပြင်က ခြေသံတွေဝေးကွာသွားချိန်မှ လူနာဆောင်ထဲက ထွက်သွားခဲ့သည်။
ချင်မို ခေါင်မိုးထပ်ပေါ်တက်ကာ စီးကရက်တစ်လိပ်ကိုထုတ်ပြီး လှေကားထစ်နံရံပေါ်မှီကာ သူ့လက်ချောင်းများကြားတွင် ဆေးလိပ်ကိုညှပ်ထားသည်။ မွန်းလွဲ ၃ နာရီတွင် စစ်စခန်းက အပူဆုံးအချိန်ဖြစ်သည်။ ကောင်းကင်ကြီးက အပြာရောင်ဖြစ်သော်လည်း ရွှေရောင်သန်းနေသည်။ လင်းတယ်ဂြိုလ်ရှိ နိမ့်ကျသောဘန်ဂလိုများနှင့်မတူဘဲ၊ ဤနေရာတွင် အဆောက်အဦများ၏နေရာသည် အမြင့်မှကြည့်လျှင် သပ်ရပ်ပြီး စည်းစနစ်ကျကာ စစ်တပ်၏ သဘောထားကို ထင်ရှားစေသည်။ သူ စီးကရက်ကို မီးမညှိဘဲ ပါးစပ်ကိုစေ့ထားပြီး လက်နှစ်ဘက်လုံးကို စစ်ဘောင်းဘီအိတ်ကပ်ထဲ ထည့်ထားခဲ့သည်။
ချင်မိုရဲ့ ဆက်သွယ်ရေးစက်က ရုတ်တရက် တုန်ခါလာသည်။ "ဆရာ"
"ဆရာ့ရဲ့ ထမင်းချက်လေးကော ဘယ်မှာလဲ၊ သူမကိုဘာလို့ ဆက်သွယ်လို့မရတာလဲ"
ချင်မို စီးကရက်ကို ကိုက်ပြီး မျက်ခုံးပင့်လိုက်သည်။ "အနားယူနေတယ် "
YOU ARE READING
ကြယ်တာရာခေတ် စားဖိုမှူးကလေးတစ်ဦးကို ပြုစုပျိုးထောင်ခြင်း(mm trans)
RomanceName - Interstellar Chef Raising a Baby Type - Web nobel (CN) Author(s)- Salted Lobster 盐焗大龙虾 Myanmar trans - Khat, Karry phyo Status in COO - 222 Chapters + 7 Extras ( Com...
