You're the one who changed me(HwanYoung/DoHwan Version)

Part 10

မိသားစုစုံညီစွာ ညစာစားနေရပေမဲ့ DoYoungမှာ Diaryစာအုပ်ပျောက်နေတာကြောင့် စိတ်တွေရှုပ်ထွေးနေကာ ညစာတောင်ကောင်းကောင်းမစားနိုင်ဘဲ လူကရင်ခံသလိုလိုဖြစ်နေသည်မို့ ဟိုတို့တိ ဒီတို့တိသာစားနေမိသည်။

JunKyuမိမိရှေ့ကထမင်းသိပ်မစားဘဲ ဟိုနည်းနည်း ဒီနည်းနည်းသာစားနေတဲ့ ညီဖြစ်သူကိုကြည့်နေရင်းနဲ့ ဖေဖေ့ဘက်လှည့်ကြည့်တော့ ဖေဖေလဲသတိထားမိတယ်ထင်ပါ့ သူ့ကို ဘာဖြစ်လို့လဲ လို့ မျက်ခုံးပင့်ပြရင်း အသံတိတ်မေးလာသည်။
JunKyu ဖေဖေ့ကို ခေါင်းအသာယမ်းပြလိုက်ပြီး မသိကြောင်းပြတော့ ဖေဖေကသက်ပြင်းအသာချသည် ပြီးမှ

"သားငယ်လေး..သားနေမကောင်းဘူးလား "

''ဗျာ..ဖေဖေ ဘာမေးလိုက်တာလဲ"DoYoungမှာပျောက်နေတဲ့Diaryဆီပဲစိတ်ရောက်နေတာမို့ ဖေဖေဘာမေးလိုက်မှန်းအမှန်ပင်မကြားလိုက်ပါ။

"နေမကောင်းဘူးလားလို့မေးနေတာ သားဘာဖြစ်နေတာလဲ ထမင်းလဲသိပ်မစားဘူး ဟင်းမကြိုက်လို့လား သားငယ်"

''အာ..သားနေကောင်းပါတယ် ဖေဖေ သားညနေကမုန့်တွေအစားလွန်ပြီး ရင်ပြည့်သလိုဖြစ်နေလို့ပါ"

"ငါ့ညီကတော့ ဖြစ်ရမယ် မစားနိုင်ရင်လဲထားခဲ့လိုက်တော့ သွားနားချည်တော့ စာလုပ်စရာရောရှိသေးလား "

''ထမင်းမစားခင်ကတည်းက လုပ်ပြီးပြီ ကိုကြီး"

''အေး အေး ဆေးသောက်အုံး ကြားလား "

''ဟုတ်ကဲ့ ကိုကြီး ဒါဆိုသားအရင်ထနှင့်မယ်နော်"

ဖေဖေကခေါင်းငြှိမ့်ပြကာ ကိုကြီးကတော့ ဆေးသောက်ဖို့မမေ့နဲ့လို့ထပ်မှာသေးသည်။
DoYoung အိမ်ပေါ်ထပ်ကအိပ်ခန်းထဲဝင်ပြီးတာနဲ့ ကုတင်ပေါ်လှဲချပစ်လိုက်သည်။
လူကစိတ်ရှုပ်မှုများလာတာနဲ့အမျှ mind pressure ကြောင့် မအိပ်ငိုက်ပါဘဲ မျက်ခွံတွေကမှေးစင်းကျလာကာ လူကအသိစိတ်လွတ်သွားပြီး အိပ်ပျော်သွားတော့သည်။
........................................................................
{အရမ်းချစ်တယ် Hwan...
Hwanကိုသိပ်ကိုချစ်တာပါ မဖြစ်နိုင်မှန်းသိနေပေမဲ့လဲ ချစ်နေမိတာ ငါမှားလား Hwan
အရင်ကထက် ပိုရင်းနှီးလာတဲ့ Hwanနဲ့ဆက်ဆံရေးကို ငါအရမ်းသဘောကျတာပဲသိလား
ပြန်မချစ်နိင်မှန်းသိပေမဲ့ အနားမှာအခုလိုလေးနေခွင့်ရတာကိုပဲ ကျေနပ်တယ်Hwan....}