جا فيصل وصلنا لدار انا ويماه وخواتاتو حنا قريب نلحقو وانا تفكرت الفوضى لي خليتها فدار وزجاج مرمي في كل بلاصة شفت في فيصل يشايخ مع يماه ولا علابالو ياربي هذيك ال تبهديلة مي قلت خلي والله مايهمني فحتى واحد ، وصلنا لدار طلعنا قاتلي عجوزتي روحي بنتي لشمبرتك ريحي من تعب العرس قتلها ايه يما معليش ، دخلت للاشومبر ستغربت كي شفتها مفروزة وزجاج لي كان فلرض كامل ملايم صح لخزانة فيها غير البيبان واقفين مي لحالة مفروزة ونضيفة وليفاليز تاوعي محطوطين على جنب ، دخل من ورايا قالي غدوة ان شاء الله يلحق المابل الجديد شفت فيه قتلو كون مش العيب منرقدش هنا طول _ترقدي هنا ويدك على راسك_تحلم بيها اني نرقد معاك فسرير واحد ، كي عادتو يسكت وميناقشنيش ماقتلني غير برودو نحب غير كي يتقلق نعرف بلي وصلتلو للوتر الحساس ، خرج وصكر الباب وليت رحت جبت فاليزا فيها قشي جبدت بيجامة لبست ورحت للسرير باه نرقد مي مقدرتش حتى نقعد عليه تفكرت النهار المشؤوم وليت فتحت لخزانة نحوس على مخدة اخرى ودرا لقيتها معمرا قش جبب تاع دار بيجامات لبسة تاع خرجة صبابط صندال هزيتهم لقيتهم نفس لاطاي تاعي عرفتو بلي فيصل لي شراهم حاسب بهاذ ليجاست يخليني ننسا مزال ميعرفنيش بلي مش انا لي نتشرا بهاذ التفاهات صكرت لخزانة ورحت للجيها لخرى لقيت زوج مخاد ودراوات هزيت منهم ورجت جيت فوق الفوتاي ورقدت مافطنتش حتى سمعت صوت الاذان مانعرف مغرب ولا عشا هو انا اصلا رقدت قبل المغرب بشوي مالا هذا اذان لعشا نضت جبدت جبة تاع دار خفيفة ولايمت شعري وخرجت السكااات تقول رقدو رحت بشوي دخلت لدوش توضيت ورجعت صليت صلاتي ليوم نهار كامل ماصليت كملت وقعدت على الفوتاي كرشي توجع من الجوع مام ليوم نهار كامل ماكليت من غير فطور الصباح حشمت نروح كشما ناكل باين رقدو ، قعدت شوي وليت درت الكوراج ورحت للكوزينة شعلت الضو ورحت فتحت لفريجدار لقيت عشا في بورت مونجي سخنت وكليت ودرت لماعن في لافيسال جيت خارجة وفيصل دخل قالي عيون ريم قتلو وش خصك _ارب سقمي هدرتك راني راجلك تحتارميني ،ضحكت قتلو راجلي لي زوجت بيه بسيف عليا؟؟_حطيلي نتعشا وبركاي من الهدرة زايدة _ايه استنا برك ضك نحطلك ، خرجت من الكوزينة وخليتو هذاك لي خص زواج الفورصي ونزيد نخدم عليه رحت لشمبرا لبست بيجامة وتكسلت على الفوتاي وشعلت التيلي بقيت غير نبدل ونلعب فيها نتفرج دخل قالي يخي قتلك حطيلي لعشا ، دايرة روحي مركزا مع تيلي ونتفرج ومش سامعاتو مالقري مانيش علابالي حتى وشراني نتفرج المهم نقلق فيه ، قالي ايي ني نهدر معاك قتلو اخطيني راني نتفرج ناض يضحك بصوت خلعني قتلو وشبيك قالي علابالي تلعبي فيها برك والله معلابالك حتى وشراكي تتفرجي ، محبيتش نجاوبو دورت راسي نشوف مع تيلي يااا علابيها يضحك دايرة جمل يجري فصحرا ولاعبتها مركزا قتلو ايه وراه المشكل لاه الجمل وش خصو باه منتفرجوش فيه _ايه مايخصو والو اتفرجي وركزي مليح شوفيه وين يلحق، طفا ضو وراح رقد على سرير قالي منال ارواحي ترقدي هنا فسرير لاه راقدة ثما _راني مليحة هنا ومذابيك ماتهدرش معايا _ايه ديري رايك لازم نساعفك وهاذي فترة وتفوت _مش راح تروح ونبقا حياتي اكل هكذا لاخاطر دمرتلي حياتي وجامي راح ننساهالك _خلاص ارقدي ماهدرنا والوو ؛ هو رقد وانا كملت نتفرج وزايدتلو كل دقيقة ينوض يقلي نقصيلو وانا ولا علابالي نتفرج ومعلاباليش بيه وكي رقدت لعشية طار عليا النوم بقيت نتفرج حتى لحقت 2 تاع ليل بديت ننعست حتى غفيت ومافقتش ..
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
