بقلم الملكة للقصص 🌸
الحلقة 133:
نضت للكوزينة نوجد في لغدا والفرحة مش سايعتني الضحكة خارجة لا اراديا ، لحقتني ملاك مع ماما متحاضنين بعدتها_ايا خليلي شوي من حضنها مشبعتش منك ياماما وريحتك زينة لي متتشبعش منها_يابناتي الله لا يحرمني منكم انشاءلله واسمحولي كي خليتكم ورحت مش بيدي نبقا هنا شفت فيها_تعيشي ماما صااي خلي راه القلب فارح انساي واش فوتنا خلي نشبعو من بعض وساعة لكل حادثٍ حديث قوليلي كيفاه حتى جيتو عليها عندي يومين وانا نعيطلكم متربونديوش عليا غير تكتبو وتغيرو فيا بفطواتكم ولفويااج ومنا علاه مخبرتونيش _يابنتي واش نقولك راجلك لي محبش قالنا متقولولهاش وحنا نورمالمو نجو مور رمضان بصح معرف كيفاه دار وريڨل لورق غير بتلفون و هانا هنا وصلنا صبااح كان علبالو الوقت لي نلحقو فيه وهو لي حلف قالنا من لمطار لعند منال راهي ملهوفة عليكم ومصبرتش_ايه دار زينة العقل ، تبسمتلي بقيت نشوف فيها ونشبع في عينيا بشوفتها تزحشتها وتوحشت طلتها مي لاحضتها بلي مشيانة بزااف وجها كحل على غير العادة قلت بلاك بيها الفويااج و عياات من طريق بصح كان الهم اكبر من الجميع، سقسيتها على مرت مراد _ماما سهيلة وين راهي علاه مجاتش معاكم؟_حتى هي متوحشة دارهم لقينا خالك وبنو يستناو فينا ودوها ويعقوب(بنها)محبش يروح معاها حب يجي مع باباه وغدوة يديهلها اصلا هو موالفني بزاف وميبكيش عندي انا وباباه_ايه معليش خليه يقعد هنا حبيب عمتو ملي زاد وهو فقلبي باه نشوفو ؛بقينا نوجدو انا وملاك في الغدا وضحكة مالية الدار (اجمل نهار عشتو بعد كل المشاكل والهم لي فوتو)، دخل فيصل عيطلي رحت معاه لاشومبر غلق الباب ودار ليا_هاه واش عجباتك المفاجأة_ايه تهبل يعطيك صحة_بلامزيا مدرت والو يالبكاية هردتيهاا ونتي تبكي علاه دموعك هااك مش غالين كيفك بلخف يطيحو فرح تبكي! وحزن تبكي! متزيديش تبكيلي هذو العويناات حرام عليهم هذو يليقو غير للفرح والبوس بقى يبوس فيهم وتحضني علبالك منال كي شفتك قبيل تحضني في يمااك وترجفي عليها تفكرت العجوز والشيخ مام انا توحشتهم مكانش قد حنانت الولادين قد منكبرو ونعرفو صلاحنا مهما يكون نحتاجوهم يكونو في حياتنا_ايه عندك الحق مكانش قد حنانتهم تحضنتو(بقى يتيم ومحروم من حنانة الاهل ودفئها حتى خاوتو بان وجهم واش يسواو داهم الطمع ومال الدنيا عمات قلوبهم نساو خيرو رباهم كي ولادو ونهار لي طاحت بيه دارو عليه لمزيا هو فايق وميستسلمش ونحا تكسار راس منهم)_ علبالي منيش قد مقام يمااك بصح ديرني كيما هي لي توجعك توجعني ديرني باباك خوك صحبتك كلشي اني معااك وجامي نسمح فيك_نديرك مرتي وتحت حضني يكفيني وبزيادة هذو كامل راكي ديرلي فيهم غير حنانة الفراش مزال مدرتهاليش،ضربتو لصدرو_يخي منحرف يخي نتا متليق لوالو انا نهدر هك ونتا تخمامك وين..
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
