#بًـََـــلَوٌةّْ_حًـَـيَاَتٌـــيَ
بقلم الملكة للقصص 🌸
الحلقة 77:
سكت مجاوبتوش حتى هو سكت شوي نسمع غير في تنهيداتو وصوت طوموبيلات باين راهو يسوق مباعد قالي ايا تهلاي فروحك عينيا وبلاك فليل ان شاء الله نوصل لدار _ايه طريق السلامة ، مع كملت الهدرة معاه دخلت أمو قاتلي هاه بنتي طمنيني ياك مزدتوش تهاوشتو _لالا مكان والو يما متهاوشناش _ايا سلامات بنتي ساعفو بعضاكم وتنازلو شوي يابنتي مش ديما تيبسي راسك معاه اعطيه فرصة وعلابالي راح تعيشي هانية معاه يابنتي لي فاتك بليلة فاتك بحيلة اسمعيلي برك والله تعيشي هانية _يا ميمتي لاه تهدري كشغل مش عارفة وش صرا ياك الغلط اكل من .. قاطعتني مخلاتنيش نكمل _خلاص بنتي واول شي لازم تنساي شوي وتتنازلي وفوتي حوايج علابالي تأذيتي بزاف بصح هاذي هي سنة الحياة باه تعيشي لازم تفوتي حوايج(سماا لي دارهم هو سموهم حوايج والله واحد ميحس بيا غير لي مجرب واش عشت قد منحاول ننسى ونتفداه بصح مقدرتش لي جاز عليا صعيب و مدرهاش مرة ولا زوج) راهم النسا اكل يفوتو ويعديو وشوي تنازل منك وشوي منو وتعيشو فارحين فحياتكم ومتنساوش ضك راح يكون بيناتكم ولاد يسما لي صرا من قبل اكل طيشوه وراكم ومتقوليش راني نهدر هك لاخاطر بني والله تهميني نتي قبلو ويشهد ربي راكي كي بنتي واعز ،وفيصل راه بني ونعرفو والله مايفكك ومايخليك تروحي حاولي معاه بالحسنى وراح يكونلك كيما حبيتي _ايه ان شاء الله يما محبيتش نزيد نكثر معها ونوجعو في قلوب بعضانا هي مهما يكون وليدها ولازم دير هاك باش نرضى عليه..، كملت هدرتها وغلقت الباب وراحت بقيت نخمم كيفاه عشت معااه من اول لقاء لينا لقيت بلي تاع صح فيصل مستحيل يفكني منو يسما وين راح نروح ولا نهرب يبقى لاحقني ومسببلي لأذى سما لازم عليا نعيش واقعي معاه ونتقي شرو وغضبو بان بلي كي يتقلق ويزعف ميتحكمش في روحو ويديو سبقاتو معدو هدرة كي ناس ومعدو عقل ضك ونحاول نتقبلو في حياتي وندير لي عليا ونعفس على قلبي ومهما كان ملازمش نخمم بأنانية سيرتو كي راه بيناتنا بيبي وراني عشت وعرفت الانانية تاع الوالدين وين توصل لولاد، ضاق خاطري من تخمام وانا نطلع ونهبط خرجت ليما نحي على روحي كي شافتني هكاك بدات تنسي فيا وتحكيلي...
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
