بقلم الملكة للقصص 🌸
الحلقة 131:
ورحت قعدت معاه جبناهت نهار غير وهو يحكيلي وانا نحكيلو وش صرا في هاذ 15 يوم يعني مخليناش حاجة محكيناش فيها الحياة معاه صح تبدلت ولينا ديما نضحكو نقصرو نسيتو فهمو ونساني في همي ، لحق ليل حكمنا بلايصنا بسيف باه قنعني نرقد قدامو قالي متخافيش والله مانديرلك حاجة خليني نشم ريحتك برك ، بصراحة حتى انا كنت متوحشاتو وحابة نبقا قريبة ليه رقدت قدامو من التعب مع حطيت راسي رقدت مافقتش حتى لصباح على صوتو وهو ينوض فيا_مناال_اممم _هايا نوضي عمري وجدي روحك ام جايين الجماعة ضك مع نسا ثاني نضت بقيت نمسح على عيني وهو يعدلي في شعري _قوليلي برك غير لي نتي تنوضي هاك حلوة ودلوعة كيما لبنات صغار؟_معرف مشفتش ناس كيفاه تنوض (كانت الشمس ضاربة في عيني) نهدر معاه بنوم خليني يعيشك نرقد مزال لحال مالفة نوض على العشرة وزيد راني عيانة من لميناج تعيش خلي نرقد شوي برك نااض وبقى يشوف في ساعة لي في يدو كان لابس ومفحفح روحو بقيت نشوف فيه شغل عندو موعد وراح عليه الحال بقى رايح وجااي_فيصل وشبيك؟_ها عمري نوضي ام قريب يجو على اقل نوضي وجدي روحك نضت ندز في روحي غسلت روحي ودرت قهوة وحليب وقعدت نشرب وعينيا مغمضين وهو مقابلني يشوف فيا ويتبسم وحاب يقولي حاجة بصح معرفش مين يبداها_ها قول وشبيك ليوم تنوض فيا على ستة تقول رايحين نخطبو_ايه نوضتك باش تخطبيلي لقيت وحدة تعرف قيمتي وتشبع رغباتي، قهوة خرجت من نيفي _ياربي علاه عليك هذا الشي على جال شهوتك مقدرتش تصبر عليا ولي كنت تقول نصبر عليك وزعافك ميهونش عليا ونحترم قرارك ومنضغطكش هذي غير ثلاث شهر ولا درت هااك راح تخطب عاجبك الحال وزيد تنوض فيا على بكري ولبارح نوجدلك في طياب ودار باش يجو جماعة يخطبولك حراام عليك والله مفيك الخير نهدر ونبكي طبعتو عليا روحت لبيتي حكمت فاليزة وراح ندير فيها قشي جا نحهالي _منال تهدني وشبيك هذا ديري هاك هذا غير قتلك رايح نخطب درتي هاك مالا مزيا شاورتك خير مدخلتها عليك ونحطك في امر الواقع هبلت كي قالي هاك بقيت نضرب فيه لصدرو ونبكي _ياخداع ياخاين حرام عليك الهم لي شربتو معااك تجازيني بهذا الشي عليها يقولو راجل خو الكلب مفيهش لامان ضاع عمري معااك وانا نعالج فيك الشي لي مشفتوش في حياتي شفتو معااك حراام عليك فيصل علاه دير فيا هاك كون قتلي من قبل علاه كنت تقولي نصبر عليك حتى ترضااي حكملي يدي في زوج وبقى يضحك_نتي صح مهبولة كيفااه انا هبلت حتى نرووح نديرها؟ واذا درتها منييش رااجل بلعاني قتلك هااك نشوف في ردت فعلك وكي عدتي متقدريش تشوفني مع غيرك علاه راكي صابرة لضك عليا يخي قتلك نساعفك وراني بريت ونعرف كيفاه نتحكم في روحي محال نزيد نأذيك منقدرش نشوفك ضك تتأذي مني ولا من غيري يخي قتلك نغلقو الماضي خليني نداويلك جراحك نتي محبيتيش خليتك في راحتك والله يامنال غير راني صابر ونزيد نصبر معليش ونعرف روحي يبقالي نهار معاك ونموت لازم نوصل ليك بهذيك طريقة باش نأكدلك بلي صح راني تغيرت وبلي صح راني نادم وصح راني ملهوف عليك ومتوحشك ومتمني تكوني في حضني ..
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
