قالي معليهش انا منلومكش الحالة لي راكي فيها والله منلومك شي لي عشتييه مش ساهل ،منال انا صح اذيتك بصح قبل منأذيك حبيتك وعشقتك وسميه كيما تحبي قولي هبال جنون حب تملك انا هاك مخدوم ونقولك انا منعرفش نحب وجامي حبيت ولا حطيت وحدة في راسي ومن الشي لي عشتو وشوفتو في حياتي هو لي خلاني ندير هااك منال انا متعمدتش باش نأذيك ولا ندمرك بصح نتي خليتيني هاك ولي قاتلهم اسكتو قااع كي شفتك واقفة مع هذاك لأنوش وقريب ليك محال نكون في عقلي ونسيطر على روحي وهكذاك كي دا الضرب ومبردش قلبي عليه حتى نتى مرضييتش بيا كيفاه حابتني ندير جيتك من كل الجيهاات اخسبي برك شحال مرة جيتك من باب لحلال ونتي محبيتيش بصح معليش مع لوقت تعرفي عقليتي وتعرفي شخصيتي كيفاه دايرة انا راني نسير فيك وديرها مليح في راسك بلي جامي نساير بنادم وجامي نطلب من اي واحد طلب ويزيد يرفضني انا غلطت ونستعرف بغلطي ومع لوقت تشوفي لي يغلط معيا كيفاه يخلص (يااريت ماشفت)_في بالك كي درت فيا عملتك الشينة كنت زعما حاسبني نقبل بيك ونتقبلك كزوج؟ علابالك لحاجة لي خلاتني نقبل بيك هي تهديك ليا بعايلتي ولا ولله منقبل بيك_ايه منال ندير اي حاجة تتعلق بيك نتي ونديريها ونخليها تخلى ويصرا واش يصرا ونقولك ثان نلحقك للموت فهمتي! المهم مكانش لي يديك عليا ولا نتي لي ترفضيني ضك منطلب منك والو حابة تعيطي! عيطي حابة تكسري؟! كسري كلش قدامك لي ديريها هاني هنا قدامك مي هنا في هذي لاشومبر اما خارج لاشومبر منقبلكش طيحيلي من قيمتي باصكو نتي لي تخرجي خاسرة ونولي نعامل فيك بمعاملة لي ميستوعباهش لعقل خلي حياتنا تفوت طورونكيل ونكون كأيها ناس معاك_اهاه نتا عقلك كفاش يخمم قلي برم هاذ الحب لي راك تحبني بيه في لخيال ومكانش هذا نتا وتحبني درتلي هاك ودمرتلي حياتي ملا كون جيت تكرهني كيفاه قول علبالك عييتني نتا وحبك دمرتني ملا كي تكرهني كيفاه دير؟؟_ قتلك انا منعرفش نحب وكي حبيت هاذي هي طريقتي فالحب ومنقدرش نبررلك شي لي درتو فيك و شي لي قدرت عليه نصلحو معااك اني تزوجتك _درت مزيا كي تزوجتني وسترتني؟؟براافو عليك زعما قلو رجال بقيت غير نتا راجل ومكاش لي يسترني من غيرك ، وجهو تبدل وعينيه حمارو عرفت روحي عميتها غير باه نلعبلو على اعصابو ونكرهو فيا وليت نهدر وخلاص جا يمشي جيهتي ونا نرجع لور حتى لحقت للحيط ودخل فيا وهبط راسو لعندي بقيت نشوف فيه ونرجف حسيت ب انفااسو وريحتو مخلطة مع دخان ياربي كل ميقربلي نتفكر هذاك نهار قلبي طلع عليا جيت نهرب حكمني من يديا نضرتو تبدلت فيها وحد لمعة يشوف في عينيا وفي شواربي و وجهي_منال راني ساكت وسوكوتي وصبري عندو حدود و كلمة رجال راهي طيح رقااب جيت نهدر دار يدو في فمي قالي ششش سكاات علبالي واش راح تهدري نتي صغيرة ومتوزنيش لكلام (كنت راح نقولو كون جيت راجل مديرليش هاك مزيا سكتني ولا خلات حتى هو عرفها) ويشوف ليا _ولله محق عليا ولله مكنت في عقلي كي درتلك هااك منقولكش سامحيني ولا نقولك انساي نقولك اسكتي برك خلي لياام هي لي داوي لجراح ، زاد قرب ليا و باسني من خدي ومن جبيني شاف فيا شوي وبعد عليا خرج وصكر الباب بقيت واقفة وباهتة في هدرتو..
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
