بًـََـــلَوٌةّْ حًـَـيَاَ‌تٌـــيَ 🌸 صــعـاب المَـــنَالَّ

80

#بًـََـــلَوٌةّْ_حًـَـيَاَ‌تٌـــيَ
بقلم الملكة للقصص 🌸
الحلقة 80:
سلمت عليا وقعدت مقابلتني قاتلها يما اقعدي بنتي ضك شوي ونجي ، هي راحت يما ولخرى دارت ليا_ وش حوالك ختي صفا؟!_ايه الحمدلله ونتي_راني مليحة ، تعرفي لبارح لعشية عيطلي فيصل قالي ارواحي مامبا ماسقسيتش وشكاين (حلابة من كباار) جيت طول تعرفي فيصل وختي رونق من بكري هك قراب لبعض تحكيلو ويحكيلها (انا مرتو وجامي حكينا كي ناس) وديجا رونق قاتلي جاتنا غير هاذ la Période (الفترة) محكيناش تبانلي كي زوج مالا راكي تحكمي فيه، وضحكت وحد الضحكة مستفزة _على كل حال فيصل ورونق كانو هايلين مع بعض منعرف كفاه فسدت العلاقة(نكذب عليكم كون نقول بلي ماغرتش عليه مهما كان راه راجلي)_ لي كان من قبل فات وراح وفيصل عيطلك علاجالي و باه تجي تخدمي خدمتك وتروحي مقالكش تجي تحكيلي قصة حياتك وحياة ختتتك اوكي زينة(محبيت نسقسيها واش كاين بيناتهم خليتها على حالها تزووخ وتفووخ وتكذب على روحها)جات تحل فمها تجاوب دخلت يما هازة سينيا حطتها قدامها فطابلة ثم ثم ولات تتصنع فالابتسامة_لاه شقيتي روحك خالتي انا جيت نخدم خدمتي ونروح ، وشافت فيا وتبسمت_اتقهواي بنتي وممبعد راكي ديريلها لبرا، صبتلها شربت وناضت قاتلي اعطيني دوا نشوف جبدتلها لحوايج_ااهذو نتاع تثبيت الحمل سما حملك مش ثابت_ايه شنفت عليهونضت دارتهالي الاطيف تقول ضربتني بالم.وس يدها مسمومة كملت قاتلي بشفا عليك_ان شاء الله صحيتي،راحت هزت صاكها وراح تروح حكمتها يما تحلف وتقلها اقعدي تتغداي معانا ضحكت وقاتلها خالتي نخاف يجي فيصل وتعرفيني نحشم(باينة وجه الحشمة كي داير عندك)_لالا اقعدي برك متخافيش فيصل تعرفيه مايدخل على عباد مايداسر(قصف مباشر)وزيد راهم جايين لبنات(خواتات فيصل )هذيك هي تتلاقايهم_لالا خالتي ضك نخدم وغدوة ان شاء الله نرجع_ايه نشالله بنتي سلمي على يماك، هي راحت خرجت وانا بقيت نغلي على طريقة هدرتها واستفزازها ليا وفيها كمية التنوفييقي يالطييف(تكرهبت منها)بقيت ندور فدار باه يمشي الدوا لبلاصة وين دارتلي لبرا تحرق النار شعلت تقول دارتلي السم يالاطيف جات يما قاتلي خلاص روحي اقعدي فبلاصتك منتنسايش وش وصاتك الطبيبة_ايه يما علابالي مي قلت نتحرك شوي باه يمشيلي دوا_معليش شوي واقعدي..