#بًـََـــلَوٌةّْ_حًـَـيَاَتٌـــيَ
بقلم الملكة للقصص 🌸
الحلقة 94
فليل ناضو كامل راحو لديارهم قعدت انا وفيصل ولبنات قاتلنا حبيت نرقد شوية عييت لبنات ناضو يفرشو لولادهم ، عيطلي فيصل من توال لباب رحت ليه قالي روحي ارقدي وضك نلحقك نشوف يما ونجي_لا روح نتا ضك انا نشوفها ونشربلها دوها _خلي نروح انا _فيصل يعيشك راه مورالي طالع خلي نروح انا ليها _معليش روحي ، دخلت لعندها نلقها ناضت تصلي وتدعي في سجوود ، خلصت جات تكسلت عيطتلي بصوت خافت_ منال بنتي راه قلبي يوجع فيا اقريلي لقرآن ، رحت قعدت قدامها بقيت نقرالها وهي تغمض في عينها وتفتح عرفت لموت راح تجيها عيطت لفيصل جا يجري انا بقيت نرجف وحكما في يدها ونقرالها ونشهدلها نقولها شهدي شهدت ودايم الله في ملكو فتحت عينيها فسما ولات تعرق جسمها برد ان لله وان اليه راجعون ، حجيت يدي على فمي وشهقت حسيت نار شعلت فقلبي وليت نقلها ميمتي نوضي منقدرش بلا بيك نوضي يالغالية يالحنينة كفاه نعيش بلا بيك بكيت عليها الدم غاضتني نسيتو كامل كان ورايا شفت ليه قسملي قلبي هذا وين زاد تيتم روحت ليه نتحضن فيه كاان جثة غير يشوف ليا وليها وعيينيه مغرغرين بدموع ياارب حتى دمعتو قاسية مطاحتش وهو يقول ان لله وان اليه راجعوون قدر الله مشاء فعل ، دخلو خوتاتو مع شافوها طاحو في لرض يبكيو ويشهقو قدمو ليها ويعيطو يماا يماا ، طلعو خاوت فيصل كي سمعو لعياط ولبكا جا واحد فيهم غطاها بزورة على وجها ، قعدنا قدامها ونبكيو غير بسكات محبيناش نعذبوها بالعياط لاخاطر حرام ، قعدت قدامها كيما كل يوم قتلها ميمتي خليتيني والفتك ورحتي عليا خليتي عليا الدار ضلمة رحتي ومشفتيش حفيدك لي كنتي فارحة بيه يعني كل منتعلق بانسان ونحبو يروح ويخليني في حصرتي ووحدتي، بكينا عليها الحجر انا وبناتها بصح فيصل بلا منحكي عليه جبل ميهزك ريح ميحبش يبين كامل ضعفو قدام نااس فوتنا هذاك ليل وحنا قدامها حتى لصباح جات مرشدة غسلتها..، بداو يجيو لغااشي فوتناه غير تعزيا والبكى جات ختي ولا فامي نتاعي وبنات عمو كامل جاو يشوفو ليا من لفوق لتحت من عينيهم راح يكلوني ويلي ستغربتو كي شفت خلود وسامية خرجو صحابات وين نروح نلقاهم مع بعض ويشوفو فيا بطريقة مش نورمال مي فالحالة لي كنت فيها ماركزتش مليح معاهم غير دمعتي على خدي كي خسرت اغلى انسان على قلبي حنيتها منلقهاش كامل في صنف لعجايز (حاشى البعض) سبحان الله ديما الانسان لمليح تعجل بيه الموت..
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
