៚
ស្លៀកសំពត់ខ្លីហើយ វាធ្វើឲ្យមិនស៊ាំ....
ហ្សេរ៉ា ចង់អត់ដង្ហើមឲ្យស្លាប់ខណៈពេលដែលដៃកាន់ឧបករណ៍ថតរូបដើរតាម ជុងហ្គុក ចុះជណ្ដើរទៅសាលខាងក្រោម។
ឈុតដែលគេបង្គាប់ឲ្យនាងពាក់គឺឈុតនៅក្នុងទូខោអាវរបស់កូនក្រមុំ។ ខ្សែភ្នែកមុតស្រួចសម្លឹងមើលសម្លៀកបំពាក់រាប់រយឈុត ប្រើពេលវេលាមិនយូរប៉ុន្មានក៏រើសរ៉ូបពណ៌ផ្កាឈូកស្រស់សមនឹងរូបរាង ក.វៀលជ្រៅបង្ហាញខ្នងសខ្ចី បង្ហាញរាងរៅឲ្យឃើញច្បាស់និងគល់ទ្រូងទើបនាងព្យាយាមលើកដៃបិទបាំងព្រមទាំងទាញជាយរ៉ូបដែលវាមានសម្រុងលើជង្គង់។ វាប៉ោងដូចឈុតតុក្កតាពេកហើយ ស្រស់ពេកហើយនិងសិចស៊ីពេកហើយ ពេលដែលត្រូវខ្យល់បក់មកវាក៏ធ្វើឲ្យនាងផ្អើលតែម្ដង។« ដើរឲ្យត្រង់ខ្លួន ពើងទ្រូង ធ្វើឫកឲ្យថ្លៃថ្នូរ » គេបញ្ជាដោយមិនមានងាកមកមើល ជាការបញ្ជាក់ថាអ្នកប្រុសសង្ហាមានភ្នែកទិព្វ គេដឹងនិងឃើញគ្រប់រឿង។
« នាងខ្ញុំ អឺ.... សុំទៅផ្លាស់ឈុតល្អជាង »
« កុំធ្វើខ្លួនសាំ! កាលនោះតែងខ្លួនតាមដានខ្ញុំដល់ក្លឹបម៉េចនៅធ្វើបាន? » គេស្ដីឲ្យ នាងក្រមុំធ្វើភ្នែកឡេមឡាម។ យប់នោះគេឃើញនាងពិតមែន តែធ្វើពុតជាមើលមិនឃើញ អាក្រក់ពិតមែន!
« តោងដៃខ្ញុំម៉ោ » សុខៗសុភាពបុរសទាំងឡាយក៏ដើរមកហុចដៃឲ្យនាងចាប់យ៉ាងមានទឹកចិត្តព្រោះឃើញសភាពលំបាកក្នុងការដើរដោយស្បែកជើងកែងចោតរបស់នាង។ នាងក្រមុំភាំងពីដំបូងតែក៏រហ័សញញឹមតប ប្រុងនឹងលើកដៃតបទៅវិញហើយក៏ត្រូវ ជុងហ្គុក បែរជាមកឱបចង្កេះប្រកាសភាពជាម្ចាស់របស់នាង។
« សូមទោសផងលោក! នាងមកធ្វើការ » គេប្រាប់ដោយសម្លេងរាបស្មើគ្មានរាប់ញាតិ រួចបន្តឱបនាងដើរទៅជាមួយដោយដៃបបោសអង្អែលខ្នងគ្ានអ្វីបិទបាំងជាប់ជានិច្ចនិងអោនមកខ្សឹបប្រាប់ឯថ្ពាល់សឹងតែប៉ះគ្នាទៅហើយ។
« មកខាងនេះ ខ្ញុំនាំនាងទៅណែនាំឲ្យម្ចាស់ប្រាសាទស្គាល់ »
« អឺ.... មិនទៅមិនបានឬ? គឺនាងខ្ញុំជំនាញនៅក្រោយឆាកជាង »
YOU ARE READING
- DON'T CHASE ME ❌
Romanceគេចណាស់ជួបណាស់ ប៉ុន្តែលើកនេះបែរជាធ្វើឲ្យគេទប់ចិត្តមិនបាននឹងភាពពុះកញ្រ្ជោលក្ដៅគគុក។ « ជុងហ្គុក ប្លេស x ប៊ែក ហ្សេរ៉ា » -NIANA