POS 1: Miles, Track and Field Hottie

Sprint: Two

//

Antok na antok pa rin si Miles nang magising siya bandang alas sais y medya ng umaga. Napasimangot na lamang siya nang dumako ang mga mata niya sa nakapaskil na schedule ng klase niya sa araw na ito. Sa kabilang panig ng dorm ay natutulog pa rin si Theo sa higaan nito.

Mamayang alas otso ng umaga ang klase nito. Ito ang ka-dormmate niya sa Mechevel Hall: ang tawag sa dormitory building ng mga lalaki katapat ng Maroon Hall na dormitory building ng mga babae sa Dayton Crest University.

He yawned while scratching his bare stomach and snatched his towel from the hook. Pumasok siya sa banyo at naligo. Panaka-naka ang pagsakit ng ulo niya gawa ng pagtungga niya ng alak kagabi. Mataas ang alcohol tolerance niya kaya hindi siya masyadong lasing puwera kay Attwell na karay-karay nilang dalawa ni Theo. Mabuti na lamang hindi sila nahuli ng istriktrang taga-bantay ng dormitory nila.

Nang matapos maligo ay nagbihis na siya ng simpleng white shirt, jeans at sneakers. Book bag lang ang dala niya nang lumabas na ng dorm. Tanging left over sandwich lang ang kinain niya bilang agahan. Lakad-takbong tinahak niya ang hallway nang bahagyang bumagal ang paglalakad niya nang dumako ang mga mata niya sa lalaking nakaupo't nakasandal sa gilid ng isang pinto.

It's Eros Apostol. One of the Prince of Sports. Ang isa sa limang POS sa DCU. Anong ginagawa nito sa labas ng isang dorm room? Napagsarhan ba ito ng pinto? Lumaylay lang ang ulo nito at tuluyan nang humiga sa malamig na sahig.

May sampung minuto pa siya upang makarating sa CBA Building. Tumakbo na talaga siya nang tuluyan nang makalabas na ng Mechevel Hall. May mga estudyante pakalat-kalat ang napapatigil sa mabilis niyang pagtakbo. Kahit wala siya sa POS List, may mga estudyante pa ring nakakakilala sa kanya dahil sa mga gulong sangkot siya at ang positibong side ay ang pagiging track and field athlete niya.

"Tabi!" Gulat na tumabi ang mga nakakasalubong niyang tao nang patakbong umakyat na siya ng hagdan. Binalanse niya ang paghinga niya gaya ng ginagawa niya sa training. Humina lamang ang pagtakbo niya nang makarating siya sa ikatlong palapag ng CAS Building. May mga estudyante na ring pumasok sa mga klase nila.

He jogged to his class and checked his wristwatch. Napangisi siya. May dalawa pang minutong natitira. Mayamaya pa, pumasok na ang professor nila para sa Business Math subject. Nag-discuss lang ang prof nila na wala rin naman siyang naiintindihan dahil hindi naman siya nakikinig. Mas gusto niyang tumakbo sa oval track kaysa makinig sa klase.

Iyon nga ang ginawa niya. He put on his sando na may logo ng DCU, trackpants at rubber shoes. He did some jumping jacks and opposite toe touches on the oval track, eyes crinkling because of the heat of the sun. Bakante ang football grounds sa gitna. Mamayang hapon ang practice ng mga ito. May iilang mga joggers ang nandoon sa oval track. Puwesto siya sa fourth lane at naglakad-lakad muna habang nag-iinat ng mga kamay. Nagsimula na siyang tumakbo nang may sumabay sa kanya. Kagaya niya itong nasa linya ng track and field ngunit mas focus ito sa long jump.

"Yo, Miles." Sandro flashed his cocky smile. Bahagyang nairita si Miles. May ideya na siya kung ano ang sasabihin nito. "Singapore is nice. Sayang, wala ka doon. You're supposed to meet an Olympian runner. Nagbabakasyon siya roon. One of the spectators sa event." Pabaliktad na tumatakbo ito. Nangungunot na ang noo ni Miles sa takbo ng mga salita nito at para bang naiinis ay ngumisi pa lalo ito. "Puwede kang humingi ng advice sa kanya."

"I'd rather discover it myself." Hindi siya papatinag rito. He sported his usual smirk. "See you in the next line-up."

"Ang tanong kung makakasali ka pa ba," pang-aasar nito sa kanya sabay takbo ng mabilis at nilampasan lang siya. Parang gusto niyang sakmalin ito mamaya sa training nila.

He stopped on his tracks for a bit and released a sharp breathe. Humagap siya ng hangin at mariing ipinikit ang mga mata niya upang kalmahin ang sarili niya.